ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ຈຳປາເມືອງລາວ​ - ທິດາ​ ວຽງຈັນ


ທິດາ​ ວຽງຈັນ
ທິດາ​ ວຽງຈັນ

ສບາຍດີບັນດາແຟນເພງທຸກໆທ່ານແລະກັບມາພົບກັນເຊັ່ນເຄີຍໃນລາຍການສຽງເພງ
ຈາກແດນໄກຂອງເຮົາ ໃນຄ່ຳຄືນມື້ນີ້ ວັນນະສອນ ຕັ້ງໃຈໄວ້ວ່າທີ່ຈະມາຈັດເພງ​ໃຫ້​ຕາມ
​ຄຳ​ຂໍທີ່ແຟນລາຍການ​ຂຽນ​ເຂົ້າ​ມາ ຈຶ່ງຂໍ​ເລີ່​ມຄຳດ້ວຍ​ຕອບສຳຫຼັບ​ຂໍ້ຄວາມ​ຂອງທ່ານ
ຄຳ​ປ່ວນ ສຸ​ມຸນທາ ທີ່​ເປັນ​ທ່ານນຶ່ງ​ທີ່​ຄອຍ​ຕິດຕາມຮັບ​ຟັງ​ລາຍການ​ສຽງ​ເພງ​ຈາກ​ແດນ​ໄກ
ຂອງ VOA ໂດຍຕະຫຼອດເພິ່ນຂຽນ​ຂໍ້ຄວາມ​ຝາກ​ມາວ່າ ຢາກ​ຟັງ​ເພງ​ເອື້ອຍ​ວັນນະ​ສອນ
​ວ່າ​ຊັ້ນ... ​ເອື້ອຍ​ວັນນະ​ສອນ ວ່າ ຈະ​ເປັນ​ການ​ເຂົ້າ​ໃຈ​ຜິດ​ ຫຼື​ບໍ່​ກໍ​ບໍ່​ຊາບ ​ເພາະວ່າ​ເອື້ອຍ
ວັນນະ​ສອນ ບໍ່ແມ່ນ​ນັກ​ຮ້ອງ ສະນັ້ນຈຶງຈະບໍ່​ມີ​ເພງ​ຂອງ​ເອື້ອຍແນ່ນອນ ​ເອື້ອຍຈຶ່ງຂໍ​ຈັດ
​ເພງ ຈຳປາເມືອງລາວ​ ໃຫ້​ຟັງພ້ອມໆ​ກັບຈັດ​ໃຫ້ ນ້ອງ​ປຶ້ງ ຜູ້​ຟັງຈາກ​ປາກ​ຊັນ​ ​ເຊັ່ນ​ກັນ
​ເພາະຂຽນເຂົ້າ​ມາ​ຂໍ​ຟັງ​ເພງນີ້ ສ່ວນກັບພໍດີ. ​ສ່ວນເພງ​ດອກ​ຈຳປາ​ນີ້ ຖື​ວ່າ​ເປັນ​ເພງ​ປະຈຳ
​ຊາດ​ເລີຍກໍ​ວ່າ​ໄດ້ ​ຊຶ່ງ​ກໍ​ໄດ້​ມີ​ຫຼາຍໆ​ສິນລະປິນ​ນຳ​ຂຶ້ນ​ມາ​ຂັບ​ຮ້ອງແລະ​ສບັບນີ້ ແມ່ນ​ເປັນ​
ຂອງ​ສິນລະປິນ​ສາວນ້ອຍໜ້າ​ໃໝ່​ຂອງ​ວົງ​ການ ທິດາ​ ວຽງຈັນ.

