ຊາວໄຕ້ຫວັນ ກຳລັງພາກັນໄປປ່ອນບັດ ເລືອກຕັ້ງເຈົ້າໜ້າທີ່
ເທດສະບານ ຊຶ່ງ ມີການພິຈາລະນາກັນຢ່າງກວ້າງຂວາງວາ
ເປັນການທົດສອບເບິ່ງຄວາມນິຍົມຊົມຊອບຂອງປະທານນາ
ທິບໍດີແລະພັກ Kuomintang ຫລື KMT ທີ່ພວມປົກຄອງປະ
ເທດຢູ່ໃນເວລານີ້ທີ່ສະໜັບສະໜູນໃຫ້ມີຄວາມສຳພັນອັນໃກ້
ຊິດຫຼາຍ ຂຶ້ນກັບຈີນແຜ່ນດິນໃຫຍ່.
ປະທານນາທິບໍດີ Ma Ying-jeou ໄດ້ປ່ອນບັດໃນຕອນເຊົ້າ
ມື້ນີ້ຢູ່ທີ່ໜ່ວຍປ່ອນ ບັດໃນເຂດນະຄອນຫລວງ Taipei. ບັນ
ດາຜູ້ປ່ອນບັດຢູ່ທີ່ເກາະດອນດັ່ງກ່າວນີ້ ກຳລັງພາກັນຕັດສິນ
ໃຈເພື່ອເລືອກເອົາສະມາຊິກເທດສະບານຫຼາຍກວ່າ 11 ພັນ
ຄົນ ຊຶ່ງ ຫລາຍເປັນປະຫວັດການ ໃນການເລືອກຕັ້ງທ້ອງຖິ່ນ ຢູ່ໃນໄຕ້ຫວັນ.
ການຢັ່ງສຽງສະແດງໃຫ້ເຫັນວ່າ ພັກ KMT ກຳລັງປະເຊີນໜ້າ ກັບການທ້າທາຍຢ່າງແຮງ
ຈາກພັກຝ່າຍຄ້ານໃຫຍ່ສຸດ ທີ່ສະໜັບສະໜູນການເປັນເອກກະ ລາດຂອງໄຕ້ຫວັນ ນັ້ນ
ກໍຄື ພັກປະຊາທິປະໄຕກ້າວໜ້າ ຢູ່ໃນຫົວເມືອງສຳຄັນຫລາຍໆແຫ່ງ.
ຄວາມນິຍົມຊົມຊອບທີ່ມີຕໍ່ພັກລັດຖະບານ ໄດ້ລຸດນ້ອຍຖອຍລົງ ຍ້ອນຄວາມເປັນຫ່ວງ
ກ່ຽວກັບການມີອິດທິພົນເພີ້ມຂຶ້ນຂອງປັກກິ່ງ ການຊັກຊ້າລົງຂອງເສດຖະກິດ ແລະຂ່າວ
ນອງນັນດ້ານຄວາມປອດໄພຂອງອາຫານການກິນ.
