ສະບາຍດີແຟນລາຍການສຽງເພງຈາກແດນໄກທຸກໆທ່ານ
ວັນນະສອນດີໃຈທີ່ໄດ້ກັບມາຈັດເພງມ່ວນໆ ໃຫ້ຜູ້ຟັງໄດ້ຮັບຟັງກັນ
ເພງທຳອິດນີ້ຂໍຈັດໃຫ້ຕາມຄຳຂໍຂອງຣັດຕະນາ ຫຼານສາວຄົນງາມຂອງຍາລຸງບົວຫອມ ດຳຣົງ ເພື່ອມອບພິເສດຕ້ອນຮັບຂັວນຂອງຍາລຸງບົວຫອມທີ່ຫາກໍ່ອອກຈາກໂຮງພະຍາ
ບານໃນຕົ້ນອາທິດນີ້ແນ່ນອນວັນນະສອນວ່າ ພໍໄດ້ຍິນເພງທີ່ທາງລາຍການສຽງເພງ
ຈັດໃຫ້ແລ້ວ ຍາລຸງຄົງຈະລຸກຂຶ້ນມາຟ້ອນລຳວົງຕາມສຽງເພງ ເຊບັງຫຽງ ນີ້ ແລະເພງ
ເຊບັງຫຽງ ນີ້ກໍມີຫຼາຍໆທ່ານໄດ້ນຳຂຶ້ນມາຂັບຮ້ອງ ແຕ່ສະບັບນີ້ ຂໍເປັນຂອງສຽງຮ້ອງຫວານໆຂອງສິນລະປິນສາວ ຕິ່ງນ໋ອຍ ພອຍໄພລິນ ທີ່ວັນນະສອນໄດ້ມີໂອາກດພົບພໍ້
ອີກຄັ້ງນຶ່ງ ໃນງານສະເຫຼີມສະຫຼອງວັນເອກກະລາດສະຫະລັດ ທີ່ທາງວັດລາວພຸທວົງ
ໄດ້ຈັດສະຫຼອງກັນທຸກໆປີ ທີ່ທາງວັດຈັດໃຫ້ເປັນວັນຮວມຍາດຂອງພີ່ນ້ອງຊາວລາວ-
ອາເມຣິກັນ ໃນຫວ່າງວັນທີ 4 ກໍລະກົດຜ່ານມານີ້ ຂໍອວຍພອນໃຫ້ຍາລຸງມີສຸຂະພາບເຂັ້ມແຂງຫາຍວັນຫາຍຄືນ ແລ້ວຂຽນຈມ ເຂົ້າມາຫາທາງເຮົາອີກ…
ຫຼັງຈາກທີ່ໄດ້ເອົາລາຍການເພງຂອງອາຈານວໍຣະເດດ ດິດທະວົງລົງໄປໜ້າ FB ສ່ວນຕົວ
ຂອງວັນນະສອນ ກໍໄດ້ມີຫຼາຍທ່ານຂຽນຂໍ້ຄວາມຝາກໄວ້ວ່າ ດີໃຈທີ່ໄດ້ຍິນຜົນງານເພງ
ຂອງອາຈານວໍຣະເດດ ດິດທະວົງ ແລະພູມໃຈໃນຕົວສິນລະປິນທ່ານນີ້ ທີ່ໄດ້ໝັ່ນພະຍາຍາມເກັບກຳຜົນງານເພງອຳມະຕະຂອງລາວໄວ້ໃຫ້ຄົນຮຸ້ນຫຼັງໄດ້ຮັບຟັງກັນ.
ຂໍຈັດເພງໃຫ້ຟັງແທນຄຳຂອບໃຈ ໃຫ້ແກ່ ເອື້ອຍສິນນະຄອນ ຫຼື Connie ພ້ອມດ້ວຍສາມີ Dan Reed ຈາກ Buffalow, New York ແລະ ຄູ່ສາມີ ພັນລະຍາ ເອື້ອຍສັກແລະອ້າຍຕູ່ ຈາກ Mobil, Alabama. ຈັ່ງໃດກໍຍ້ອງເພງອາຈາກວໍຣະເດດມາ ກໍເລີຍຂໍຈັດເພງ ຂາດຮັກ ຂອງອາຈານທີ່ມ່ວນໆໃຫ້ຟັງ ກໍແລ້ວກັນ.
ເພງ: “ຂາດຮັກ” ໂດຍ ວໍຣະເດດ ດິດທະວົງ
ຂໍປິດທ້າຍລາຍການດ້ວຍເພງທີ່ຫຼາຍໆທ່ານມັກຮັກ ນ້ຳສຽງສາວນ້ອຍຄົນນີ້ ມຸກດາວັນ
ສັນຕິພອນ ໃນບົດເພງ ສຽງເພງແທນໃຈ ຢ່າລືມກັບມາຟັງເພງມ່ວນໆກັບວັນນະສອນ
ໄດ້ອີກໃໝ່ໃນລາຍການສຽງເພງຈາກແດນໄກ ຂອງ VOA ໃນທຸກໆຄ່ຳຄືນຂອງວັນ
ອາທິດ ຂໍໃຫ້ທຸກໆທ່ານນອນຫຼັບຝັນດີ.
