ລິ້ງ ສຳຫລັບເຂົ້າຫາ

ສະບາຍດີ ແລະຍິນດີຕ້ອນຮັບທ່ານຜູ້ຟັງເຂົ້າສູ່ລາຍການສຽງເພງຈາກແດນໄກຂອງ
VOA 2 ມື້ ກ່ອນຈະ​ເຖິງ​ວັນ​ທີ 4 ກໍລະກົດ ວັນ​ເອກ​ກະລາດ​ຂອງ​ສະຫະລັດ ທີ່​ຊາວ​
ອາ​ເມຣິກັນ​ພາກັນ​ສະຫຼອງ​ເທດ​ການ​ນີ້​ດ້ວຍ​ການອອກ​ໄປ​ສັງ​ສັນ​ຮ່ວມ​ກັນ​ເປັນ​ຄອບຄົວ
ກິນ​ເຂົ້າ​ສາມະຄີ​ ຈູດ​ບັ້ງ​ກະ​ໂພ​ກ ທັງ​ບັ້ງ​ໄຟ​ດອກ​ແລະ​ຟັງ concert ​ດົນຕີ​ບັນ​ເລງ​ກາງ​
ແຈ້ງ ​ແລະ​ໃນ​ຫົວ​ເມືອງ​ໃຫຍ່ ກໍ​ຈະ​ມີ​ການ​ສວນສະໜາມ ທີ່ໄດ້ສະແດງອອກ ຊຶ່ງຄວາມ
ປຶ້ມປິຕິຍິນດີ ແລະພູມ​ໃຈ​ໃນ​ປະ​ເທດ​ສະຫະລັດນີ້ ທີ່​ໄດ້ເປັນຄົນ​ສັນຊາດ​ອາ​ເມຣິກາ
ແລະ​ຮູ້​ບຸນຄຸນ​ເຖິງຄຸນງາມຄວາມດີ​ຂອງ​ປະ​ເທດ​ນີ້ ປະ​ເທດ​ທີ່​ໃຫ້​ໂອກາດແກ່ທຸກໆຄົນ
ມີ​ສິດ ​ເສ​ລິ​ພາບ​ແລະ​ສ້າງ​ຄວາມ​ຝັນ​ໃຫ້​ເປັນ​ຈິງ ແລະເພງ ​“God Bless The U.S.
of A.”
ຂອງ Lee Greenwood ຈຶ່ງ​ເໝາະ​ສົ​ມທີ່​ສຸດ.

ເພງ Independence Day ກໍເປັນອີກເພງນຶ່ງທີ່ນິຍົມຮ້ອງກັນໃນວັນສຳຄັນຂອງ​ສະຫະ
ລັດ​ນີ້ ຂໍ​ເຊີນ​ໄປ​ຮ່ວມ​ຟັງ​ເພງ​ແລະ​ສະຫຼອງວັນ​ເອກ​ກະລາດ​ພ້ອມໆ​ກັນ​ເລີຍ ຂັບ​ຮ້ອງ​ໂດຍ Martina McBride.

ຂໍ​ປິດ​ທ້າຍ​ລາຍການ​ດ້ວຍ​ເພງ “America, The Beautiful ທີ່​ຂັບ​ຮ້ອງ​ໂດຍສິນລະປິນ
ຮຸ່ນອາວຸ​ໂສ ຜີວ​ຄ້ຳ​ Ray Charles. ຂໍ​ໃຫ້​ທຸກໆ​ທ່ານ​ມ່ວນ​ຊື່ນ​ກັບເພ​ງນີ້ ພົບ​ກັນ​ໃໝ່​ໃນ
​ສັບປະດາ​ໜ້າ ນອນ​ຫຼັບ​ຝັນ​ຫວານ Happy Independence Day.


ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG