ຄ່ຳຄືນນີ້ ວັນນະສອນ ຈະມາກ່ອມທ່ານຜູ້ຟັງດ້ວຍເພງລູກທົ່ງສາກົນແບບ classic
ແລະແນວເພງອື່ນໆ ນຳດ້ວຍ ຂໍເຊີນຮັບຟັງເພງມ່ວນໆ ໃນລາຍການສຽງເພງຈາກ
ແດນໄກຂອງວີໂອເອ.
ສະບາຍດີທຸກໆທ່ານ ເປັນຈັ່ງໃດລະ ເພງ Hotel California ຂອງວົງ Eagles
ເພງດັງໃນອະດີດທີ່ວັນນະສອນ ໄດ້ຈັດໃຫ້ທ່ານຜູ້ຟັງ ໃນຕົ້ນລາຍການນັ້ນ ຄົງເປັນ
ທີ່ຖືກໃຈຂອງທ່ານຜູ້ຟັງເປັນແນ່ແທ້ ເອົາໄປຟັງເພງມ່ວນໆ ກັນອີກຕື່ມ ວັນນະສອນ
ຍອມຮັບວ່າ ບໍ່ໄດ້ເຕີບໂຕມາກັບເພງລູກທົ່ງອາເມຣິກັນພວກນີ້ດອກ ແຕ່ພໍໄດ້ມາຈັດທຳ
ລາຍງານສຽງເພງຈາກແດນໄກຂອງວີໂອເອແລ້ວ ເຮັດໃຫ້ວັນນະສອນ ມີຄວາມມັກຮັກ
ໃນດົນຕີປະເພດນີ້ຫຼາຍຂຶ້ນ ຟັງແລ້ວຊຶ້ງໄປຕາມເນື້ອຮ້ອງທຳນອງ ເພາະວ່າ ບົດເພງ
ທັງຫຼາຍພວກນີ້ ໄດ້ກັ່ນຕອງມາຈາກເລື້ອງລາວຊີວິດຈິງ ແຕ່ງເຕີມຮ້ອຍກອນ ກາຍມາ
ເປັນເພງ ແລະບົດເພງຕໍ່ໄປນີ້ ກໍມີຄວາມໝາຍດີໆ ເອົາຢ່າລໍຊ້າເລີຍມາຮັບຟັງເພງຂອງ
Home ຂອງ Michael Buble ເພງນີ້ ມີທັງສອງແບບ ທັງແນວ classic ແລະລູກທົ່ງ
ຊຶ່ງກໍມ່ວນທັງສອງແບບ ເອົາມາຟັງແບບ classic ກັນກ່ອນ ຄັ້ງໜ້າຈະຈັດແນວເພງ
ລູກທົ່ງມາໃຫ້ທ່ານຟັງ ເນື້ອໃນຄວາມໝາຍຂອງເພງນີ້ ກໍແມ່ນວ່າ ຈະຢູ່ຂອບຟ້າແດນໃດ
ຈະມີຊື່ສຽງໂດ່ງດັງປານໃດ ແຕ່ຂ້ອຍ ກໍຍັງຢາກຈະກັບມາບ້ານກັບມາຫາຄວາມຮັກ
ອັນອົບອຸ່ນໃນບ້ານ…ທ່ານຜູ້ຟັງທີ່ກຳລັງຂັບລົດໄປຟັງລາຍຊການໄປຢູ່ນັ້ນ ກໍຮີບຟ້າວ
ກັບບ້ານລະ ຢ່າໄດ້ແຫວະໄປໃສ.
ຂໍສົ່ງທ່ານຜູ້ຟັງເຂົ້ານອນດ້ວຍເພງ ມ່ວນໆອີກຕື່ມເພງນຶ່ງ... ເປັນເພງຂອງ Keith
Urban ນັກຮ້ອງລູກທົ່ງຊາວບ້ານເຄນກາລູພຸ້ນ ຊຶ່ງເພງ Little Bit Of Everything ນີ້
ມີຄວາມໄນ...ແບບວ່າ ຂ້ອຍບໍ່ຕ້ອງການຫຍັງຫຼາຍ ຂໍເປັນພຽງສິ່ງເລັກໆນ້ອຍໆ ທີ່ເຈົ້າ
ກະທຳຕໍ່ຂ້ອຍ ໃຫ້ຄວາມຮັກຄວາມເອົາໃຈໃສ່ ຂ້ອຍກໍພໍໃຈແລ້ວ. ຂໍໃຫ້ທຸກທ່ານນອນ
ຫຼັບຝັນຫວານ ພົບກັນໃໝ່ໃນສັບປະດາໜ້າ.
