ສະບາຍດີແລະຍິນດີຕ້ອນຮັບທ່ານຜູ້ຟັງເຂົ້າສູ່ລາຍການສຽງເພງ
ຈາກແດນໄກໃນຄ່ຳຄືນວັນນີ້ ຊຶ່ງກໍຢູ່ໃນຊ່ວງເປັນລະດູໃບໄມ້ຫຼົ່ນ
ທີ່ຫຼຽວໄປໃສ, ທາງໃດກໍເຫັນແຕ່ໃບໄມ້ປ່ຽນສີ ຈາກຂຽວມາເປັນ
ເຫຼືອງແກມແດງແລະແສດ ສາດສ່ອງສວຍງາມຕາຫນ້າປະທັບ
ໃຈແລະໂຣແມນຕິກ ສຳລັບຄົນຫນຸ່ມຄົນສາວ ແລະຄິດວ່າອາ
ກາດໃນປະເທດລາວ ກໍຄົງເຢັນສະບາຍສະບາຍ ສ່ວນວໍຊິງຕັນ
ດີຊີ ປີນີ້ ລົມໜາວມາແຮງ ເກີດມີພະຍຸຫິມະໃນທາງພາກຕາເວັນອອກສຽງເໜືອຂອງ
ສະຫະລັດທີ່ໜາວຜິດປົກກະຕິ ໃນຫວ່າງມໍ່ໆມານີ້...ມື້ນີ້ມີເລື້ອງດີໆທີ່ວັນນະສອນຢາກຈະແບ່ງປັນ ພໍດີໄດ້ເຫັນບາງຕອນຂອງຮູບເງົາສາລະຄະດີເລື້ຶອງ “Collecting Bottles” ຫຼື
ຄົນເກັບຂວດ ທີ່ເປັນຮູບເງົາທີ່ຖືກຄັດເລືອກເຂົ້າສາຍໃນເທດສະການຮູບເງົາຫຼວງພຣະ
ບາງ ໃນວັນທີ 6-10 ທັນວາຈະມາເຖິງນີ້...ແຟນລາຍການຫ້າມພາດເດັດຂາດ ໂດຍສະເພາະເລື້ອງນີ້ ມັນຈະເປັນຄະຕິເຕືອນໃຈ ສອນໃຫ້ພວກເຮົາມີມານະ ອົດທົນ ອົດກັ້ນແລະ
ເດີນໜ້າ ສູ້ກັບຊີວິດຕໍ່ໄປ ເພື່ອວັນທີ່ດີໃນວັນຂ້າງໜ້າ. ວັນນະສອນວ່າຮູບເງົາເລື້ອງນີ້ ປະທັບໃຈເປັນທີ່ສຸດ ກໍຄືຄວາມມຸມານະອົດທົນ ແລະສູ້ໆຂອງແມ່ຍິງຄົນນຶ່ງ ໃນຖານະທີ່ເປັນ
ແມ່ໝ້າຍ ລູກ 4 ທີ່ຕ້ອງກະທຳທຸກວິຖີທາງເພື່ອລ້ຽງດູລູກໆຂອງລາວ ວັນນະສອນຈຶ່ງໄດ້ນຳເອົາເລື້ອງລາວຂອງຄອບຄົວເອື້ອຍນາງນີ້ ລົງໄປໃນ Facebook ແລະກໍມີຜູ້ໃຈບຸນຫຼາຍທ່ານ ທີ່ຈະຍື່ນມືເຂົ້າມາຊ່ອຍ...ວັນນະສອນຂໍເປັນຄົນກາງທີ່ຈະມອບສິນນ້ຳໃຈຈາກການ
ຮວມໄດ້ຂອງຫຼາຍໆທ່ານ ທີ່ສົ່ງໄປຊ່ອຍໃຫ້ຄອບຄົວເອື້ອຍນາງກັບມືວັນນະສອນເອງ ຊຶ່ງນຶ່ງໃນຜູ້ໃຈບຸນທັງຫຼາຍນີ້ ກໍແມ່ນຄອບຄົວຍາເອື້ອຍສຸຣິຍາ ຄຳລີ ທີ່ບອກມາວ່າຈະສົ່ງມາຮ່ວມສົມທົບ $100 ພ້ອມທັງທ່ານ Eddy ຊຸມພົນພັກດີ ທີ່ບອກວ່າຈະສົ່ງເຂົ່າມາຊ່ອຍເຫຼືອເຊັ່ນກັນ ແຕ່ຍັງບໍ່ທັນຊາຍວ່າຫຼາຍປານໃດ ວັນນະສອນ ກໍຈະຄອຍສົ່ງຂໍ້ມູນເລື້ອຍໆ ກະລຸນາຕິດຕາມໃນ Facebook ຂອງວັນນະສອນ ເພາະສະນັ້ນຈຶ່ງຂໍຈັດມອບເພງ ທີ່ມີຄວາມໝາຍດີ ເປັນກຳລັງໃຈ ໃຫ້ ຄອບຄົວຂອງເອື້ອຍນາງໄດ້ຢືນສູ້ຕໍ່ໄປ ເພື່ອວັນຂ້າງໜ້າທີ່ສົດໃສກວ່າ.
ເພງຕໍ່ໄປນີ້ວັນນະສອນຂໍຈັດມອບໃຫ້ແກ່ຄູ່ໜຸ່ມສາວທີ່ມີແຟນຮັກທີ່ຢູ່ຫ່າງໄກກັນ…
ຂໍໃຫ້ເພງນີ້ "ກຳລັງໃຈຂ້າງຫູ" ທີ່ຂັບຮ້ອງໂດຍ ແຈ໊ກ ສ. ສາຍນ້ຳມອງ ກໍຂໍໃຫ້ເປັນກຳລັງໃຈຊຶ່ງກັນແລະກັນ ຕໍ່ໆໄປ. ວັນນະສອນຖ້າໄດ້ຟັງເພງນີ້ແລ້ວ ແນ່ນອນ ທ່ານຜູ້ຟັງຕ້ອງຂໍເກັບສິນລະປິນຄົນນີ້ ໄວ້ໃນດວງໃຈຂອງທ່ານອີກຄົນນຶ່ງ ແລະກໍຢ່າລືມກັບມາພົບກັບວັນນະສອນ ພ້ອມດ້ວຍສຽງເພງມວ່ນໆໃນລາຍການສຽງເພງຈາກແດນໄກໄດ້ອີກໃຫມ່
ໃນສັປດາຫນ້າ. ຂໍໃຫ້ທຸກໆທ່ານນອນລັບຝັນດີ.
