ລິ້ງ ສຳຫລັບເຂົ້າຫາ

logo-print

ຫົວ​ໃຈ​ເປື້ອນຕົມ - ຮ່ວມໃຈສິນລະປິນລາວ


ຮວມນ້ຳໃຈບັນດາສິນລະປິນລາວ ສະແດງຄອນເສີດເພື່ອ ຫາລາຍໄດ້ ສົ່ງມອບໃຫ້ພີ່ນ້ອງລາວຊາວອັດຕະປື ທີ່ປະສົບ ໄພພິບັດ.

​ໃນລາຍການ​ສຽງ​ເພງ​ຈາກ​ແດນ​ໄກ​ຂອງ​ວີ​ໂອ​ເອ ໃນ​ຄ່ຳ​ຄືນ​ວັນ​ອາທິດມື້ນີ້ ວັນນະ​
ສອນ​ ມີເພງພິເສດທີ່ແຕ່ງຂຶ້ນສະເພາະພີ່ນ້ອງລາວ ຊາວອັດຕະປື ທີ່ປະສົບໄພ
ພ້ອມທັງເພງສາກົນມ່ວນໆ ສ່ວນທ່ານໃດທີ່ຂໍເພງມາ ຈົ່ງຕຽ​ມຕົວ​ໄວ້​ເລີຍ ​ເພື່ອ​ຮັບ​
ຟັງ​ເພງ​ທີ່​ຂໍ​ເຂົ້າ​ມາ ​ເອົາມື້​ນີ້ມາ​ຟັງ​ເພງເອ​ເຣິກັນ ພ້ອມໆ​ກັນກ່ອນ.

ສະບາ​ຍດີ​ທຸກໆທ່ານ ເພງທີ່ທ່ານຫາກໍ​ໄດ້ຟັງຈົບລົງໄປນັ້ນ ແມ່ນເພງ ຫົວ​ໃຈ​ເປື້ອນຕົມ
ທີ່​ເປັນ​ຜົນງານ​ເພງ​ທີ່​ຫາ ກໍ​ແຕ່ງ​ຂຶ້ນ​ມາໃຫ້​ສະ​ເພາະ​ພວກພີ່ນ້ອງ​ຊາວ​ລາວ ​ທີ່​ປະສົບ​ໄພ
ພິບັດ ​ເຫດ​ເຂື່ອນ​ແຕກ ທີ່​ແຂວງ​ອັຕະປຶ ພາກ​ໃຕ້​ຂອງ​ລາວ ​ພ້ອມ​ນີ້ ກໍຈະ​ມີ​ການ​ສະ​ແດງ
ຄອນ​ເສີດ​ຟຣີ ທີ່​ເອີ້ນ​ວ່າ ຮ່ວມ​ພະລັງ​ນ້ຳ​ໃຈ ສົ່​ງໄປອັດ​ຕະປື ​ໂດຍ​ການ​ຮວມຕົວ​ຂອງ​
ສິນລະປິນ​ລະດັບ​ປະ​ເທດ ອັນ​ມີ ວົງ Mellallic, ວົງ Black Eyes, ວົງ Dynamic,
ສິນລະ​ປິນ ນັກ​ແຕ່ງ​ເພງ ອາ​ລູນາ ຖາວອນ​ສຸກ, ຕ້າ ​ເອ​ເພັກ, ​ແຊມ ອິນທະຣະພິທັກ,
Jackie The Voice, ຕ່າ​ຍ ອາກາດ, ຕີ໋ ອຸ​ດາ​ໄລ, ​ແລະ​ກີ້ ດາວ​ເພັດ ໜູຫ່ວງ

ລາຍ​ໄດ້​ຈາກ​ງານ​ກຸສົນ ດັ່ງກ່າວ ຈະ​ນຳ​ສົ່ງ​ໄປ​ໃຫ້​ພີ່ນ້ອງ​ຊາວ​ອັດ​ຕະປື. ວີ​ໂອ​ເອ ຂໍ​ສົ່ງ
​ກຳລັງ​ໃຈ ​ໄປ​ຫາ​ຊາວ​ລາວ​ທີ່​ປະສົບ​ໄພພິບັດ ຢູ່​ໃນ​ຂະນະ​ນີ້ດ້ວຍ ​ແລະ​ຂໍ​ຂອບ​ໃຈ​ບັນດາ​ສິນລະປິນ​ລາວ ທີ່​ຕັ້ງ​ໃຈ​ແຕ່ງ​ເພງ​ນີ້​ຂຶ້ນ​ມາ ​ແລະ​ຫາ​ທຶນ​ເພື່ອ​ເປັນ​ສິນ​ນ້ຳ​ໃຈ​ສົ່ງ​ຊ່ອຍ
​ພີ່ນ້ອງ​ລາວ.

