ສະບາຍດີທຸກໆທ່ານ ອາກາດເລີ່ມຈະໜາວຂຶ້ນເລື້ອຍໆໃນນະຄອນຫຼວງ ວໍຊິງຕັນ ດີຊີ ບໍ່ແນ່ ບາງທີພວກເຮົາອາດຈະມີ While Christmas ກໍຄືວ່າ ຫິມມະອາດຈະຕົກໃນຊ່ວງເທດສະດານຄີຣສມາດນີ້ ກໍໄດ້ ວັນນະສອນຢາກຈະໃຫ້ທ່ານຜູ້ຟັງນຸ່ງຫົ່ມໃຫ້ໜາເອົາໄວ້ເພື່ອຈະບໍ່ໄດ້ເຈັບໄຂ້ໄດ້ປ່ວຍແລະຖ້າບໍ່ຈໍາເປັນກໍບໍ່ຕ້ອງອອກໄປໃສດອກ ນອນຟັງເພງມ່ວນໆກັບວັນນະສອນຢ່າງສະບາຍໆກັນດີກວ່າ. ເພງ “I Told You So” ທີ່ຈະຫຼິ້ນໃຫ້ຟັງຕໍ່ໄປນີ້ ແມ່ນເພງຄູ່ຂອງ Carrie Underwood ແລະ Randy Travis ຈັດໃຫ້ຕາມ
ຄໍາຂໍຂອງນ້ອງ ຄໍາວັນສີສົມບັດ ທີ່ກໍາລັງຕັ້ງໜ້າຕັ້ງຕາສຶກສາປລິນຍາໂທທີ່ ອິນໂດ
ເນເຊຍ ແລະທີ່ເລືອກເພງຄູ່ນີ້ເເທນເພງດຽວຂອງ Carrie Underwood ຕາມທີ່ຂໍ
ມານັ້ນ ກໍເພາະຢາກຈະໃຫ້ນ້ອງໄດ້ຟັງເພງທັງສອງແບບ ສອງສະຕາຍລ໌ເລີຍ
ສ່ວນປະຕິທິນທີ່ຂໍມານັ້ນ ຈະຈັດສົ່ງໃຫ້ ຕາມທີ່ຢູ່ທີ່ຂຽນມາ ແລະຫວັງວ່ານ້ອງຄໍາວັນ
ຄົງຈະສືບຕໍ່ ຮັບຟັງລາຍການວິທະຍຸ VOA ຢ່າງຕໍ່ເນື່ອງ ເຊີນຮັບຟັງເພງ “I Told
You So” ພ້ອມໆກັນເລີຍ.
ເພງ “I Told You So”
ວັນນະສອນທັງດີໃຈແລະຕ້ອງຂໍຂອບໃຈທຸກໆຈມ, ທຸກໆ email ທີ່ຂຽນເຂົ້າມາຫາທາງລາຍການ VOA ຢ່າງມາກມາຍກາຍກອງ ທີ່ວ່າ ຕິດຕາມຮັບຟັງຂ່າວຈາກພວກເຮົາແລະວ່າ VOA ເປັນສື່ທີ່ໃຫ້ຂໍ້ມູນຊັດເຈນ ມີທັງສາຣະ ແລະໃຫ້ຄວາມບັນເທີງ ວັນນະສອນພ້ອມດ້ວຍຄະນະຕ້ອງຂໍຂອບໃຈໃນຄວາມເປັນແຟນລາຍການຂະນານແທ້ ພ້ອມນີ້ຈະສົ່ງປະຕິທິນໄປໃຫ້ ຕາມທີ່ຢູ່ທີ່ຂຽນເຂົ້າມາ ຂໍມອບເພງ “Put Your Head On My Shoulder” ຂອງ Michael Bouble ແທນຄໍາຂອບໃຈແລະສົ່ງຄວາມສຸກໃຫ້ແດ່ທຸກໆ ທ່ານທີ່ຕິດຕໍ່ເຂົ້າມາ.
ເພງ “When You Kiss Me” ຂອງ Shania Twain ເປັນເພງຫວານທີ່ມີ
ຄວາມໝາຍສຸດຍອດ ເປັນເພງຂອງນັກຮ້ອງສາວລູກທົ່ງ ການາດາ ທີ່ຮ້ອງເພງນີ
ໄດ້ຫວານຈັບໃຈ ຊຶ່ງວັນນະສອນຂໍຈັດມອບໃຫ້ພິເສດແດ່ແຟນເພງ ໂດຍສະເພາະ
ຜູ້ທີ່ກໍາລັງທີ່ຈະຕັດສິນໃຈຕົກລົງປົງໃຈເລືອກເອົາໃຜຜູ້ນຶ່ງເຂົ້າມາໃນຊີວິດ ແລະແນ່ນອນ
ພໍໄດ້ຟັງເພງນີ້ແລ້ວ ທ່ານຜູ້ຟັງຈະໄດ້ຕັດສິນໃຈດ້ວຍຕົວເອງຢ່າງຖືກຕ້ອງວ່າ ນອກຈາກ
ຄວາມຮັກ, ຄວາມອົບອຸ່ນ, ຄວາມໄວ້ເນື້ອເຊື່ອໃຈ, ຄວາມຫ່ວງຫາອາທອນທີ່ມອບໃຫ້
ກັນແລ້ວ ແລະວ່າເຂົາຄືຄົນນັ້ນຄືຄົນທີ່ທ່ານໄດ້ເຝົ້າລໍມາຕະຫລອດຊີວິດ ແລະພ້ອມທີ່
ຈະເລືອກເຂົ້າໄປໃນຊີວິດຂອງທ່ານ ຫຼືບໍ່ ທີ່ຈະຢູ່ນໍາກັນຈົນແກ່ເຖົ້າ …ຂໍເປັນແຮງໃຈອີກ
ຕື່ມຄົນນຶ່ງ ເພື່ອຊ່ອຍໃນການຕັດສິນໃຈ ນອນຫຼັບຝັນດີ ແລະພົບກັນໃໝ່
ໃນສັບປະດາໜ້າ.
ເພງ “When You Kiss Me”
