ພົນເຮືອເອກ Mike Mullen ປະທານເສນາທິການຮ່ວມຂອງກອງທັບສະຫະລັດ ໄດ້ເລິ່ມ
ທໍາການຢ້ຽມຢາມຈີນເປັນເວລາສີ່ວັນ ໃນວັນອາທິດມື້ນີ້ ເພື່ອທໍາການເຈລະຈາກັບພວກຜູ້ນໍາ
ແລະເຈົ້າໜ້າທີ່ທະຫານລະດັບສູງຂອງ ຈີນ.
ນາຍພົນ Mullen ໄດ້ກ່າວໃນຕອນຖະແຫລງຕໍ່ນັກຂ່າວຢູ່ນະຄອນຫລວງປັກກິ່ງວ່າ ທ່ານ
ຄິດບໍ່ອອກວ່າ ຈະມີບ່ອນໃດທີ່ສາມາດເຮັດວຽກໄດ້ຫລາຍ ແລະໄດ້ຮັບໝາກຜົນຫລາຍໄປ
ກວ່າ ລະຫວ່າງສະຫະລັດແລະຈີນ.
ນາຍພົນ Mullen ກ່າວອີກວ່າ ທ່ານຈະປຶກສາຫາລືກ່ຽວກັບການເຈລະຈາ ເລຶ່ອງປົດອາວຸດ
ນີວເຄລຍກັບເກົາຫລີເໜືອ ທີ່ບໍ່ໄປບໍ່ມາທາງໃດນັ້ນ ແລະບັນຫາໄຕ້ຫວັນ ຄວາມສໍາພັນລະ
ຫວ່າງສະຫະລັດກັບຈີນ ໄປຈົນເຖິງຂໍ້ຂັດແຍ້ງກັນເລື່ອງດິນແດນໃນຂົງເຂດທະເລຈີນໃຕ້ ແລະເ ລຶ່ອງອື່ນໆອີກ.
ພົນເຮືອເອກ Mullen ເດີນທາງໄປຢ້ຽມຢາມຈີນ ຕາມການເຊື້ອເຊີນຂອງທ່ານ Chen Bingde ຜູ້ບັນຊາການທະຫານສູງສຸດຂອງຈີນ.
ນອກນີ້ແລ້ວ ນາຍພົນ Mullen ຍັງມີກໍານົດຈະໄປຢ້ຽມຢາມຄ້າຍທະຫານສອງແຫ່ງຂອງຈີນ ໃນອາທິດນີ້.
