ສະບາຍດີແລະວັນອາທິດມື້ນີ້ ກັບມາຟັງເພງມ່ວນໆກັບວັນນະສອນ ຕື່ມອີກ ໃນລາຍການສຽງເພງຈາກແດນໄກຂອງ VOA ຊຶ່ງເພງທໍາອິດນີ້ ແມ່ນເພງ ສະບາຍດີຫຼວງພະບາງ ທີ່ ເອື້ອຍວັນນະສອນ ຂໍຈັດໃຫ້ນ້ອງຄຳຫຼ້າ ໃຈດີ ເປັນຜູ້ຟັງ ສາວງາມຈາກບ້ານຫ້ວຍໂຄດ ເມືອງ ຊຽງເງິນ ແຂວງຫລວງພະບາງ ທີ່ຂຽນຜ່ານທາງ Facebook ຂໍຟັງເພງນີ້ ພ້ອມທັງບອກມາວ່າ ຂໍຈັດໃຫ້ນ້ອງຮັກ 3 ຄົນ ສາວມາໄລ ສຸກຂີ ສາວຄ່ຽມ ນໍລະເສນ ສາວນິດຄຳ ຈັນທະວົງ ເນື່ອງໃນໂອກາດ ມາຮ່ວມງານວັນເກີດລູກສາວນ້ອງເອວ. ແນ່ນອນ ເພງນີ້ນອກຈາກຈະເປັນທີ່ພໍໃຈຂອງນ້ອງຄຳຫຼ້າ ແລະເພື່ອນຟ້ອງແລ້ວ ວັນນະສອນ ກໍຍັງຄິດວ່າ ຫຼາຍໆທ່ານມັກຮັກໃນບົດເພງນີ້ເຊັ່ນກັນ ຊຶ່ງເພງນີ້ກໍໄດ້ມີຫຼາຍໆທ່ານນຳມາຂັບຮ້ອງ ແຕ່ເພງນີ້ເປັນຂອງນ້ອງແສງນະພາ ດາລານ້ອຍ. ຂໍເຊີນໄປຟັງພ້ອມໆກັນເລີຍ.
ສ່ວນເພງຕໍ່ໄປນີ້ ເປັນເພງມົ້ງ ທີ່ວັນນະສອນຂໍຈັດໃຫ້ແຟນລາຍການຊາວລາວເຜົ່າມົ້ງ ທີ່ຄອຍ ຕິດຕາມຮັບຟັງວິທະຍຸ VOA ສະເໝີມາ ຊຶ່ງເພງນີ້ ໄດ້ຮັບຄຳແນະນຳຈາກ ເຈ້ຍ ວາງ ຈາກປະຊາຄົມລາວ ລັດ Minnessota ທີ່ເອົາໃຈໃສ່ຈັດຫາເພງມົ້ງມ່ວນໆ ສົ່ງມາໃຫ້ພ້ອມທັງຂຽນເນື້ອໄນຂອງເພງດັ່ງກ່າວສົ່ງມາໃຫ້ ເພງນີ້ ເຈ້ຍ ບອກມາວ່າປະທັບໃຈ ເພາະວ່າ ເພງນີ້ ຄົງຈະພາໃຫ້ຫຼາຍໆທ່ານຍ້ອນກັບໄປຫາອະດີດ ຕອນຍັງເປັນໜຸ່ມເປັນສາວກັນ... ເມື່ອຄັ້ງ 18 ປີ. ຂໍເຊີນຟັງເພງຂອງ Touly Vang ແລະທ່ານໃດທີ່ມີເພງມ່ວນໆ ແລະເປັນເພງຊົນເຜົ່າທີ່ບໍ່ແມ່ນພາສາລາວ ກໍຂໍສົ່ງຂໍ້ຄວາມມາຫາພວກເຮົາດ້ວຍ.
ວັນນະສອນ ຕອງຂໍປະໄພດວຍ ທບອກໄປໃນສັບປະດາແລ້ວວ່າ ເພງເຊໂປນລຳລຶກ ຂັບ ຮ້ອງ ໂດຍຄຳເຕີມ ຊານຸບານ ຈິງໆແລ້ວແມ່ນເພງຂອງທ່ານບຸນທ່ຽງ ມະນີວົງ ໂອກາດໜ້າ ເຮົາຈະນຳເອົາເພງຂອງທ່ານ ຄຳເຕີມ ຊານຸບານ ມາມອບໃຫ້ທ່ານຜູ້ຟັງທີ່ຂໍມາ ຂໍມອບ ລຳຕັ່ງຫວາຍ ຂອງ ທອງມີ ພົມມາ ເພື່ອສົ່ງທ່ານຜູ້ຟັງເຂົ້ານອນ.
