ສະບາຍດີ ທຸກໆທ່ານ ເພື່ອບໍ່ໃຫ້ເສຍເວລາ ຂ້າພະເຈົ້າຂໍສະເໜີເພງທໍາອິດເລີຍ ຈັດໃຫ້ຕາມຄໍາຂໍຂອງນ້ອງກູດຫລືແກ້ວວຽງໄຊ ກັບສາມີ ບຸນຈັນ ທໍາວົງສາ ອະດີດອາຈານສອນຢູ່ໂຮງຮຽນອຸດົມ ເລກ 3 ເມືອງໄຊເສດຖາ ທີ່ຂໍຟາກເພງ ບໍ່ລືມວຽງຈັນ ເຖິງເພື່ອນໆອາຈານສອນທີ່ໂຮງຮຽນດຽວກັນ 6 ຄົນ ອັນມີ ອາຈານສີປະເສີດ ຈັນທາ ຈັນທະໄລ ພິມມະສອນ ທອງບັນ ແລະຄໍາກອງ ພ້ອມກັບຄູອາຈານທຸກໆຄົນທີ່ ໂຮງຮຽນອຸດົມ ເລກ 3 ເມືອງໄຊເສດຖາ. ນີ້ຄືເພງ ບໍ່ລືມວຽງຈັນ ຜົນງານຂອງແສງມະນີ ຟາກເຖິງບັນດາອາຈານເຫລົ່ານັ້ນ ພ້ອມກັບຄວາມຮັກແພງແລະຄິດຮອດຄິດເຖິງ ຈາກເພື່ອນເກົ່າ ແກ້ວວຽງໄຊກັບບຸນຈັນ ທໍາວົງສາ ທີ່ເມືອງ Springfield ລັດເວີຈີເນຍ.
ສອງເພງຕໍ່ໄປນີ້ ຂ້າພະເຈົ້າຂໍສະເໜີຜົນງານຂອງອູ່ແກ້ວ ໄຊຍະວົງ ຊຶ່ງຂ້າພະເຈົ້າເອງ
ກໍຫາໄດ້ຍິນເປັນເທື່ອທໍາອິດ ກະບໍ່ຮູ້ວ່າເກົ່າຫລືໃໝ່ ແຕ່ຮູ້ສຶກວ່າມ່ວນດີ ຢາກໃຫ້ບັນດາ
ທ່ານໄດ້ຟັງນໍາ ຄືເພງ ແຄມງື່ມໃນຝັນ ຕິດຕາມດ້ວຍເພງ ລືມນ້ອງບໍ່ໄດ້ ຂໍມອບໃຫ້
ທຸກໆ ທ່ານທີ່ກໍາລັງຟັງຢູ່ ບໍ່ວ່າຕອນທີ່ກໍາລັງອອກອາກາດທາງວິທະຍຸຢູ່ໃນຂະນະນີ້ ຫລືທາງອິນເຕີແນັດ ໃນມື້ຕໍ່ໆໄປກໍດີ. ຂໍໃຫ້ມີຄວາມສຸກກັບສອງເພງນີ້ ແລະຂ້າພະເຈົ້າຂໍອໍາ
ລາທ່ານໄປພ້ອມນີ້ເລີຍ. ພົບກັນໃໝ່ອາທິດໜ້າ ຂໍໃຫ້ທຸກທ່ານຈົ່ງນອນຫລັບຝັນດີ ລາຕີສະຫວັດ......
