ໃນລາຍການສຽງເພງຈາກແດນໄກຂອງ VOA ໃນຄໍ່າຄືນນີ້ ວັນນະສອນໄດ້ນໍາເພງ
ລູກທົ່ງສາກົນທີ່ມ່ວນໆ ມາຝາກທ່ານຜູ້ຟັງ ຢ່າລໍຊ້າເລີຍ ຂໍເຊີນທ່ານຜູ້ຟັງເຂົ້າສູ່
ລາຍການໄດ້ເລີຍ.
ສບາຍດີ ທ່ານແຟນລາຍການສຽງເພງຈາກແດນໄກຂອງ VOA ໃນຄໍ່າຄືນນີ້
ວັນນະສອນ ຈະພາທ່ານໄປມ່ວນຊື່ນກັບເພງລູກທົ່ງອາເມຣິກັນ ຂໍເລີ້ມດ້ວຍເພງ
ທີ່ເປັນຕຳນານ…ສາມາດກາລັນຕີໄດ້ເລີຍວ່າ…ຖືກອົກຖືກໃຈທຸກໆທ່ານທີ່ໄດ້ຮັບ
ຟັງເພງນີ້ ແຕ່ງໂດຍເຈົ້າພໍ່ວົງການເພງສະຫະລັດ Lionel Richie ຜູ້ທີ່ມີຊື່ສຽງ
ໂດ່ງດັງຜູ້ນຶ່ງ ທີ່ມີຄວາມມາດພ້ອມ ແຕ່ງເພງໃດ ກໍດັງໄປໝົດ ແລະໃຫ້ Kenny
Rogers ສິນລະປິນອາວຸໂສ ຢູ່ໃນວົງການເພງລູກທົ່ງອາເມຣິກັນ ທີ່ເປັນຕຳ
ນານ ເອົາຢ່າລໍຊ້າເລີຍ ຮີບໄປຟັງເພງທີ່ທຸກຄົນລໍຄອຍ…ເຊີນຮັບຟັງໄດ້…
ໃນບົດເພງ Lady.
ເພງຕໍ່ໄປເປັນເພງເສົ້າຂອງ Sam Hunt ທີ່ຂັບຮ້ອງເພງນີ້ ໄດ້ກິນໃຈ ເພາະວ່າ
ເພງນີ້ ມີເນື້ອໃນໃຈຄວາມວ່າ...ໄປຫຼົງຮັກເຈົ້າຄົນທີ່ມີຄອບຄົວ ມີເຈົ້າຂອງ...ແຕ່ວ່າ
ສາມີຂອງນາງແມ່ນເປັນຄົນເສເພ ທັງກິນເຫຼົ້າ ກ້າວລ້າວ ບໍ່ຮັບຜິດຊອບ ແຕ່ຜູ້ຊາຍ
ຄົນນີ້ກໍເຂົ້າໃຈແລະເຫັນໃຈ...ຢາກຊ່ອຍເຫຼືອໃຫ້ແມ່ຍິງຄົນນັ້ນຫຼຸດອອກຈາກ ສະພາບ
ການທີ່ບ້ານແຕກສະແຫຼກຂາດ ອອກຈາກຄວາມທຸກທີ່ລາວໄດ້ຮັບ ຈົນໃນທີ່ສຸດ
ກໍສາມາດຫຼຸດອອກມາໄດ້...ເຊີນໄປຟັງພ້ອມໆກັນເລີຍ ໃນບົດເພງ Take Your Time
ຄືວ່າ ໃຊ້ເວລາເທົ່າທີ່ເຈົ້າຕ້ອງການ ເພື່ອຫຼຸດພົ້ນອອກຈາກທີ່ນັ້ນ.
ຂໍອຳລາທ່ານຜູ້ຟັງດ້ວຍເພງມ່ວນໆ ສະນຸກສະໜານ ເພື່ອປິດທ້າຍລາຍການແບບວ່າ
ຄ່ຳຄືນນີ້ ເປັນຄືນທີ່ວິເສດທີ່ສຸດມື້ນຶ່ງ ດັ່ງຊື່ຂອງເພງນີ້…Hell Of A Night ທີ່ຂັບຮ້ອງ
ໂດຍ Dustin Lynch ພົບກັນໃໝ່ໃນສັບປະດາໜ້າ.
