ສະບາຍດີທຸກໆທ່ານ ແລະຍິນດີຕ້ອນຮັບທ່ານຜູ້ຟັງເຂົ້າສູ່ລາຍການສຽງເພງຈາກແດນໄກ
ຂອງ VOA. ສຽງເພງມ່ວນໆຂອງສິນລະປິນສາວ ຄົນເກັ່ງຄົນນີ້ ໄດ້ຫາຍຈາກວົງການເພງ
ລາວໄປນານ ພໍສົມຄວນ ເພາະສະນັ້ນ ວັນນະສອນ ຂໍນຳບົດເພງເກົ່າຂອງ ອາລຸນາ ມາໃຫ້ທ່ານຜູ້ຟັງໄດ້ຮັບຟັງກັນ… ຊຶ່ງເປັນບົດເພງທີ່ບົ່ງບອກເຖິງຄວາມຄິດເຖິງ…ແລະຫວັງວ່າ
ໃນອີກບໍ່ດົນ ພວກເຮົາຄົງຈະໄດ້ຍິນເພງໃໝ່ໆຂອງອາລຸນາ ອີກຂໍເຊີນໄປຟັງ ຄື້ນຂອງຄວາມຄິດເຖິງ ພ້ອມໆກັນເລີຍ...ເພງນີ້ຄົງຈະເຮັດທ່ານຜູ້ຟັງ ແບບວ່າ...ຟັງໄປ ຄິດຮອດກັນໄປ.
ປັດຈຸບັນນີ້ ກໍໄດ້ມີມີນັກຮ້ອງລາວຮຸ້ນໃໝ່ເກີດຂຶ້ນມາກມາຍ ທັງໃນ ສປປ ລາວ ແລະຕ່າງ
ປະເທດ ທີ່ມີຄວາມສາມາດຫຼາກຫຼາຍແລະເກັ່ງໆກັນທັງນັ້ນ ຊຶ່ງວັນນະສອນ ຈຶ່ງຂໍສະແດງ
ຄວາມຍິນນໍາແລະໃຫ້ສືບສານຕໍ່ໆໄປ…ເພງຕໍ່ໄປນີ້ ເປັນເພງອອກແນວຣ໊ອກໆ ຄົງຈະ
ຖືກໃຈພວກນ້ອງໆຫົວໃຈຣ໊ອກທັງຫຼາຍ...ຊຶ່ງເປັນເພງ ປອບຣ໊ອກ ຂອງວົງ Boxer …
ຂໍຝາກຜົນງານເພງໃຫ້ແຟນລາຍການທຸກໆທ່ານ ແລະນີ ກໍຄື ອີກຜົນງານເພງ ໃນແວດວົງການເພງຂອງ ສປປ ລາວ... ເພງນີ້ ຈະເປັນກຳລັງໃຈໃຫ້ພວກສາວໆທີ່ກຳລັງອົກຫັກ ເພາະວ່າ ມັນເປັນ ນ້ຳຕາສຸດທ້າຍ ເໝືອນດັ່ງຊື່ຂອງເພງນີ້.
ວັນນະສອນ ຂໍຈັດເພງນີ້ ປິດທ້າຍລາຍການເພາະເພງນີ້ເປັນເພງດັງໃນອະດີດ ທີ່ວັນນະສອນ ໝັ້ນໃຈວ່າ ເກືອບວ່າທຸກຄົນ ໄດ້ເຄີຍຮັບຟັງແນ່ນອນ...ຊຶ່ງເພງນີ້ ຕົ້ນສະບັບນັ້ນເປັນເພງຂອງສີລາວົງ ແກ້ວ ສະບັບນີ້ເປັນຂອງສິນລະປິນສະໝັກຫຼິ້ນ ເປັນນ້ອງຊາຍຂອງໂຄສົກສຽງອາເມຣິກາ ກິ່ງສະຫວັນ ປະຖົມມະວົງ ເຮົານີ້ເອງ ... ຂໍເຊີນຟັງເພງ ຮັກນຶ່ງໃຈດຽວ ທີ່ຂັບຮ້ອງໂດຍ ພັນໂນຣັກ ປະຖັມມະວົງ ຢ່າລືມກັບມາຟັງເພງຮ່ວມກັບວັນນະສອນ ໃນລາຍການສຽງເພງຈາກແດນໄກຂອງ VOA ອີກໃນອາທິດໜ້າ ນອນຫລັບຝັນຫວານ…