ດັ່ງທີ່ໄດ້ບອກທ່ານຜູ້ຟັງໄປນັ້ນລະວ່າ ພວກເຮົາຫຼິ້ນເພງສາກົນ 3 ຄັ້ງ ແລະ 1 ຄັ້ງ
ເປັນເພງລາວ ຕໍ່ເດືອນ ແລະວັນອາທິດມື້ນີ້ ກໍແມ່ນຄັ້ງສຸດທ້າຍຂອງການນຳສະເໜີ
ເພງສາກົນໃນເດືອນກໍລະກົດນີ້ ແລະວ່າທ່ານຜູ້ໃດ ທີ່ຂຽນເຂົ້າມາຂໍຟັງເພງລາວນັ້ນ
ກໍຕ້ອງ​ໄດ້ລໍຖ້າ ຈົນ​ເຖິງສັບປະດາໜ້າເດີ...ເພາະວ່າຈະມາຈັດເພງໃຫ້ຕາມຄຳຂໍ
ທີ່ີທ່ານຜູ້ຟັງຂຽນເຂົ້າມາ...ເພງທີ່ວັນນະສອນ ຈະຫຼິ້ນໃຫ້ຟັງຕໍ່ໄປນີ້ແມ່ນເປັນເພງຮັກ
ຫວານໆ ແລະເປັນເພງທີ່ເໝາະສົມໃນການຫັດຫຼິ້ນກິຕ້າຈີບສາວ ຖ້າຮ້ອງໄດ້ ພ້ອມກັບ
ຫຼິ້ນກິຕ້າໄປພ້ອມ...ວັນນະສອນວ່າ ຈະຈີບສາວໄດ້ແນ່ນອນ ເປັນຜົນງານເພງດັງຂອງ
Ed Sheeran ໃນບົດເພງທີ່ມີຄວາມໝາຍຈາກ​ພາສາ​ອັງກິດ ທີ່​ຊື່ວ່າ How Would
You Feel
...ທີ່​ມີ​ຄວາມ​ໝາຍວ່າ ​ເຈົ້າ​ມີ​ຄວາມຮູ້​ແບບ​ໃດ...​ເອົາ​ລອງ​ໄປ​ຮັບ​ຟັງ​ເພງ​ນີ້​
ພ້ອມໆ​ກັນ​ເລີຍ ​ແລະ​ຢ່າ​ລືມ​ຂຽນ​ບອກ​ມາ​ແດ່​ເດີ​ວ່າ ຮູ້ສຶກ​ແບບ​ໃດ​ກັບ​ເພງ​ນີ້.

​ກ່ອນ​ຈາກ​ກັນ​ໃນ​ວັນ​ນີ້ ວັນນະ​ສອນ ຂໍ​ສົ່ງ​ທ່ານ​ເຂົ້າ​ນອນ ດ້ວຍ​ການ​ເປີດ​ເພງ​
Stuck On You ​ທີ່ເປັນ​ເພງເຢັນ​ໆ ຫວານໆ ຟັງສະບາຍໆ ຂອງ Lionel Richie ​
ສິນລະປິນ ນັກ​ຮ້ອງ ນັກ​ແຕ່ງ​ເພງ ທີ່​ມີ​ຜົນງານ​ມາກ​ມາຍ ​ໃຫ້​ສິນລະປິນ​ທ່ານອື່ນນຳ​
ຜົນ​ງານ​ບົດ​ປະພັນຂອງ​ຜູ້ກ່ຽວ​ໄປ​ຂັບຮ້ອງ...ຂໍໃຫ້ທ່ານຜູ້ຟັງຈົ່ງນອນ
ຫລັບຝັນດີ ແລະພົບກັນໃໝ່ ໃນສັບປະດາໜ້າ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

ທ່ານອາດຈະມັກເລື້ອງນີ້ຄືກັນ

XS
SM
MD
LG