ສບາຍດີແຟນເພງທັງຫຼາຍ ຄ່ຳຄືນວັນນະສອນ ຈະພາທ່ານໄປຮັບຟັງເພງສາກົນທີ່ຫາກໍໄດ້
ຮັບລາງວັນ Grammy ຄັ້ງທີ່ 58 ປີ 2016 ທີ່ໄດ້ຈັດຂຶ້ນໃນນະຄອນ Los Angeles ຫວ່າງ
ມໍ່ໆມານີ້ ຊຶ່ງວັນນະສອນຕັ້ງໃຈຈະມາຫຼິ້ນເພງທີ່ຫາກໍໄດ້ຮັບລາງວັນເພງຍອດຢ້ຽມແຫ່ງປີ
ຫຼື Song of the Year ທີ່ຮ້ອງປະສານສຽງໂດຍ Ed Sheeran Amy Wadge ໃນບົດເພງ Thinking Out Loud ຊຶ່ງເພງນີ້ມີຄວາມໝາຍວ່າ ແມ່ນກະທັ້ງແຕ່ຄິດ ກໍຍັງສຽງດັງອອກມາ ໃຫ້ກ້າປາກກ້າເວົ້າ ຢ່າເກັບໄວ້ຂ້າງໃນ ເອົາໄປຟັງພ້ອມກັນເລີຍຫວັງວ່າຫຼາຍໆທ່ານຄົງຈະ
ຖືກໃຈ ແລະໂອກາດໜ້າຈະນໍາເພງທີ່ໄດ້ຮັບລາງວັນອື່ນໆມາຈັດໃຫ້ຟັງອີກ ເພາະຍັງມີເພງ
ມ່ວນໆອີກຫຼາຍໆເພງ.
ສ່ວນເພງຕໍ່ໄປນີ້ ຂໍຈັດໃຫ້ຕາມຄຳຂໍຂອງຜູ້ຟັງ ທ່ານຄຳປ້ອມ ພົງສະຫວັນ ຈາກສປປລາວ ຂຽນຜ່ານທາງ Facebook ຂໍຟັງເພງ ສະບາຍດີຫຼວງພະບາງທ່ານຄຳປ້ອມ ພ້ອມດ້ວຍ
ຄອບຄົວ ກໍແມ່ນຜູ້ນຶ່ງທີ່ໄດ້ເປັນຜູ້ນຳພາໃນການສືບຕໍ່ ຮັກສາພຸດທະສາສະໜາ ໂດຍການ
ສ້າງວັດປາກແຈກ ທີ່ປາກອູ ເພາະສະນັ້ນວັນນະສອນ ຈຶ່ງຂໍອະທຸໂມທະນາທານນຳ ແລະຂໍ
ຮຽນເຊີນທຸກໆທ່ານຜູ້ທີ່ມີໃຈສັດທາຮ່ວມທຳບຸນແລະສືບທອດຮີດຄອງແລະພຸດທະສາສະໜາ
ໄປພ້ອມກັນ ຖ້າທ່ານໃດມີໃຈໄສສັດທາ ກໍຂໍໃຫ້ຕິດຕໍ່ ທ່ານ Khampom Phongsavanh ທາງ Facebookເອົາຂໍເຊີນໄປຟັງເພງສະບາຍດີຫຼວງພະບາງ ທີ່ຂັບຮ້ອງໂດຍ ອະນຸສອນ ໄພຊະສິດ ພ້ອມໆກັນເລີຍ.
ຂໍປິດທ້າຍລາຍການດ້ວຍເພງລາວມ່ວນໆ ມອບໃຫ້ ທ່ານ Zane Sivilay ແຟນລາຍການ
ວິທະຍຸ ວີໂອເອ ຊຶ່ງຮັບຟັງສະເໜີມາ ວັນນະສອນ ຈຶ່ງຂໍມອບເພງນີ້ “ສາວງາມເມືອງລາວ” ຂອງ ສິນລະປິນ ລາວ-ອາເມຣິກັນ ຈາກລັດ Florida ເລະ ແກ້ວທະວີ ໃຫ້ຟັງ ຂໍໃຫ້ທຸກໆ
ທ່ານນອນລັບຝັນດີ.
