ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

22 ຄົນ ເສຍຊີວິດ ໃນການໂຈມຕີ ສະຫຼະຊີບ ທີ່ນະຄອນຫຼວງ ຂອງອີຣັກ


ຄວັນປົກຄຸມທ້ອງຟ້າ ໃນຂະນະທີ່ ກຳລັງຮັກສາຄວາມປອດໄພ ອີຣັກ ແລະ ພວກພົນລະເຮືອນ ເຕົ້າໂຮມກັນ ຢູ່ບໍລິເວນຈຸດເກີດເຫດ ການໂຈມຕີສະຫລະຊີບ ດ້ວຍລົດລະເບີດ ໃນເຂດຄຸ້ມ New Baghdad ຂອງຊາວ Shiite ທີ່ອາໄສຢູ່ຢ່າງຫຼວງຫຼາຍ, ອີຣັກ, ວັນພະຫັດທີ 9 ມິຖຸນາ 2016.
ຄວັນປົກຄຸມທ້ອງຟ້າ ໃນຂະນະທີ່ ກຳລັງຮັກສາຄວາມປອດໄພ ອີຣັກ ແລະ ພວກພົນລະເຮືອນ ເຕົ້າໂຮມກັນ ຢູ່ບໍລິເວນຈຸດເກີດເຫດ ການໂຈມຕີສະຫລະຊີບ ດ້ວຍລົດລະເບີດ ໃນເຂດຄຸ້ມ New Baghdad ຂອງຊາວ Shiite ທີ່ອາໄສຢູ່ຢ່າງຫຼວງຫຼາຍ, ອີຣັກ, ວັນພະຫັດທີ 9 ມິຖຸນາ 2016.

ການໂຈມຕີສະຫລະຊີບດ້ວຍລົດລະເບີດ ສອງບັ້ນ ທີ່ນະຄອນຫຼວງຂອງອີຣັກ ເຮັດໃຫ້ ມີຢ່າງນ້ອຍ 22 ຄົນ ເສຍຊີວິດ ໃນຕອນເຊົ້າວັນພະຫັດມື້ນີ້ ອີງຕາມເຈົ້າໜ້າທີ່ຕຳຫຼວດ.

ເປົ້າໝາຍຂອງລົດລະເບີດຄັນທຳອິດ ແນໃສ່ ເສັ້ນທາງເຂດພານິດ ຢູ່ທາງພາກຕາເວັນ ອອກ ຂອງນະຄອນຫຼວງ Baghdad ທີ່​ເຮັດ​ໃຫ້ພົນລະເຮືອນ 15 ຄົນ​ເສຍ​ຊີວິດ ແລະ ອີກ 35 ບາດເຈັບ. ສ່ວນລົດລະເບີດອີກຄັນໜຶ່ງ ໄດ້​ແຕກ​ຂຶ້ນບ່ອນລົດເມຢຸດ ໃກ້ໆ ຖານຄ້າຍ ທະຫານ ແຫ່ງໜຶ່ງ ທີ່ໃຫຍ່ທີ່ສຸດຂອງປະເທດ ຢູ່ທາງພາກເໜືອຂອງນະຄອນຫຼວງ Baghdad ແລະ ​ເຮັດ​ໃຫ້ຢ່າງນ້ອຍ 12 ຄົນ​ເສຍ​ຊີວິດ ແລະອີກ 28 ຄົນ ໄດ້ຮັບບາດເຈັບ.

ກຸ່ມລັດອິສລາມ ໄດ້ອ້າງເອົາຄວາມຮັບຜິດຊອບ ​ໃນການໂຈມຕີ ເກືອບທັງໝົດ ຢູ່ໃນ ນະຄອນຫຼວງ Baghdad ໃນ​ໄລຍະສອງສາມເດືອນຜ່ານມານີ້ ​ເຖິງແມ່ນຍັງ​ບໍ່​ທັນ​ໄດ້ ອ້າງເອົາຄວາມຮັບຜິດຊອບ ​ໃນການວາງລະເບີດ ໃນວັນພະຫັດມື້ນີ້.

ໂຄສົກຂອງທະຫານ ທ່ານໜຶ່ງ ໄດ້ກ່າວໃນວັນພຸດວານນີ້ ວ່າ ການໂຈມຕີຫຼາຍບັ້ນ ຢູ່ໃນນະຄອນຫຼວງຂອງອີຣັກ ຍັງບໍ່ໄດ້ຫລຸດນ້ອຍຖອຍລົງ ດັ່ງທີ່ຫຼາຍຄົນໄດ້ຄາດຄິດ ເຖິງແມ່ນວ່າ ອີຣັກໄດ້ບຸກໂຈມຕີ ຕໍ່ກຸ່ມ ຫົວຮຸນແຮງລັດອິສລາມ ຢູ່ທີ່ ເມືອງ Fallujah ກໍຕາມ.

ກອງກຳລັງຂອງອີຣັກ ໄດ້ສູ້ລົບ ກັບພວກນັກລົບຂອງກຸ່ມລັດອິສລາມ ມາໄດ້ສອງສາມ ອາທິດ​ແລ້ວ ໃນຄວາມພະຍາຍາມ ທີ່ຈະຍຶດເມືອງດັ່ງ ກ່າວຄືນ ຊຶ່ງ ໄດ້ຖືກຄວບຄຸມ ໂດຍກຸ່ມມຸສລິມ ມາຕັ້ງແຕ່ເດືອນມັງກອນ ປີ 2014. ການບຸກໂຈມຕີຂອງກອງກຳລັງອີຣັກ ມາເຖິງປັດຈຸບັນນີ້ ແມ່ນໄດ້ປິດລ້ອມເມືອງ Fallujah ໃນສາມດ້ານ ໂດຍມີພຽງດ້ານ​ດຽວ ທີ່ຍັງເຫຼືອ ບໍ່ໄດ້ຖືກປິດລ້ອມ ກໍຄືແຄມຝັ່ງທາງພາກຕາເວັນຕົກຂອງແມ່ນ້ຳ Euphrates.

ກຸ່ມປົກປ້ອງສິດທິມະນຸດ Human Rights Watch ໄດ້ຮຽກຮ້ອງ​ໃຫ້ ລັດຖະບານອີຣັກ ໃນວັນພະຫັດມື້ນີ້ ສືບສວນສອບສວນ ລາຍງານການລະເມີດ ທີ່ໄດ້ກະທຳ ໂດຍກຳລັງ ທະຫານອີຣັກ ຕໍ່ພວກພົນລະເຮືອນ ໃນການປະຕິບັດການເພື່ອຍຶດເອົາເມືອງ Fallujah ຄືນມາ.

ພວກຜູ້ຊາຍ ຫຼາຍຮ້ອຍຄົນ ຢູ່ໃນໂຮງໝໍເມືອງ Fallujah ອ້າງວ່າ ພວກເຂົາເຈົ້າ ໄດ້ຖືກ ທຳຮ້າຍຮ່າງກາຍ ໂດຍ ກອງກຳລັງປຸກລະດົມ ມະຫາຊົນຂອງອີຣັກ ອີງຕາມກຸ່ມປົກ​ປ້ອສິດທິມະນຸດສາກົນດັ່ງກ່າວ.

ອ່ານຂ່າວນີ້ຕື່ມ ເປັນພາສາອັງກິດ

Iraq Bombings
please wait
Embed

No media source currently available

0:00 0:01:09 0:00

XS
SM
MD
LG