ສະບາຍດີທຸກໆທ່ານ ກັບມາຟັງ
ເພງມ່ວນໆກັບວັນນະສອນ
ໃນລາຍການສຽງເພງຈາກແດນ
ໄກຂອງ VOA ເຊັ່ນເຄີຍ
ໃນທຸກໆຄໍ່າຄືນວັນອາທິດ ຟັງ
ເພງໄປ ຜ່ອນຄາຍອາລົມໄປ.
ຕັ້ງແຕ່ມີ website ເປັນພາສາ
ລາວນີ້ ກໍໄດ້ມີຫຼາຍໆທ່ານຜູ້ຟັງ
ຂຽນທັງເປັນ email ແລະຂໍ້
ຄວາມເຂົ້າມາຢ່າງມາກມາຍ
ຂໍຂອບໃຈທີ່ຍັງຮັກກັນຢ່າງໜຽວ
ແໜ້ນ ແລະກໍຂໍຖືໂອກາດນີ້ ຈັດ
ເພງໃຫ້ແສງທອງ ໂພທິສັກນັກ
ສຶກສາ ທີ່ວິທະຍາໄລໄຊສົມບັດ
Technology ໄປພ້ອມເລີຍ.
ນ້ອງຂຽນບອກມາວ່າ ຮັບຟັງ VOA ສະເໜີມາ ໄດ້ທັງສາຣະ, ຄວາມຮູ້ແລະບັນເທີງແລະ
ເອື້ອຍວັນນະສອນວ່າ ທັນໃຈ, ທັນເຫດການ, ທັນໂລກອີກຕ່າງຫາກ ພ້ອມນີ້ ຍັງຂໍຟັງ
ເພງມາ ເພງໃດກໍໄດ້ວ່າຊັ້ນ ໄດ້ເລີຍເອື້ອຍຈະຕາມໃຈ ແລະຕ້ອງຂໍຂອບໃຈທີ່ນ້ອງຊົມວ່າ
ເອື້ອຍວັນນະສອນຢູ່ສະຫະລັດມານານກວ່າ 30 ປີແລ້ວຍັງເວົ້າສໍານຽງຫຼວງພະບາງໄດ້
ດີ ແບບຊັດເຈນເລີຍ ເອື້ອຍວ່າ ນ້ອງແສງທອງກໍຄົງເປັນເຊັ່ນນີ້ເຊັ່ນກັນ ຂໍໃຫ້ຕັ້ງໃຈສຶກ
ສາຮໍ່າຮຽນ ເພື່ອທີ່ຈະໄດ້ຕໍ່ເຕີມຄວາມຫວັງໃຫ້ເປັນຈິງໃນອານາຄົດທີ່ກໍາລັງລໍຄອຍຢູ່
ຂ້າງໜ້ານັ້ນ ເອົາຂໍມອບເພງເກົ່າຂອງຄະນະ ແມ່ຂອງຂຽວ ກຸ່ມສິນລະປິນລາວໃນຝຣັ່ງ
ໃຫ້ ໃນບົດເພງ “ຫຼວງພະບາງແຫ່ງຄວາມຫຼັງ” ເພື່ອເປັນກໍາລັງໃຈແລະສົ່ງຄວາມຄິດ
ຮອດຄິດເຖິງໄປໃຫ້ພໍ່ແມ່ທີ່ຫຼວງພະບາງພຸ້ນ.
ເພງ “ຫຼວງພະບາງແຫ່ງຄວາມຫຼັງ” ໂດຍ ແມ່ຂອງຂຽວ
ສ່ວນເພງ “ກະຖິນຫົວໃຈ”ຂອງ ດວງ ດາຣາພອນ ນີ້ ຂໍຈັດໃຫ້ຜູ້ຟັງນິລະນາມທີ່ຂຽນ
ຂໍ້ຄວາມໄວ້ໃນ Website ຂອງເຮົາ ຫວັງວ່າຄົງຈະເຫັນຂຽນເຂົ້າມາອີກ ຈະຈັດໃຫ້ທຸກໆ
ຄັ້ງໄປ ເອົາໄປລໍາວົງກັບເພງ “ກະຖິນຫົວໃຈ” ນໍາກັນເລີຍ ເພື່ອຈະໄດ້ສະບາຍໃຈ.
ເພງ “ກະຖິນຫົວໃຈ” ໂດຍ ດວງ ດາຣາພອນ
ເພງ "ໄທດໍາລໍາພັນ" ຂອງ ກ. ວິເສດ ເພງດັງໃນອະດີດນີ້ ມີຄົນຂຽນເຂົ້າມາຂໍຟັງ
ຕະຫຼອດ ແລະຄັ້ງນີ້ ນ້ອງສົມເໝາະຂໍຟັງອີກ ວັນນະສອນກໍຂໍຝາກຄວາມຮູ້ສຶກທີ່ດີ,
ຄວາມຮັກ ແລະຄວາມຫ່ວງໃຍຂອງນ້ອງສົມເໝາະມາກັບສຽງເພງນີ້ ເພື່ອຈັດມອບໃຫ້
ພໍ່ແລະແມ່ທີ່ຢູ່ທາງກາສີພຸ້ນ ຖ້ານ້ອງຫວ່າງຈາກວຽກງານແລ້ວຄົງຈະກັບໄປຫາເພິ່ນ
ເພື່ອທ່ານທັງສອງຈະດີໃຈ. ຂໍອໍາລາທ່ານໄປກ່ອນ ແລະຂໍໃຫ້ນອນຫລັບຝັນດີ ແລະພົບກັນ
ໃໝ່ໃນສັບປະດາໜ້າ.
ເພງ “ໄທດໍາລໍາພັນ” ໂດຍ ກ. ວິເສດ
