ຄຄືນນ ວັນນະສອນ ຈະມາກ່ອມອາລົມທ່ານຜູ້ຟັງດ້ວຍເພງລູກທົ່ງສາກົນແບບ classic
ຂໍເຊີນຮັບຟັງເພງມ່ວນໆ ໃນລາຍການສຽງເພງຈາກແດນໄກຂອງວີໂອເອ ໄດ້.
ສະບາຍດີທຸກໆທ່ານ ກັບມາພົບກັນອີກຕາມເຄີຍໃນລາຍການສຽງເພງຈາກແດນໄກຂອງ
ວີໂອເອ ຫວັງວ່າທ່ານຜູ້ຟັງຄົງໄດ້ບັນລຸເປົ້າໝາຍຂອງປີ 2018 ທີ່ທ່ານໄດ້ຕັ້ງໄວ້ແດ່ແລ້ວ
ເບິ່ງແມ໋ະ ບຶດດຽວ ກໍກາຍເຄິ່ງປີມາແລ້ວ ກໍຄົງຍັງອີກ 5 ເດືອນກໍຈະໝົດປີ. ຫຼັງຈາກທີ່ໄດ້
ສະເໜີເພງລາວ ເຮົາເປັນຄົນລາວ ຜົນງານເພງຂອງສິນລະປິນຄຸນນະພາບ ສັກກີ້ ເມກມໍ
ຣະກົດ ຈາກລັດຄາລີຟໍເນຍ ໄປແລ້ວ ກໍໄດ້ມີຜູ້ຟັງ ອາເລັກຊີ ໄຊຍະວົງ ຂຽນເຂົ້າມາບອກ
ວ່າ ບົດເພັງນີ້ຟັງແລ້ວຮູ້ສຶກດີຫລາຍ...ມັກຫຼາຍເດີ...ກໍຕ້ອງຂໍຂອບໃຈນ້ອງ ອາເລັກຊີ
ໄຊຍະວົງ ຫຼາຍໆ ທີ່ເຂົ້າມາຕິດຕາມຮັບຟັງ ແລະສະແດງອອກຊຶ່ງຄວາມຄິດເຫັນ ສະນັ້ນ
ເອື້ອຍວັນນະສອນ ຈຶ່ງຂໍຂອບໃຈ ແລະຂໍຕອບແທນດ້ວຍການຈັດເພງແນວ classic
ມາໃຫ້ຟັງເປັນເພງທີ່ກ່ຽວຂ້ອງກັບຄຸນງາມຄວາມດີ ຄວາມງົດງາມຂອງແມ່ຍິງ ເພງນີ້
ຊ່າງມີຄວາມໝາຍທີ່ຖືກໃຈສາວໆແນ່ນອນ ແບບວ່າ ເຈົ້າເປັນນາງໃນດວງໃຈ... ທີ່ຂັບ
ຮ້ອງໂດຍ Kenny Rogers ໃນບົດເພງ…Lady.
ສ່ວນເພງຕໍ່ໄປນີ້ ຂໍສະເໜີເພງແນວ classic ທີ່ຫຼາຍໆທ່ານບໍ່ສູ້ຈະໄດ້ຍິນເພງພວກນີ້
ສະນັ້ນ ວັນນະສອນ ຈຶ່ງຕັ້ງໃຈຊອກຫາເອົາເພງທີ່ຫາຟັງໄດ້ຍາກມາຝາກທ່ານຜູ້ຟັງ
ໂດຍສະເພາະບັນດາຜູ້ຟັງທີ່ມັກໃນແນວເພງ classic ພວກນີ້ ແລະແນ່ນອນເພງນີ້
Hello Goodbye ຂອງວົງ The Beatles ຊຶ່ງເປັນວົງດົນຕີ ຂັວນໃຈຂອງຜູ້ຟັງທັງໂລກ
...ຄັ້ງຕໍ່ໄປ ທາງເຮົາ ກໍຈະຫາເພງແນວ classic ມາຝາກທ່ານຜູ້ຟັງອີກ.
ຂໍອຳລາທ່ານຜູ້ຟັງດ້ວຍເພງລູກທົ່ງ classic - I'm Not Gonna Miss You ທີ່ຂັບຮ້ອງ
ໂດຍ Glen Campbell ນັກຮ້ອງ ນັກດົນຕີ ນັກແຕ່ງເພງ ແລະຜູ້ປະກາດຂ່າວທີ່ເຄີຍສ້າງ
ຊື່ສຽງໂດ່ງດັງມາກ່ອນແລ້ວ ໃນຊຸມປີ 1960 – 1970 ພຸ້ນ ແລະກໍຫວັງຢ່າງຍິ່ງວ່າ ທ່ານຜູ້
ຟັງ ຄົງຈະເຂົ້າມາຕິດຕາມຮັບຟັງລາຍການ ຂອງພວກເຮົາອີກ ຂໍໃຫ້ທຸກທ່ານນອນຫຼັບ
ຝັນຫວານ ພົບກັນໃໝ່ໃນສັບປະດາໜ້າ.
