ສະບາຍດີ ແລະມື້ນີ້ວັນນະສອນຈະມາຈັດເພງມ່ວນໆ ໃຫ້ທ່ານຜູ້ຟັງໄດ້ມ່ວນຊື່ນກັບ
ເພງລາວມ່ວນໆໃນລາຍການສຽງເພງຈາກແດນໄກຂອງ VOA ສໍາຫຼັບແລງວັນອາທິດ
ສະບາຍໆໃນທ້າຍເດືອນກໍລະກົດນີ້. ຂໍເລີ່ມ ດ້ວຍຜົນງານເພງຂອງກຸ່ມສິນລະປິນ
T.X.O. ທີ່ມີຄວາມໝາຍວ່າ Texas Original ຊຶ່ງເປັນວົງດົນຕີໜ້າໃໝ່ ທີ່ຫາກໍມີ
ຜົນງານເພງຊຸດທຳອິດ ແລະພວກເຮົາ VOA ກໍເປັນຜູ້ທຳອິດທີ່ໄດ້ຮັບເພງຊຸດນີ້
ວັນນະສອນວ່າ ແຟນລາຍການສຽງເພງຈາກແດນໄກນີ້ ຊ່າງໂຊກດີ ເພາະໄດ້ຮັບຟັງ
ເພງດີໆກ່ອນໝູ່ ທາງເຮົາຈຶ່ງຂໍຂອບໃຈໄປຍັງບັນດາສິນລະປິນລາວໃນຕ່າງແດນ
ທັງຫຼາຍ ທີ່ຄອຍຕັ້ງໃຈແລະພະຍາຍາມສ້າງຜົນງານເພງດີໆ ມາໃຫ້ພວກເຮົາໄດ້ຮັບຟັງ
ຢູ່ສະເມີ. ເອົາລະຂໍມອບເພງ ສາຍສຳພັນ ທີ່ຂັບຮ້ອງໂດຍຫົວໜ້າວົງ ນັກຮ້ອງນຳ
ຂອງວົງ T.X.O. Allen ຈັນທະເສົາ ຫຼືວຽງ ໃຫ້ແກ່ແຟນ VOA ທີ່ກຳລັງຮັບຟັງ
ລາຍການນີ້ຢູ່.
ອັນດັບຕໍ່ໄປ ຂໍຈັດເພງເພື່ອຕອບແທນຄວາມຂອບໃຈແກ່ບັນດາທ່ານຜູ້ຟັງທີ່ຂຽນຂໍ້
ຄວາມໄວ້ໃນ website ຂອງເຮົາ ອັນມີຫຼາຍໆທ່ານດ້ວຍກັນ ບໍ່ວ່າ ຈະເປັນທ່ານ
ບົວວອນ ໜ້າຈະເປັນບົວວອນ ແຕ່ຂຽນວ່າ ບອນວອນ ທີ່ຂຽນວ່າ ມ່ວນຫຼາຍ ຍານາງ
ເບ ອິນສີຊຽງໃໝ່ ຈາກປະເທດຝຣັ່ງ ຜູ້ຟັງທີ່ສະໜັບສະໜຸນສິນລະປິນລາວ ຂຽນ
ບອກມາວ່າ ຂອບໃຈ VOA ທີ່ໄດ້ສົ່ງເສີມສິນລະປິນລາວໃນທົ່ວໂລກ ເພື່ອໃຫ້
ສືບທອດສິນລະປະ ວັດທະນະທຳ ຜ່ານທາງດົນຕີ ວັນນະສອນ ຈຶ່ງຂໍນຳສະເໜີ
ຜົນງານເພງຂອງສິນລະປິນລາວທີ່ເກີດໃຫຍ່ໃນຕ່າງປະເທດ ອະຣິຍະ ກຸນລະວຸທ
ທີ່ຂັບຮ້ອງຜົນງານບົດປະພັນຂອງຜູ້ເປັນລຸງເຈົ້າຄຳຜາຍ ກຸນລະວຸທ ໃນບົດເພງ
ຝາກຮັກໃນໃຈເຈົ້າ ຜົນງານເພງຊຸດໃໝ່ ແລະມີຜົນງານເພງຮ່ວມກັບສິນລະປິນສາວ
ຈາກຝຣັ່ງ ເຕ ສັກດາ...ຂໍມອບເພງນີ້ ໃຫ້ແກ່ ທຸກທ່ານທີ່ກຳລັງຮັບຟັງລາຍການຢູ່ໃນ
ຂະນະນີ້ ແລະພິເສດສຸດແມ່ນບັນດາທ່ານຜູ້ຟັງທີ່ຂຽນຝາກໄວ້ໃນໜ້າ website
ຂອງເຮົາ.
ຂໍອຳລາທ່ານຜູ້ຟັງດ້ວຍເພງ ລືມບໍ່ລົງ ຂອງສິນລະປິນສາວຈາກການາດາ ເນຕອາຣີຍ໌
ອຸປະຣະວັນ ພົບກັນໃໝ່ ໃນສະບັບໜ້າ ຂໍໃຫ້ທຸກໆທ່ານໂຊກດີ.
