ຄ່ຳຄືນນີ້ ວັນນະສອນ ຈະມາກ່ອມທ່ານຜູ້ຟັງດ້ວຍເພງສາກົນແນວຣ໊ອກ
ຂໍເຊີນເຂົ້າຮັບຟັງເພງມ່ວນໆ ໃນລາຍການສຽງເພງຈາກແດນໄກຂອງວີໂອເອ ໄດ້ເລີຍ.
ສະບາຍດີທຸກໆທ່ານ ກັບມາພົບກັນອີກຕາມເຄີຍໃນລາຍການສຽງເພງຈາກແດນໄກ
ຂອງວີໂອເອ ຫວັງວ່າທ່ານຜູ້ຟັງຄົງຈະມັກເພງທີ່ວັນນະສອນ ເປີດໃຫ້ຟັງກ່ອນຖາມ
ສະບາຍດີທ່ານຜູ້ຟັງ ເປັນເພງຂອງ Kelly Clarkson ນັກຮ້ອງສາວ ນັກສິນລະປິນ
ແລະ ນັກແຕ່ງເພງ.. ທີ່ຂັບຮ້ອງ ເພງ… Heartbeat Song ຊຶ່ງເປັນເພງທີ່ຟັງແລ້ວ
ຕື່ນເຕັ້ນ ດັ່ງຊື່ຂອງເພງນີ້ ສຽງເຕັ້ນຂອງຫົວໃຈ...ເທື່ອໜ້າວັນນະສອນ ກໍຈະຫາເພງ
ມ່ວນໆຂອງ Kelly Clarkson ມາຝາກໃຫ້ທ່ານຜູ້ຟັງອີກ. ເອົາໄປຟັງເພງມ່ວນໆ
ຕໍ່ໄປເລີຍ...ເປັນເພງຂອງສາວນ້ອຍສຸດເຊັກຊີ Ariana Grande ໃນບົດເພງ
Break Free ເອົາໄປຮັບຟັງພ້ອມໆກັນເລີຍ.
ຂໍອຳລາທ່ານຜູ້ຟັງດ້ວຍເພງທີ່ສະໜຸກສະໜານອີກເພງນຶ່ງ ເປັນເພງຂອງນັກຮ້ອງສາວ
Sia ໃນບົດເພງ Alive ຢ່າລືມກັບມາຟັງເພງມ່ວນໆ ໃນຊ່ວງເທດການຄຣິສມັສດ້ວຍ
ໃນລາຍການສຽງເພງຈາກແດນໄກ ຂອງພວກເຮົາອີກ ໃນສັບປະດາໜ້າ. ຂໍໃຫ້ທຸກທ່ານ
ນອນຫຼັບຝັນຫວານ.
