ຄ່ຳຄືນນີ້ ທ່ານຈະໄດ້ຮັບຟັງເພງສາກົນທີ່ມ່ວນໆ ທີ່ວັນນະສອນໄດ້ກະກຽມໄວ້ ມາສະເໜີ
ທ່ານໃນລາຍການສຽງເພງຈາກແດນໄກຂອງວີໂອເອ. ຂໍເຊີນຮັບຟັງໄດ້ນະບັດນີ້.
ສບາຍດີ ແລະຍິນດີຕ້ອນຮັບທ່ານຜູ້ຟັງ ເຂົ້າສູ່ລາຍການສຽງເພງຈາກແດນໄກຂອງ
ວີໂອເອ ໃນຄໍ່າຄືນວັນອາທິດມື້ນີ້ ວັນນະສອນກັບມາແລ້ວ ກັບມາຈັດເພງມ່ວນໆ
ຫຼັງຈາກທີ່ຫ່າງຫາຍໄປນານສອງນານ ຂໍເລີ້ມດ້ວຍເພງຂອງ Major Lazer ທີ່ຮ້ອງຄູ່ກັບ
Justin Bieber ແລະ Mo ໃນບົດເພງ Cold Water ທີ່ແປວ່າ ນ້ຳເຢັນ ເອົາຂໍເຊີນ
ໄປຟັງພ້ອມໆກັນເລີຍ.
ຕ້ອງຂໍຂອບໃຈແຟນລາຍການວິທະຍຸວີໂອເອທຸກໆທ່ານ ໂດຍສະເພາະທ່ານຜູ້ຟັງ
ທີ່ບັງເອີນໄດ້ພົບພໍ້ກັນ ໃນປະເທດລາວ ຊຶ່ງກໍຫຼາຍໆຄົນ ທີ່ເຂົ້າມາທັກທາຍກັນ ວັນນະ
ສອນ ດີໃຈທີ່ໄດ້ພົບພໍ້ ທີ່ສະໜາມບິນອຸດົມໄຊ ແມ່ນນ້ອງສົມຫວັງ ທີ່ບອກມາວ່າຟັງ
ວີໂອເອກັບພໍ່ ຕັ້ງແຕ່ອາຍຸ 15 ປີ ຈົນຮອດປັດຈຸບັນນີ້ ກໍມີອາຍຸຮອດ 26 ປີ ແລ້ວ
ເອື້ອຍວັນນະສອນດີໃຈຫຼາຍໆທີ່ວີໂອເອ ໄດ້ເປັນສ່ວນນຶ່ງໃນການໃຫ້ສາລະແລະ
ບັນເທີງແກ່ນ້ອງແລະຄອບຄົວມາເປັນເວລາເນີນນານ ແລະກໍຂໍໃຫ້ຟັງວີໂອເອຕໍ່ໆໄປ.
ເອື້ອຍຂໍມອບເພງມ່ວນໆ ແລະມີຄວາມໝາຍດີໆ ມອບແທນຄຳຂອບໃຈແກ່ນ້ອງ
ແລະຄອບຄົວ ທີ່ວ່າເປັນແຟນວີໂອເອຢ່າງໜຽວແໜ້ນ ໃຫ້ນ້ອງໄປຊອກເອົາຮູບໃນໜ້າ
ເຟສບຸກຂອງເອື້ອຍເດີ ຕອນທີ່ຖ່າຍໄວ້ກັບຄອບຄົບຂອງນ້ອງນັ້ນ ໃຫ້ເກັບໄວ້ເປັນ
ທີ່ລະລຶກ ເອົາໄປຟັງເພງຂອງ Adele ພ້ອມໆກັນເລີຍໃນບົດເພງ When We
Were Young ທີ່ແປເປັນພາສາລາວ ກໍແມ່ນວ່າ ຕອນພວກເຮົາຍັງນ້ອຍ.
ຜູ້ຟັງອີກທ່ານນຶ່ງ ທີ່ໄດ້ພົບພໍ້ກັນ ທີ່ສປປລາວ ກໍແມ່ນທ່ານສະດາຄົມ ຣາດສະບຸດ
ທີ່ຈຳວັນນະສອນໄດ້ ທີ່ແກ້ງເຂົ້າມາຂໍຖ່າຍຮູບ ເພາະບໍ່ຄິດບໍ່ຝັນວ່າຈະໄດ້ພໍ້ກັນທີ່ລາວ
ຢາກບອກທ່ານສະດາຄົມ ວ່າ ຂອບໃຈຫຼາຍໆທີ່ຈື່ຈຳກັນໄດ້ ຂອບໃຈທີ່ຄອຍເປັນ
ກຳລັງໃຈແລະເປັນແຫ່ງຂ່າວໃຫ້ຂໍ້ມູນກ່ຽວກັບປະຊາຄົມລາວໃນອອສເຕຣເລຍມາ
ໂດຍຕະຫຼອດຈຶ່ງຂໍມອບເພງ Perfect ທີ່ຮ້ອງໂດຍ Ed Sheeran ກັບ Beyonce.
ຫວັງວ່າທ່ານສະດາຄົມຄົງຈະຍັງສືບຕໍ່ພາລະໜ້າທີ່ສົ່ງຂໍ້ມູນໃຫ້ວີໂອເອແລະຟັງລາຍ
ການເຮົາຕະຫຼອດໄປ. ຂໍໃຫ້ທຸກໆທ່ານນອນຫຼັບຝັນຫວານ ແລະພົບກັນໃໝ່ໃນສັບປະດາໜ້າ.
