ສະບາຍດີມິດຮັກແຟນເພງໃນລາຍການສຽງເພງຈາກແດນໄກທຸກໆທ່ານ ວົງການເພງລາວ ກໍຄຶກຄັກຂຶ້ນມາຕາມລໍາດັບຮວມທັງໃນສປປລາວແລະໃນຕ່າງປະເທດນໍາ ນັກຮ້ອງ, ນັກຮ້ອງສິນລະປິນລາວຢູ່ໃນຕ່າງແດນ ກໍໄດ້ມີຜົນງານອອກມາເລື້ອຍໆ ໃຫ້ຊາວ
ລາວໃນຕ່າງແດນໄດ້ຮັບຟັງກັນ ຊຶ່ງໃນວັນນີ້ ວັນນະສອນຂໍແນະນໍາເພງ "ໄຟຮັກ" ທີ່ຂັບ
ຮ້ອງໂດຍສອງສິນລະປິນລາວ ສາວງາມຈາກເມືອງຝຣັ່ງ ຈັນດາຣາ ແລະຕິ່ງ ຊຶ່ງເປັນ
ຜົນງານຫຼ້າສຸດ ໃນຊຸດຮຸ້ນສ່ວນຫົວໃຈ ທີ່ປະພັນແລະຮຽບຮຽງດົນຕີ ໂດຍອ້າຍ ກ໊ອກ ສຸຣິຍະເດດ ຈາກການາດາ ເອົາຂໍມອບໃຫ້ແກ່ຊາວລາວໃນ ຕ່າງແດນທຸກໆທ່ານ ໂດຍສະເພາະຜູ້ທີ່ມັກຮັກແລະສົ່ງເສີມຟັງເພງລາວ ວັນນະສອນຫວັງວ່າ ເພງນີ້ຄົງຈະນໍາຄວາມສະນຸກສະໜານ ມາໃຫ້ທ່ານບໍ່ຫຼາຍກໍໜ້ອຍ ເຊີນຮັບຟັງໄດ້.
ເພງຕໍ່ໄປນີ້ ຂໍຈັດມອບໃຫ້ທ່ານຜູ້ຟັງທີ່ຂຽນເຂົ້າມາ ຈ.ມ. ເຂົ້າມາ ຈາກຍາລຸງ ບົວຫອມ
ດໍາຣົງ ຜູ້ຟັງທີ່ຕິດຕາມວິທະຍຸ VOA ມານານກວ່າ 50 ປີ ແລ້ວ ຍາລຸງ ບົວຫອມບອກ
ມາວ່າຮັບຟັງທຸກຄືນ ບໍ່ໄດ້ຂາດ ຈົນກາຍເປັນສ່ວນນຶ່ງຂອງຊີວິດປະຈໍາວັນໄປແລ້ວ
ຍາລຸງຂໍຟັງເພງ “ນົກເຂົາລືມຄອນ” ວັນນະສອນຂໍຈັດໃຫ້ເລີຍ ເປັນຜົນງານເພງເດັ່ນ
ອີກເພງນຶ່ງຂອງສິນລະປິນ ສຸດຍອດອະມະຕະຄ້າງຟ້າ ກໍ ວິເສດ ເພາະສະນັ້ນ ວັນນະ
ສອນກໍຂໍສົ່ງຄວາມຄິດຮອດຄິດເຖິງມາກັບເພງນີ້ແລະອວຍພອນໃຫ້ຍາລຸງຈົ່ງມີສຸກຂະ
ພາບແຂງແຮງແລະຄອຍເປັນກໍາລັງໃຈໃຫ້ພວກເຮົານັກຂ່າວ VOA ທຸກຖ້ວນໜ້າ
ດ້ວຍເຖີ້ນ.
ຂໍອໍາລາທ່ານດ້ວຍເພງ ຮຸ້ນສ່ວນຫົວໃຈ ຈາກສິນລະປິນໜ້າໃໝ່ ຈາກຝຣັ່ງ ຕິ່ງ ແລະ
ວັນນະສອນກໍຂໍຝາກຜົນງານເພງຊຸດ ຮຸ້ນສ່ວນຫົວໃຈ ທີ່ປະກອບດ້ວຍ 3 ສິນລະປິນ:
ກ໊ອກ ສຸຣິຍະເດດ, ຈັນດາຣາ ຊະນະນິກອນ ແລະຕິ່ງ ໄວ້ກັບທຸກໆທ່ານດ້ວຍ
ໃຫ້ພາກັນຊ່ອຍອູ້ມຊູ ສະໜັບສະໜູນແພງລາວ ໃຫ້ຢູ່ຄູ່ກັບລູກຫຼານລາວຕໍ່ໆໄປ ໃນພາຍ
ພາກໜ້າພຸ້ນ. ອາທິດໜ້າ ວັນນະສອນຈະນໍາຜົນງານເພງມ່ວນໆຂອງສິນລະປິນທ່ານອື່ນ
ມາຝາກທ່ານຜູ້ຟັງອີກ ໃນທຸກໆຄໍ່າຄືນຂອງວັນອາທິດ ໃນລາຍການສຽງເພງຈາກແດນໄກ
ແລະທ່ານໃດ ຢາກຈະຂໍເພງມອບໃຫ້ຄົນພິເສດໆ ກໍເຊີນຂຽນເຂົ້າມາຫາທາງເຮົາໄດ້
ແລະຂໍໃຫ້ທຸກໆທ່ານນອນຫຼັບຝັນດີ.
