ສະບາຍດີແລະຍິນດີຕ້ອນຮັບທ່ານຜູ້ຟັງເຂົ້າສູ່ລາຍການສຽງ
ເພງຈາກແດນໄກຂອງ VOA ແລະກໍຂໍບອກອີກແລະຈະ
ບອກຕະຫຼອດໄປວ່າ
ວັນນະສອນດີໃຈແລະຕັ້ງໃຈໃນທຸກໆຄັ້ງ ທີ່ໄດ້ມາຈັດເພງກ່ອມທ່ານຜູ້ຟັງ ໃນທຸກໆຄໍ່າຄືນ
ຂອງວັນອາທິດ ວັນນະສອນຕ້ອງຂໍສັນລະເສີນແຟນລາຍການທີ່ມີຄວາມຕັ້ງໃຈໃຫ້ກ້າວ
ທັນໂລກ ໂດຍທີ່ໄດ້ຂໍຟັງເພງຈາກລາຍການເຮົາຜ່ານທາງ Facebook ຊຶ່ງເມື່ອກ່ອນໄດ້ສົ່ງເປັນ ຈ.ມ. ແລະຂໍເພງເນື່ອງໃນເທດສະການຕ່າງໆນັ້ນ ແຕ່ກວ່າ ຈ.ມ. ຈະມາຮອດ ເທດສະການກໍຜ່ານໄປແລ້ວ ເພງຕໍ່ໄປນີ້ ຂໍຈັດໃຫ້ ຜູ້ຟັງ ເອື້ອຍຄຳ ພັນທະວົງ ຊຶ່ງກໍເປັນ
ຜູ້ນຶ່ງທີ່ຄອຍຊ່ອຍເຫຼືອເກື້ອກູນ ແລະສະໜັບສະໜຸນສະມາຄົມສະຕີລາວ-ອາເມຣິກັນ
ຂົງເຂດວໍຊີງຕັນ ດີຊີ ຂໍຟັງເພງ ແພມົນ ຂອງອຸດອນ ວົງສີ ຊຶ່ງເອື້ຍຄຳ ກໍເປັນຜູ້ນຶ່ງ ທີ່ເປັນແຟນເພງຂອງອ້າຍອຸດອນ ວົງສີ ຂະໜານແທ້ ບອກມາວ່າ ມັກທຸກໆຖ້ອຍ ທຸກຄຳ ທີ່ອ້າຍອຸດອນ ໄດ້ບັນຈົງຮ້ອງໄວ້…ເອົາ ອ້າຍອຸດອນ ກໍຂໍໃຫ້ສືບສານຕໍ່ໄປ ເພາະແຟນເພງ
ຍັງລໍຖ້າຮັບຟັງຊຸດຕໍ່ໆໄປເຈົ້າ ຂໍເຊີນທຸກໆທ່ານໄປຮັບຟັງພ້ອມໆກັນເລີຍ.
ວັນນະສອນ: ຫຼັງຈາກທີ່ໄດ້ສ້າງ fanclub page ຂອງ VOA ແລ້ວ ກໍເລີ້ມມີແຟນລາຍ
ການຂຽນເຂົ້າມາ ວັນນະສອນຈຶ່ງຂໍຖືໂອກາດນີ້ ຈັດເພງຕ້ອນຮັບເຂົ້າສູ່ fan page ຊຶ່ງຮວມທັງ: Vilasorn Phonpadit, Airlaos Simphavong, Nang Luanglard, ນິທິ ພວງໃບດີ, Nilan Phanthavong, Susan Souvanna ແລະຍາເອື້ອຍເກີດ ແກ້ວມະນີ fanclub ຂອງ Facebook ສ່ວນຕົວຂອງວັນນະສອນ ທີ່ໜ້າຮັກ ຄອຍຂຽນເຂົ້າມາຊົມ
ກັນຢູ່ເລື້ອຍ ແລະຂໍຟັງເພງ ວຽງໃນຝັນ ແລະວ່າ ບໍ່ວ່າຈະເປັນຂອງສິນລະປິນໃດຂັບຮ້ອງ ກໍມ່ວນທັງນັ້ນລະ ເພາະເພງນີ້ພາໃຫ້ຄິດເຖິງບ້ານ. ວັນນະສອນຂໍຖືໂອກາດນີ້ ຂອບໃຈໃນ
ນ້ຳໃຈອັນດີງາມທີ່ຄອຍຂຽນຂໍ້ຄວາມຕິຊົມເຂົ້າມາ ແລະຫວັງວ່າ ໂອກາດໜ້າຄົງຈະໄດ້
ເຫັນຂໍ້ຄວາມຂຽນເຂົ້າມາອີກ.
ວັນນະສອນຂໍຕາງໜ້າ VOA ຂອບໃຈນໍາທ່ານຜູ້ຟັງທ່ານ Souriyanh Phouboun-
pouk ຈາກສປປ ລາວ ທີ່ສົ່ງທັງຂໍ້ຄວາມຜ່ານທາງ Facebook ບອກຂໍຟັງເພງ Some-
where Over The Rainbow ທີ່ຂັບຮ້ອງໂດຍ Eric Clapton ເອົາຫວັງວ່າ ພໍໄດ້ຟັງ
ເພງທີ່ຈັດໃຫ້ແລ້ວ ກໍຄົງເຫັນທ່ານ Souriyanh ຂຽນເຂົ້າມາຫາທາງເຮົາອີກ ຂໍທ່ານໃຫ້ທຸກໆທ່ານນອນຫຼັບຝັນດີ ແລະພົບກັນໃໝ່ໃນສັບປະດາໜ້າ.
