ສຳລັບລາຍການສຽງເພງຈາກແດນໄກຂອງ VOA ໃນຄຄືນນ ວັນນະສອນຈະມາ
ກ່ອມອາລົມທ່ານຜູ້ຟັງດ້ວຍເພງສາກົນອີກເຊັ່ນເຄີຍ ຂໍເລີ່ມຕົ້ນດ້ວຍເພງຂອງນັກ
ຮ້ອງສຸດ sexy ທີ່ພໍວັນນະສອນ ເອີຍຊື່ຂຶ້ນມາ ທຸກຄົນ ກໍຄົງຈະຮ້ອງອອກມາເປັນ
ສຽງດຽວກັນວ່າ ອໍ...ແມ່ນແລ້ວ ແມ່ນ Rihanna ທີ່ເປັນນັກຮ້ອງຜີວຄ້ຳອອກນ້ຳຕານ
ອ່ອນ ທີ່ຮ້ອງເພງ Stay feature ກັບ Mikky Ekko ໄດ້ຊຶ້ງແບບກິນໃຈໄປເລີຍ ເປັນເພງ
ເສົ້າທີ່ບັນລະຍາຍແລະຄ່ຳຄວນເຖິງຄົນຮັກ ແບບວ່າ ຢາກໃຫ້ຢູ່...ຢ່າໄດ້ຈາກໄປເລີຍ.
ຂໍເຊີນໄປມ່ວນກັບເພງນີ້ ພ້ອມໆກັນເລີຍ.
ເພງ: Stay ໂດຍ Rihanna feature ກັບ Mikky Ekko
ສ່ວນເພງມ່ວນໆ ສະນຸກສະໜານອັນດັບຕໍ່ໄປນີ້ ຂໍມອບໃຫ້ເປັນການພັກຜ່ອນຢ່ອນໃຈ
ຂອງທ່ານຜູ້ຟັງທັງຫຼາຍ ເປັນເພງຂອງກຸ່ມນັກຮ້ອງທາງພາກໃຕ້ຂອງສະຫະລັດ ໃນລັດ
ທີ່ມີຊາຍແດນຕິດກັນ ຊຶ່ງນັ້ນ ກໍເປັນທີ່ມາຂອງວົງດົນຕີ Florida Georgia Line
ໃນບົດເພງ Cruise ແລະຖ້າຢາກຮູ້ວ່າ ມ່ວນຂະໜາດໃດນັ້ນ ກໍຄົງຕ້ອງໄດ້ໄປຄົ້ນຫາ
ເບິ່ງວີດີໂອທາງ Youtube ດ້ວຍຕົວເອງ ແລ້ວຢ່າລືມຂຽນບອກມາວ່າ ເພງນັ້ນ ມ່ວນບໍ່.
ເພງ: Cruise ໂດຍ Florida Georgia Line
ບັດນີ້ ຂໍອໍາລາທ່ານໄປພ້ອມກັບເພງຂອງ Blake Shelton ທີ່ຮ້ອງ feature ກັບ
Ashley Monroe ທີ່ມີຊື່ວ່າ Lonely Tonight ທີ່ແປເປັນພາສາລາວແບບງ່າຍໆວ່າ
ຄ່ຳຄືນທີ່ດຽວດາຍ ແລະກໍຫວັງວ່າ ທ່ານຜູ້ຟັງຄົງບໍ່ໄດ້ ຫງອຍເຫງົາເປົ່າປ່ຽວຢູ່ຄົນດຽວ
ແລະຄັ້ງຕໍ່ໄປ ຖ້າທ່ານຜູ້ຟັງຢາກຟັງເພງໃດ ກໍຂໍໃຫ້ຂຽນເຂົ້າມາຫາທາງເຮົາ. ຂໍໃຫ້
ທຸກໆທ່ານຈົ່ງນອນລັບຝັນຫວານ.
ເພງ: Lonely Tonight ໂດຍ Blake Shelton feature ກັບ Ashley Monroe
