ສະບາຍດີແລະກໍດີໃຈທີ່ໄດ້ກັບມາໂອ້ລົມແລະຈັດເພງມ່ວນໃຫ້ທ່ານຜູ້ຟັງເຊັ່ນເຄີຍໃນແລງວັນອາທິດແບບສະບາຍໆເປັນກັນເອງ. ຂໍເລີ່ມດ້ວຍດ້ວຍເພງ “ຮັກສາວໝໍລຳ” ຂອງຄູ່ ສິນລະປິນໜຸ່ມສາວຈາກ ສປປ ລາວ ຫວັງວ່າ ຫຼາຍໆທ່ານຄົງຈະພໍໃຈໃນນໍ້າສຽງຂອງທັງສອງສິລະປິນ ພູວຽງ ແລະປຸກກີ້ ໃນບົດເພງ ຮັກສາວໝໍລຳ
ສ່ວນເພງຕໍ່ໄປນີ້ເປັນຂອງສິນລະປິນ ສາວ ປູ ວາດສະໜາ ທີ່ຈະມາຂັບກ່ອມທ່ານໃນບົດເພງ ແບບວ່າ ຕາມຫາຄູ່ວ່າຊັ້ນ ໃນບົດເພງ ສັ່ງຟ້າຫາຄູ່ ຂໍເຊີນໄປຟັງເພງນີ້ ພ້ອມໆກັນເລີຍ.
ຂໍສົ່ງທ່ານເຂົ້ານອນດ້ວຍເພງຫວານໆຂອງ ອຸດອນ ວົງສີ ສິນລະປິນລາວຈາກ ອອສເຕຣ ເລຍ ໃນບົດເພງ “ຝັນດີທີ່ຮັກ” ຊຶ່ງ ອຸດອນ ວົງສີ ກໍຖືວ່າເປັນສິນລປິນຜູ້ນຶ່ງ ທີ່ຍັງສືບຖອດແລະເກັບຮັກສາເພງລາວໄວ້ເປັນຢ່າງດີ ຊຶ່ງໄດ້ຮວບຮວມເກັບເພງເກົ່າໃນອະດີດມາຮວມກັນໃນຊຸດນີ້ ຖືກໃຈທ່ານຢ່າງແນ່ນອນ ວັນນະສອນເອງ ກໍພະຍາຍາມ ສົ່ງເສີມແລະສະໜັບສະໜູນສິນລະປິນລາວໃນຕ່າງແດນ ເພື່ອຄົງໄວ້ຊຶ່ງສິນລະປະ ວັດທະນະທໍາ ແລະວັນນະຄະດີອັນດີງາມຂອງລາວສືບຕໍ່ໄປ ແລະກໍຈະທະຍອຍນໍາສະເໜີເພງໃໝ່ໆຂອງສິນລະປິນລາວໜ້າໃໝ່ ໃນທົ່ວໂລກໃຫ້ທ່ານຜູ້ຟັງໄດ້ຮັບຟັງກັນ ແລະມີຫຍັງຫຼືຢາກຟັງເພງໃດ ກໍ ໃຫ້ທ່ານຜູ້ຟັງຂອຽນ emai ເຂົ້າມາຫາວັນນະສອນ ດ້ວຍເພື່ອຈະໄດ້ຈັດໃຫ້ຖືກໃຈທີ່ສຸດ ວັນນະສອນຫວັງວ່າ ທ່ານຜູ້ຟັງຄົງນະເລີ່ມເຄີ້ມແລະລັບສະບາຍດີ ໃນບົດເພງ ຝັນດີທີ່ຮັກ ຂອງ ອຸດອນ ວົງສີ ຂໍໃຫທຸກໆທານນອນລັບຝັນຫວານ.
