ໃນລາຍການສຽງເພງຈາກແດນໄກຂອງ VOA ໃນຄໍ່າຄືນນີ້ ວັນນະສອນຈະມາກ່ອມ
ທ່ານດ້ວຍເພງລາວມ່ວນໆຂໍເຊີນທ່ານຜູ້ຟັງ ເຂົ້າສູ່ລາຍການໄດ້ເລີຍ.
ສະບາຍດີ ແລະຍິນດີຕ້ອນຮັບທ່ານຜູ້ຟັງເຂົ້າສູ່ລາຍການສຽງເພງຈາກແດນໄກຂອງ
VOA ໃນທຸກໆຄ່ຳຄືນຂອງວັນອາທິດ. ວັນອາທິດນີ້ກໍເຖິງຕາເປີດເພງລາວແລ້ວ
ແລະພວກເຮົາກໍໂຊກດີແທ້ໆ ເພາະວ່າ ວັນນະສອນຫາ ກໍໄດ້ຮັບເພງ ໄຮ້ດຽງສາ
ຊຶ່ງແມ່ນ single ໃຫມ່ ຂອງນັກຮ້ອງ ນັກແຕ່ງແພງ ສິນລະປິນສາວສຽງຄຸນນະພາບ
ຈາກ ສປປ ລາວ ອາລຸນາ ຖາວອນສຸຂ ຜູ້ຊຶ່ງເປັນຄົນແຕ່ງແລະນຳມາຮ້ອງປະສານ
ສຽງກັບ ໂອລາ ແບລັກໄອສ໌ ເພງໄຮ້ດຽວສາ ນີ້ມີຄວາມໝາຍແບບວ່າ ມະນຸດເຮົາ
ອາດຈະໄຮ້ດຽງສາແລະບໍ່ຢາກຮັບຮູ້ໃນການສູນເສຍ ແຕ່ວ່າ ໃນຄວາມເປັນຈິງ ຄົນເຮົາ
ເຖິງແມ່ນວ່າຈະໄຮ້ດຽງສາ ຂະໜາດໃດກໍຕາມ ແຕ່ສັດຈະທຳຂອງຊີວິດ ກໍຄືວ່າ ມີຮັກ
ມີພັດພາກ ແບບວ່າ ເກີດ ແກ່ ເຈັບຕາຍ ເປັນຂອງທຳມະດາ ທີ່ພະພຸດທະເຈົ້າໄດ້ຕຣັດ
ສອນສັ່ງໄວ້ ຜູ້ກ່ຽວໄດ້ຕັ້ງໃຈແຕ່ງອອກມາເພື່ອຢ້ຳເຕືອນສັດໂລກໃຫ້ປ່ອຍວາງ
ແລະຕ້ອງຍອມຮັບຄວາມເປັນຈິງ ໃຫ້ໄດ້. ວີໂອເອຂໍຂອບໃຈແລະຂໍເປັນກຳລັງໃຈໃຫ້
ອາລຸນາ ສືບຕໍ່ສ້າງຜົນງານເພງລາວດີໆແລະມ່ວນໆມາໃຫ້ພວກເຮົາຟັງອີກ ໃນອະນາ
ຄົດຕໍ່ໄປ.
ທ່ານຜູ້ຟັງຄົງຈຳໄດ້ວ່າ ວັນນະສອນເຄີຍໄດ້ສະເໜີຜົນງານເພງ ນິຣັນດອນ ທີ່ຮ້ອງ
ໂດຍໂຈໂຈ ມິຣາໂຄ ສິນລະປິນຊາຍ ຈາກ ສປປ ລາວ ໄປແລ້ວ ແລະຄັ້ງນີ້ ໂຈໂຈ
ມາຮ້ອງຄູ່ກັບສິນລະປິນລູກທົ່ງສາວແຖວໜ້າ ຈາກປະເທດໄທ ຕ່າຍ ອໍຣະໄທ...
ຊຶ່ງເພງ ນິຣັນດອນ ນີ້ ແມ່ນຜົນງານເພງທີ່ຄູສະຫຼາ ນັກປະພັນເພງລູກທົ່ງຂອງບໍລິສັດ
ແກຣມມີໂກລ ໄດ້ຈັດທຳພິເສດຂຶ້ນມາ ເພື່ອກະຊັບສາຍສຳພັນລາວໄທ ທີ່ມີຂະນົບ
ທຳນຽມຮີດຄອງປະເພນີ ສິນລະປະ ວັດທະນະທຳ ຄ້າຍຄຶງກັນ ແມ່ນກະທັງພາສາ
ປາກເວົ້າ...ເພື່ອຄວາມກົມກືນແລະໃຫ້ຄ່ອງຈອງກັບປະຊາຄົມອາຊຽນ ຈຶ່ງເປັນທີ່ມາ
ຂອງເພງ ນິຣັນດອນ...ເອົາຂໍເຊີນໄປຟັງພ້ອມໆກັນເລີຍ...
ຂໍອຳລາທ່ານຜູ້ຟັງດ້ວຍເພງຫວານແລະອ່ອນຊ້ອຍ ແບບວ່ານອນໄປຟັງເພງໄປ
ໃນບົດເພງ ເຫັນພຽງຊາຍຄາ ຂໍເຊີນໄປຟັງເພງຕົ້ນສະບັບຂອງສີລາວົງ ແກ້ວ
ສິນລະປິນອາວຸໂສ ຊຶ່ງເພງນີ້ ກໍແມ່ນເພງທີ່ສ້າງຊື່ສຽງໃຫ້ທ່ານສີລາວົງ ເຖິງແມ່ນວ່າ
ວັນເວລາຈະຜ່ານມາເນີນນານປານໃດ ກໍຕາມ ແຕ່ສຽງເພງນີ້ ຍັງກ້ອງກັງວານ
ຢູ່ໃນຫ້ວງເລິກຂອງພວກເຮົາຄົນຟັງ ຢູ່ສະເໝີມາແລະກໍຈະຕະຫຼອດໄປ...
ຂໍໃຫ້ທຸກໆທ່ານນອນຫຼັບຝັນດີ ແລະພົບກັນໃໝ່ ໃນສັບປະດາໜ້າ.
