ວັນນະສອນ ໄດ້ຕຽມເພງມ່ວນໆ ໄວ້ກ່ອມອາລົມທ່ານຜູ້ຟັງ ສຳລັບຄ່ຳຄືນວັນອາທິດມື້ນີ້ ສ່ວນວ່າຈະມີເພງປະເພດໃດແດ່ນັ້ນ ຂໍເຊີນເຂົ້າມາຟັງພ້ອມໆກັນເລີຍ ໃນລາຍການສຽງເພງຈາກແດນໄກຂອງວີໂອເອ ໃນອັນດັບຕໍ່ໄປ.
ສະບາຍດີທ່ານຜູ້ຟັງທີ່ເຄົາລົບ ແລະຍິນດີຕ້ອນຮັບທ່ານຜູ້ຟັງເຂົ້າສູ່ລາຍການສຽງເພງຈາກແດນໄກຂອງວີໂອເອ...ດົນແລ້ວທີ່ບໍ່ໄດ້ຮັບຟັງເພງພວກນີ້ ແນວເພງ R&B ຂອງນັກຮ້ອງ August Alsina ໃນບົດເພງ No Love ຂໍເຊີນມາຟັງພ້ອມໆກັນເລີຍ ແລະວ່າ ເພງນີ້ ເປັນທີ່ຮືຮາແລະຖືກໃຈໄວຮຸ້ນຢ່າງແນ່ນອນ ໂດຍສະເພາະພວກນ້ອງໆທີ່ມັກຮັກໃນແນວເພງນີ້.
ສ່ວນເພງໜ້າຮັກໆ Chasing The Sun ຂອງ Hilary Duff ທີ່ມີຄວາມໝາຍວ່າ ແລ່ນໄລ່ຕາມຫາພະອາທິດ ຕາມຊາຍຫາດທະເລ ທີ່ເຕັມໄປດ້ວຍແສງແດດແບບ ເພີ້ຝັນ ທັງໆທີ່ໄດ້ຢູ່ບ່ອນເຮັດວຽກເຮັດການ ແຕ່ກັບຝັນເຟື້ອງໄປຫາຫາດຊາຍ ຝັ່ງທະເລ ແຫຼ່ງຕາກອາກາດທີ່ມີພະອາທິດຮ້ອນແຮງ.
ວັນນະສອນຂໍມ້ວນທ້າຍລາຍການ ສົ່ງທ່ານຜູ້ຟັງເຂົ້ານອນແຕ່ຫົວຄ່ຳ ດ້ວຍເພງ Piano
Man ເພງຫວານຂອງ Billy Joel ທີ່ເປັນບົດເພງທີ່ເຄີຍໂດ່ງດັງໃນອະດີດ ຊຶ່ງເປັນເພງທີ່
ຟັງແລ້ວສະບາຍໆ ຜ່ອນຄາຍອາລົມ ແລະພາໃຫ້ຫວນຄິດເຖິງອະດີດ ຂໍໃຫ້ທຸກໆທ່ານ
ຈົ່ງນອນຫຼັບຝັນຫວານ ແລະພົບກັນໃໝ່ໃນສະບັບໜ້າ.
