ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ວີໂອເອ ສະເໜີ ເພງລາວສະໄໝ ເນື່ອງໃນ ໂອກາດ ວັນພໍ່


ອ. ຄໍາຫຼ້າ ໜໍ່ແກ້ວ ແລະ ຕຸກຕາ ພູມິວົງ
ອ. ຄໍາຫຼ້າ ໜໍ່ແກ້ວ ແລະ ຕຸກຕາ ພູມິວົງ

ສະບາຍດີທ່ານແຟນເພງທັງຫຼາຍ. ມື້​ນີ້ ວັນນະ​ສອນ​ດີ​ໃຈ ​ທັງຍິ້ມນ້ອຍ ຍິ້ມ​ໃຫຍ່ ​ເພາະວ່າ
​ໄດ້​ມາ​ຈັດ​ເພງພິ​ເສດ​ແລະ​ມີ​ຄວາມ​ໝາຍ ທີ່ສະ​ແດງ​ອອກ​ ເຖິງ​ຄວາມ​ຮັກ ຄວາມ​ຫວ່ງ​ໃຍ
ຄວາມ​ເອົາ​ໃຈໃສ່ ​ແລະ​ຖະນຸຖະໜອມ ຂອງຜູ້ເປັນພໍ່ ທີ່​ມີ​ຕໍ່​ລູກ ໃນຄໍ່າຄືນມື້ນີ້ ຊຶ່ງກົງກັນ
ກັບວັນພໍ່ແຫ່ງຊາດ ໃນສະຫະລັດອາເມຣິກາ. ວັນນະ​ສອນ​ຂໍ​ຕາງໜ້າ​ໃຫ້​ຄະນະ VOA ຈັດມອບເພງ ​ແທນ​ຄວາມ​ຮູ້ສຶກ​ຂອງ​ພວກ​ລູກໆ​ທີ່​ມີ​ຕໍ່​ພໍ່ເພື່ອ​ສະ​ແດງ​ເຖິງ​ຄວາມ​ຮູ້​ບຸນຄຸນ ​
ແລະ​ຕອບ​ບຸນ​ແທນ​ຄຸນ ​ແດ່​ບັນດາ​ພໍ່ ​ຜູ້​ບັງ​ເກີດ​ເກົ້າ ຈຶ່ງ​ຂໍ​ມອບ​ເພງ “ພໍ່”ບົດ​ປະພັນ​ຂອງ​
ອາຈານ ຄຳ​ຫຼ້າ ໜໍ່​ແກ້ວ ໂດຍ​ ໄດ້​ນັກ​ຮ້ອງ​ສາວ ສຽງ​ມີ​ພະ​ລັງ ຢ່າງ ຕຸກ​ຕາ ພູ​ມິ​ວົງ ມາ​ຂັບ
​ຮ້ອງ ກໍ​ຍິ່ງເຮັດ​ໃຫ້​ເພງ​ນີ້​ມ່ວນ​ແບບ​ມີ​ພະລັງ. ຂໍ​ເຊີນ​ມາ​ຟັງ​ພ້ອມໆ​ກັນ​ເລີຍ.

​3 ສັບປະດາ ​ກວ່າ​ຈະ​ໄດ້​ຮັບຟັງ​ເພງ​ລາວ ສະ​ນັ້ນ ວັນນະ​ສອນ​ ຈະ​ຫາ​ເພງ​ມ່ວນໆ​
ຂອງ​ສິນລະປິນ​ຄຸນ​ນະພາ​ບມາ​ຝາກ​ ໃຫ້ທ່ານ​ຜູ້​ຟັງ​ໄດ້​ຮັບ​ຟັງ​ກັນ. ​ເພງ​ຈົດໝາຍ​ສະບັບ
ສຸດ​ທ້າຍ ​ນີ້ ​ເປັນ​ບົດ​ປະພັນ​ຂອງ​ອາຈານ​ ສ. ​ແສງ​ສິຣິວັນ ທີ່​ຂັບ​ຮ້ອງ​ໂດຍ​ສິນລະປິນ
​ສຽງ​ດີຈາກ​ອອສ​ເຕຣ​ເລຍ ອຸດ​ອນ ວົງສີ ທ່ານ​ຜູ້​ຟັງ​ຈະບໍ່​ຜິດ​ຫວັງຢ່າງ​ແນ່ນອນ.

ວັນນະສອນ ຂໍຕາງໜ້າໃຫ້ພວກລູກໆທຸກໆຄົນ ສົ່ງຄວາມສຸກ ສົ່ງຄວາມຮູ້ສຶກທີ່ດີ
ຄວາມຮັກ ຄວາມຮູ້ສຶກກະຕັນຍູກະຕະເວທີ ມອບແດ່ ບັນດາພໍ່ ທີ່ຄອຍເອົາໃຈໃສ່
ແລ ລ້ຽງລູກໃຫ້ເຕີບໃຫຍ່ເປັນທີ່ໜ້າຮັກແລະຊື່ນຊົມຂອງຜູ້ຄົນທີ່ໄດ້ພົບເຫັນ ຂໍວິ້ງ
ວອນພຣະສິລັດຕະນະໄຕ ຈົ່ງປົກປັກຮັກສາແລະຄຸ້ມຄອງໃຫ້ບັນດາພໍ່ ຈົ່ງມີອາຍຸໝັ້ນ
ຂວັນຍືນ ຄຽງຄູ່ກັບພວກລູກໆຕະຫຼອດໄປ ຕາບນານເທົ່ານານ ແລະຂໍອໍາລາທ່ານ
ດ້ວຍເພງຂອງ ໃນບົດເພງ“​ຮັກ​ພໍ່” ທີ່ຂັບ​ຮ້ອງ​ໂດຍ ປຸກ​ກີ້ ​ເງິນ​ລ້ານ ​ພົບ​ກັນ​ໃໝ່​
ໃນ​ສັບປະດາ​ໜ້າ ນອນ​ຫຼັບ​ຝັນ​ຫວານ.

XS
SM
MD
LG