ລິ້ງ ສຳຫລັບເຂົ້າຫາ

logo-print

ເພງ Begin Again ຂອງ​ສາວ​ນ້ອຍ​ຄົນ​ເກັ່ງ​ Taylor Swift


ນັກ​ຮ້ອງ​ ນັກ​ແຕ່ງ​ເພງ Taylor Swift ສະແດງຄອນເສີດ ປີ 2016 ທີ່ອອສຕິນ, ລັດເທັກຊັສ, 22 ຕຸລາ 2016.

ເພງທີ່​ທ່ານ​ຫາ​ກໍ​ຟັງ​ຈົບ​ລົງ​ໄປ​ນັ້ນ ​ແມ່ນ​ເພງ Begin Again ຂອງ​ສາວ​ນ້ອຍ​ຄົນ​ເກັ່ງ​
ໃນ​ວົງ​ການເພງ​ສະຫະລັດ ທີ່​ມີຫຼາຍລາງ​ວັນເປັນ​ເຄື່ອງ​ກາ​ລັນຕີ. Taylor Swift
ເປັນ​ນັກ​ແຕ່ງ​ເພງ​ຕັ້ງ​ແຕ່ອາຍຸ 12 ປີ ພຸ້ນ ​ແລະ​ດຽວ​ນີ້ ກໍ​ເຕີບ​ໂຕ​ເປັນ​ສາວ​ເຕັມ​ຕົວ ​
ແລະ​ເພງ​ນີ້ ກໍ​ເປັນ​ອີກ​ເພງ​ນຶ່ງ​ຂອງ Taylor Swift ທີ່​ຕິດ​ອັນ​ດັບ.

ຂໍ​ແນະນຳ​ຜົນງານ​ເພງຂອງ Bebe Rexha Feat Florida-Georgia Line -
ໃນ​ບົດ​ເພງ Meant To Be ຊຶ່ງ​ເພງ​ນີ້ ກໍ​ເປັນ​ເພງປະ​ເພດປະສົມ​ປະສານ​ຂອງ​ກຸ່ມ​ດົນຕີ
Florida-Georgia Line ຣ໊ອກລູກ​ທົ່ງ ທີ່​ຮ້ອງ​ເພງນີ້ ຄູ່​ກັບ Bebe Rexha ຊຶ່ງ​ເຮັດ​ໃຫ້​
ເພງ​ນີ້ມ່ວນ​ສະ​ເດາະ​ຫູ ອີກ​ແບບ ຄວາມ​ຈິງ​ແລ້ວ​ເພງ​ນີ້​ມີ​ຄວາ​ມໝາຍປະມານວ່າ
“ຟ້າ​ສັ່ງ​ມາ” ກໍ​ຄື​ວ່າ ຟ້າ​ສັ່ງ​ມາ​ໃຫ້​ເປັນແບບນັ້ນ ຄືວ່າ ອັນ​ມັນ​ຈະ​ເກີດ ຈະ​ເປັນ ມັນກໍ​ຕ້ອງ
​ເກີດ ​ກໍ​ຕ້ອງເປັນ ຕາມ​ນັ້ນ.

ສ່ວນເພງ New Rules ປິດ​ທ້າຍ​ລາຍການ​ນີ້ ​ເປັນ​ເພງ​ຂອງ​ສິນລະປິນສາວຈາກ​ອັງ​ກິດ
Dua Lipa ທີ່​ເປັນ​ທັງ​ນາງ​ແບບ ນັກ​ຮ້ອງ​ ນັກ​ແຕ່ງ​ເພງ ຄວາມ​ສາມາດ​ເກີນຮ້ອຍ...
ຂໍ​ເຊີນ​ໄປ​ຮັບ​ຟັງ​ເພງ​ນີ້​ພ້ອມ​ກັນ​ເລີຍ ຊຶ່​ງເພງ​ນີ້​ແປ​ເປັນ​ພາສາ​ລາ​ວວ່າ ກົດ​ແກນ​ໃໝ່. ສັບປະດາໜ້າ ວັນນະ​ສອນ​ຈະ​ຫາ​ເພງ​ເກົ່າໆມ່ວນໆ ມາ​ຝາກ​ທ່ານ​ຜູ້​ຟັງ​ອີກ. ຂໍໃຫ້ທຸກໆທ່ານນອນລັບຝັນຫວານ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

ທ່ານອາດຈະມັກເລື້ອງນີ້ຄືກັນ

XS
SM
MD
LG