ໃນລາຍການສຽງເພງຈາກແດນໄກຂອງ VOA ໃນຄໍ່າຄືນ ກ່ອນວັນຄຣິສມັສ ຫຼື ບຸນ
ໂນແອລ ນີ້ ວັນນະສອນ ມີເພງທີ່ເຕັມປ່ຽມໄປດ້ວຍຄວາມໝາຍດີໆ ເພື່ອອວຍພອນ
ໃຫ້ແກ່ແຟນໆລາຍການສຽງເພງຈາກແດນໄກໃນເທດສະການດ່ັງກ່າວ ຂໍເຊີນທ່ານ
ຮັບຟັງໄດ້ ໃນອັນດັບຕໍ່ໄປ.
ສະບາຍດີທ່ານແຟນເພງທີ່ໜ້າຮັກທັງຫຼາຍ ວັນນະສອນ ດີໃຈທີ່ໄດ້ກັບມາຈັດເພງ
ເພື່ອສະຫຼອງບຸນຄຣິສມັສຮ່ວມກັນ ໃນຄ່ຳຄືນກ່ອນວັນຄຣິສມັສປີ 2017 ມື້ນີ້
ບໍ່ຊາບວ່າ ທ່ານຕຽມພ້ອມແລ້ວບໍ່ ສຳຫຼັບວັນຄຣິສມາດປີນີ້ ເອົາມາຟັງເພງທີ່ກ່ຽວ
ຂ້ອງກັບເທດສະການສະຫຼອງຄຣິສມັສ ກ່ອນຈະນັບຖອຍຫຼັງລົງໄປ ຈົນເຖິງເວລາ
ເປີດຂອງຂວັນໃນບົດເພງ Where Are You Christmas ທີ່ຂັບຮ້ອງໂດຍ
Faith Hill.
ປີນີ້ໃນນະຄອນຫຼວງວໍຊີງຕັນ ອາກາດກໍໜາວຂຶ້ນເລື້ອຍໆ ແລະຫິມະຫາກໍຕົກ
ໃນຫວ່າງບໍ່ດົນມານີ້ ບໍ່ຊາບວ່າປີນີ້ ເຮົາຈະມີຫິມະຕົກໃນວັນຄຣິສມັສກັນບໍ່ ຖ້າເບິ່ງ
ນຳກັນໄປກ່ອນເໝາະ. ຕໍ່ໄປຂໍມອບເພງຂອງ Michael Bouble ເປັນຂອງຂວັນ
ແດ່ທຸກໆທ່ານ ແລະຂໍໃຫ້ມ່ວນຊື່ນ ສະໜຸກສະໜານ ໃນຄ່ຳຄືນທີ່ພິເສດ ທີ່ສະຫງົບ
ງຽບ ດັ່ງຊື່ຂອງເພງນີ້ເລີຍ...Silent Night.
ດັ່ງທີ່ທຸກໆຄົນໄດ້ຊາບກັນນັ້ນລະ ເທດສະການບຸນຄຣິສມັສນີ້ ເປັນເທດສະການ
ຂອງການສົ່ງຄວາມສຸກ ມອບຄວາມຮັກ, ຄວາມອົບອຸ່ນໃຫ້ກັນແລະກັນ ເພາະສະນັ້ນ
ວັນນະສອນ ຈຶ່ງຂໍຈັດເພງມ່ວນໆນີ້ ມອບຄືນໃຫ້ແກ່ທ່ານຜູ້ຟັງທີ່ຄອຍຕິດຕາມ
ຮັບຟັງ ແລະເປັນກໍາລັງໃຈ ຕະຫຼອດມາ ຢ່າງສະເໝີຕົ້ນສະເໝີປາຍ ວັນນະສອນ
ຈຶ່ງຂໍຖືໂອກາດນີ້ຂອບໃຈແລະ ຂໍສົ່ງຄວາມສຸກ ມາກັບສຽງເພງຂອງສິນລະປິນຮຸ່ນ
ອາວຸໂສ ຄໍຣ໊ອກ Rod Stewart ທີ່ມາຄ່ຳຄວນເພງ Have Yourself A Merry
Little Christmas ໄດ້ໜ້າຮັກໜ້າຊັງ ນອນຫຼັບໃຫ້ສະບາຍແລະວ່າ ວັນຄຣິສມັສ
ມື້ອື່ນນີ້ ຈະເປັນວັນທີ່ສົດໃສ ແລະແຮປປີ້ ຕະຫຼອດໄປ.