ສ່ວນ​ເພງ ຮັກ​ຍັງ​ລໍຄອຍ ທີ່​ຂັບ​ຮ້ອງ​ໂດຍ ບຸນ​ເຫຼືອ ວາລິ​ເດດ ນີ້ ຈັດ​ໃຫ້​ຕາມ​ຄຳ​ຂໍ​ທີ່​ນ້ອງ
ວິ​ໄຊ ພອນ​ສະຫວັນ ​ຂຽນ​ເຂົ້າ​ມາ​ຈາກ​ເມືອງ​ຊຽງ​ເງິນ ​ແຂວງ​ຫຼວງ​ພະ​ບາງ ​ຂຽນ​ບອກ​ມາ
​ວ່າ​ ຕິດຕາມຮັບ​ຟັງ VOA ຜ່ານ​ທາງ website ມາ​ດົນ​ແລ້ວ​ວ່າ​ຊັ້ນ ພ້ອມ​ນີ້​ຍັງ​ບອກ​ມາ​
ວ່າຂໍ​ຝາກ​ໃຫ້​ແຟນອັນ​ເປັນ​ທີ່​ຮັກ ນ້ອງ​ຈັນ​ສະໝອນ ບໍ່​ບອກ​ກໍຄົງ​ຈະ​ຮູ້​ແລ້ວ​ລະ ວ່າ​ນ້ອງ
ວິ​ໄຊ ຮັກ​ແລະ​ຍັງ​ຕັ້ງໜ້າຕັ້ງ​ຕາລໍ​ຄອຍການ​ກັບ​ມາ​ຂອງ​ນ້ອງ​ຈັນສະໝອນ​ ​ແບບ​ວ່າ​ນັ່ງ​
ນັບ​ວັນ ນັບ​ເດືອນ​ເລີຍ​ລະ...​ເອົາເອື້ອຍ​ວັນນະ​ສອນ ກໍ​ຫວັງ​ວ່າ ທັງ​ສອງຄົນຄົງຈະ​ໄດ້​
ພົບ​ພໍ້​ກັນ ໃນ​ໄວໆນີ້ ​ແລະ​ຂໍ​ໃຫ້ໝັ່ນ​ເຕີມຄວາມ​ຮັກ​ແລະ​ຄວາມສຸກ ໃຫ້​ກັນ​ແລະ​ກັນ ​
ແລະ​ຂໍ​ໃຫ້​ນ້ອງ ທັງ​ສອງສືບ​ຕໍ່​ຮັກ​ກັນຊົ່ວ​ນິລັນ ແລະຂໍໃຫ້ເພງຮັກຍັງລໍຄອຍ ນີ້ ເຊື່ອມປະສານຄວາມຮັກຂອງນ້ອງທັງສອງໃຫ້ໝັ້ນແກ່ນສະເໜີໄປ.

ສ່ວນ​ນ້ອງ​ແສງ​ທຽນ ພົບ​ມະ​ເທບ ກໍ​ເປັນ​ຜູ້​ຟັງ​ອີກ​ທ່ານ​ນຶ່ງ ທີ່​ຂຽນ​ເຂົ້າ​ມາ​ຜ່ານ​ທາງ
Facebook ວ່າ ມັກ​ຟັງ​ລາຍການ​ວິທະຍຸ​ຂອງ VOA ກັບ​ພໍ່ແລະແມ່​ເຖົ້າ ຕັ້ງ​ແຕ່​ຍັງ​
ນ້ອຍແລະ​ເພິ່ນ​ກໍ​ຈົ່ມ​ວ່າ ຢາກ​ເຫັນ​ເອື້ອຍ​ວັນນະ​ສອນ ​ແລະ​ໃນ​ທີ່​ສຸດ ກໍ​ໄດ້​ເຫັນ ​
ໃນຕອນ​ທີ່​ ທາງ​ເຮົາ​ຖ່າຍ​ທອດ​ອອກ​ອາກາດ​ສົດ​ຜ່ານ​ທາງ Facebook ຕັ້ງ​ແຕ່​ປີ
1987 ​ເປັນ​ຕົ້ນ​ມາ ຈົນ​ເທົ່າ​ເຖິງ​ປະຈຸ​ບັນ​ນີ້…​ເພາະສະ​ນັ້ນ​ເອື້ອຍ​ວັນນະ​ສອນ ຈຶ່ງ​ຂໍ
​ຈັດ​ເພງ​ເພື່ອ​ມອບ​ແທນ​ຄຳ​ຂອບ​ໃຈ ​ແລະ​ຝາກ​ຄວາມ​ຄິດ​ຮອດ​ຄິດ​ເຖິງ​ແລະ​ຖາມ​
ສະບາຍດີ​ໃຫ້​ພໍ່​ແລະ​ແມ່​ເຖົ້າ​ຂອງ​ນ້ອງ​ດ້ວຍ...ຂໍ​ເຊີນ​ໄປ​ຟັງ​ເພງ​ນີ້ ພ້ອມໆ​ກັນ​ເລີຍ...
ຊຶ່ງ​ຂໍ​ຖື​ໂອກາດ​ນີ້ ມອບເປັນ​ພິ​ເສດ​ແດ່ພວກ​ເພິ່ນ ​ໃນ​ບົດ​ເພງ...ຫອມກິ່ນຈຳປາ
ທີ່ຂັບຮ້ອງໂດຍ ລີກ ອຸດົມໄຊ ຂໍໃຫ້ທຸກໆທ່ານຈົ່ງນອນລັບຝັນຫວານ ແລະໂຊກດີ
ປີໃໝ່.

XS
SM
MD
LG