ສະບາຍດີແຟນລາຍການສຽງເພງຈາກແດນໄກທຸກໆທ່ານ
ວັນນະສອນດີໃຈທີ່ໄດ້ກັບມາຈັດເພງມ່ວນໆ ໃຫ້ຜູ້ຟັງໄດ້ຮັບ
ຟັງກັນ ເພງທໍາອິດນີ້ ຂໍຈັດໃຫ້ທ່ານ ຄຳປ້ອມ ພົງສະຫວັນ ຜູ້ຟັງອີກທ່ານນຶ່ງທີ່ຄອຍເປັນກໍາລັງໃຈແລະຕິດຕາມຮັບຟັງ
VOA ມາຕະຫຼອດ ບັງເອີນໄດ້ພົບພໍ້ທ່ານ ຄຳປ້ອມ ໃນພິທີ
ແຫ່ວໍຫຼວງພະບາງ ໃນກຸດສົງການປີໃໝ່ ດີໃຈທີ່ໄດ້ພົບພໍແຟນ
ລາຍການ ທ່ານຄຳປ້ອມ ຂຽນເຂົ້າມາທາງ FB ຂໍຟັງເພງ
ສະບາຍດີຫຼວງພະບາງ ວ່າຊັ້ນ ພ້ອມນີ້ ທ່ານ ຄຳປ້ອມ ຍັງຂໍຂ່າວມະຫາທານ ມະຫາກຸສົນ ໃນການສ້າງວັດບ້ານປາກແຈກ ເມືອງອູເໜືອ ແຂວງຫຼວງພະບາງ ວັນນະສອນ ຂໍເປັນສ່ວນຮ່ວມໃນການປະກາດໃຫ້ຊາວພຸດ ໄດ້ມີສ່ວນຮ່ວມໃນການສ້າງສາ ແລ້ວແຕ່ໃຈໃສສັດທາ ...ຈຶ່ງຂໍແຈ້ງມາໃຫ້ຊ່ອຍກັນຄົນລະໄມ້ລະມື... ຕິດຕໍ່ສອບຖາມໄປຍັງທ່ານຄຳປ້ອມ ທີ່ໝາຍແລກ 020-565-77-283 ຂໍອຸໂມທະນາທານນຳແລະຫວັງວ່າ ຄົງຈະໄດ້ຮ່ວມເຮັດບຸນນຳກັນ. ຂໍມອບເພງ ສະບາຍດີ ຫຼວງພະບາງ ທີ່ຂັບຮ້ອງໂດຍ...ໂຊກໄຊ ໂຊກອຳນວຍ.
ສ່ວນເພງຕໍ່ໄປນີ້ຈັດໃຫ້ຜູ້ຟັງ ທ່ານສາໂຣຊ ສຸເວດ ຊຶ່ງເຄີຍທຳງານກ່ຽວກັບວິທະຍຸແບບດຽວກັນ VOA ຈຶ່ງຄຸ້ນເຄີຍກັບລາຍການຂອງ VOA ແລະປະຈຸບັນນີ້ເປັນປະຊາສຳພັນ ຈັງຫວັດໜອງຄາຍ ຕ້ອງຂໍຂອບໃຈທີ່ທ່ານ ສາໂຣຊ ທີ່ອາສາຈະເປັນ Tourguide ນຳທ່ຽວໜອງຄາຍ ຫວັງວ່າໂອກາດໜ້າຄົງຈະໄດ້ພົບພໍ້ກັນ ແລະວັນນະສອນ ກໍຈະຂໍຖືໂອກາດນຳທ່ຽວ ຫຼວງ
ພະບາງ ເມືອງມໍລະດົກໂລກ ຈຶ່ງຂໍຖືໂອກາດນີ້ ຈັດເພງທີ່ມີຄວາມໝາຍດີ ທີ່ຜູກພັນຜູ້ຄົນ
ທັງສອງຝາກຝັ່ງແມ່ນ້ຳຂອງ ທີ່ມີເຊື້ອສາຍດຽວກັນ ວັນນະສອນ ວ່າຈັງໃດ ກໍຕ້ອງແມ່ນ
ເພງນີ້ ຂໍເຊີນໄປຟັງພ້ອມໆກັນເລີຍ...
ເຫັນບໍ່ວ່າ ຕ້ອງແມ່ນເພງນີ້ ເພງ ສອງຟັງຂອງ ທີ່ຂັບຮ້ອງໂດຍ ກຸຫຼາບ ເມືອງເພຍ ເພາະ
ເພງນີ້ເປັນເພງອຳມະຕະຂອງລາວ ທີ່ຟັງຍາມໃດ ກໍປະທັບໃຈຍາມນັ້ນ. ເພງສຸດທ້າຍນີ້ ຂໍຈັດໃຫ້ທ່ານ ແສງສະຫວັດ ຣາຊາສັກ ທີ່ຂຽນເຂົ້າມາຢາກຟັງເພງເກົ່າໃນອະດີດ ເສັຍດາຍຈຳຊື່
ເພງທີ່ຂໍມານັ້ນບໍ່ໄດ້ ເພາະວ່າຊ່ວງນັ້ນ ວັນນະສອນ ຍັງລາພັກຮ້ອນຢູ່ ຕ້ອງຂໍອະໄພດ້ວຍ ພ້ອມນີ້ ຂໍມອບເພງ ເຮືອຮັກທ່າຫົວໃຈ ທີ່ຂັບຮ້ອງໂດຍມື້ລາງແສນສັກດາ ໃຫ້ຟັງໄປກ່ອນ ແລ້ວ ຂໍໃຫ້ທ່ານແສງສະຫວັດ ຂຽນເຂົ້າມາ ຫາທາງເຮົາອີກ ແລ້ວ ຈະຈັດໃຫ້ສົມໃຈໄປເລີຍ ຢ່າລືມກັບມາຟັງເພງມ່ວນໆກັບວັນນສອນໄດ້ອີກໃໝ່ໃນລາຍການສຽງເພງຈາກແດນໄກ ຂອງ VOA ໃນທຸກໆຄໍ່າຄືນຂອງວັນອາທິດ ຂໍໃຫ້ທຸກໆທ່ານນອນຫຼັບຝັນດີ
