ສະບາຍດີທຸກໆທ່ານ ບຶດດຽວກໍເຖິງເດືອນພະຈິກແລ້ວ ແລະຫວັງ
ວ່າທຸກໆທ່ານຄົງຈະສະບາຍດີ ອາກາດໃນວໍຊິງຕັນດີຊີເລີ້ມໜາວແລ້ວແຕ່ຍັງບໍ່ທັນເຫັນຫິມມະເທື່ອ ແລະວັນນະສອນກໍຂໍໃຫ້ທ່ານຜູ້ຟັງຮັກສາສຸຂະພາບໃຫ້ດີ ເພື່ອຈະມາຟັງເພງຮ່ວມກັນ ໃນທຸກໆວັນອາທິດ ແລະເພງທຳອິດນີ້ ເປັນເພງທີ່ມີຊື່ວ່າ “ສົ່ງສຽງເພງເຖິງເມືອງລາວ” ຈັດໃຫ້ທ່ານບຸນເຮງ ດວງແກ້ວ ຜູ້ຟັງຈາກເມືອງ Springfield ລັດ Illinois
ທີ່ຂຽນເຂົ້າມາທາງ ແຟສບຸກວ່າ ຂໍຟັງຮວ່ມກັບພິທີກອນແລະທ່ານຜູ້ຟັງລາຍການກະຈາຍ
ສຽງຂອງວີໂອເອ ວ່າຊັ້ນ ຊຶ່ງເພງຕົ້ນສະບັບນີ້ ເປັນຂອງ ວິນລຽມ ດິດທະວົງ ແຕ່ໜ້າເສຍດາຍທີ່ທາງເຮົາບໍ່ມີເພງຕົ້ນສະບັບທີ່ມີຄຸນນະພາບ ວັນນະສອນຈຶ່ງຂໍຈັດສະບັບທີ່ປັບປຸງໃໝ່ຂອງສິນລະປິນໜຸ່ມ ໂບ ໂວນະວານ ຊຶ່ງວັນນະສອນຄິດວ່າ ພໍໄດ້ຮັບຟັງເພງນີ້ແລ້ວ ຄົງຈະເຮັດໃຫ້ທ່ານຜູ້ຟັງຄິດເຖິງບ້ານ...ແນ່ນອນ.
ສ່ວນເພງທີ່ມີຊຶ່ວ່າ “ຮັກສາວແຈ່ວບອງນີ້” ຄົງຈະໝາຍເຖິງຮັກສາວຫຼວງພະບາງ ເປັນແນ່
ແທ້ ຊຶ່ງເພງນີ້ຫາກໍໄດ້ຮັບຈາກສິນລະປິນລາວໃນຍີ່ປຸ່ນ ພາວະດີ ມີໄຊ ຊຶ່ງຊ່າງປະຈວບ
ເໝາະ ວັນນະສອນກໍເລີຍຂໍຈັດໃຫ້ຄະນະກຳມະການທຸກໆທ່ານທີ່ໄດ້ຈັດງານສັງສັນຫຼວງ
ພະບາງຄັ້ງທີ 2 ທີ່ສຳເລັດລົງດ້ວຍດີ ໃນທ້າຍສັບປະດາຜ່ານມານີ້ ແລະຂໍໃຫ້ຮັກຫໍ່ໂຮມກັນເໝືອນດັ່ງເຂົ້າໜຽວນຶ້ງຈ້ຳແຈ່ວບອງ ຕະຫຼວດໄປ ແລະຕະຫຼອດການ... ເອົາໄປຟັງເພງ “ຮັກສາວແຈ່ວບອງ” ພ້ອມໆກັນເລີຍວ່າຈະມ່ວນຂະໜາດໃດ ເຊີນຮັບຟັງໄດ້.
ຂໍອຳລາທ່ານດ້ວຍເພງຂອງ ພາວະດີ ມີໄຊ ໃນບົດເພງທີ່ເປັນຊື່ຊຸດ “ຮອຍຍິ້ມພາຝັນ”
ແລະຫວັງວ່າຮອຍຍິ້ມຂອງພາວະດີ ຄົງຈະເຮັດທ່ານຜູຸ້ຟັງຮັບເອົາສິນລະປິນທ່ານນີ້ ເຂົ້າໄວ້ ໃນອ້ອມແຂນຂອງທ່ານຜູ້ຟັງອີກຕື່ມຄົນນຶ່ງ ຈັ່ງໃດກໍເປັນຄົນລາວດ້ວຍກັນ ກໍຂໍໃຫ້ທຸກໆທ່ານ
ສົ່ງເສີມແລະຊ່ອຍສະນັບສະນຸນກັນ ເພື່ອສືບສານຕຳນານເພງລາວໄວ້ ຕາບນານເທົ່ານານ ໃຫ້ລູກຫຼານລາວທີ່ເຕີບໃຫຍ່ ໄດ້ຟັງເພງລາວ ຕະຫຼອດການ.
