ສະບາຍດີ ແຟນລາຍການສຽງເພງຈາກແດນໄກຂອງ VOA
ຄ່ຳຄືນນີ້ ພິເສດສຸດ ເພາະວັນນະສອນ ໄດ້ເພງໃໝ່ຂອງສິນລະປິນ
ຄຸນນະພາບຈາກສປປ ລາວ ເຈົ້າຂອງຕຳນານເພງຫວານຍຸກໃໝ່
ສິດທິພອນສຸວັນນະສຸກ ໄດ້ສົ່ງເພງ single ໃໝ່ມາໃຫ້ ຊຶ່ງເພງນີ້
ກໍຈະຮວມຢູ່ໃນຊຸດໃໝ່ ຊຶ່ງກໍຈະໄດ້ອອກວາງຕະຫຼາດໃນໄວໆນີ້
ແລະແນ່ນອນແຟນລາຍການສຽງເພງຈາກແດນໄກນອງ VOA
ກໍຈະໄດ້ຟັງກ່ອນຜູ້ໃດໆໃນໂລກ ເອົາເນື້ອໄນຂອງເພງນີ້ກໍແມ່ນວ່າ
“ຢາກໃຫ້ນ້ອງຮູ້” ເອົາຖ້າໄດ້ຟັງແລ້ວ ກໍຢ່າລືມຂຽນມາບອກແດ່ວ່າ
ເປັນຈັ່ງໃດ ມ່ວນບໍ່?
ສ່ວນເພງ ເຊໂປນລຳລຶກ ນີ້ ຊຶ່ງເປັນເພງດັງໃນອະດີດ ທີ່ໄດ້ບັນລະຍາຍເຖິງຄວາມສວຍ ງາມແລະສະພາບການໃນຊຸ່ມປີ 1970 ທີ່ຍັງມີສົງຄາມຢູ່ນັ້ນ ແລະເພງນີ້ໄດ້ມີຫຼາຍໆສິນລະປິນນຳມາຂັບຮ້ອງ ທັງຍິງແລະຊາຍ ແຕ່ວັນນະສອນ ຂໍຈັດໃຫ້ເປັນຜົນຂອງານສິນລະປິນຊາຍຈາກສປປ ລາວ ສິດ ສາຍຮຸ້ງ ກໍແລ້ວກັນ ຈັດໃຫ້ທ່ານຜູ້ຟັງທີ່ຂຽນເຂົ້າມາ ນາໆ ຄຳໃບ ເພິ່ນບອກມາວ່າ ຕິດຕາມຮັບຟັງລາຍການ VOA ຢ່າງສະເໝີຕົ້ນ ສະເໝີປາຍ ພ້ອມນີ້ຍັງຂໍປະຕິທິນມາ ແຕ່ໜ້າເສຍດາຍ ທາງ VOA ໄດ້ແຈກໄປໝົດແລ້ວ ຈະສົ່ງຂອງປີໜ້າໄປໃຫ້ຖ້າອອກມາເມື່ອໃດນັ້ນ ເພງນີ້ຂໍຟັງເພງນີ້ຮ່ວມກັບທ່ານ ນວນຕາ ແກ້ວມະນີ ແລະພີ່ນ້ອງລາວໃນທົ່ວໂລກ.
ສ່ວນເພງສຸດທ້າຍນີ້ ວັນນະສອນ ຂໍຈັດໃຫ້ແຟນລາຍການສຽງເພງຈາກແດນໄກທຸກໆ
ທ່ານດ້ວຍເພງຫວານຂອງນັກຮ້ອງສຽງຫວານ ພອນພູມິທອນ ເພື່ອສັ່ງທ່ານຜູ້ຟັງເຂົ້ານອນ ໃນບົດເພງ ນ້ຳຂອງຍາມແລງ ຊຶ່ງເປັນບົດປະພັນໂດຍ ອ.ຈ. ວໍລະເດດ ຂໍໃຫ້ທຸກໆທ່ານຈົ່ງນອນຫຼັບຝັນດີ.