ລິ້ງ ສຳຫລັບເຂົ້າຫາ

ວັນພຸດ, ໒໘ ກຸມພາ ໒໐໒໔

ພົນເຮືອເອກ Mullen ຢ້ຽມຢາມເກົາຫຼີໃຕ້ (ເບິ່ງວີດີໂອ)


ພົນເຮືອເອກ Mike Mullen ປະທານເສນາທິການຮ່ວມຂອງກອງທັບສະຫະລັດ ລົມກັນກັບນາຍພົນ James D. Thurman ຜູ້ບັນຊາການກຳລັງສະຫະລັດຄົນໃໝ່ ໃນແຫຼມເກົາຫຼີ ໃນລະຫວ່າງພິທີເຂົ້າຮັບຕຳແໜ່ງຂອງ ນາຍພົນ Thurman (14 ກໍລະກົດ 2011)
ພົນເຮືອເອກ Mike Mullen ປະທານເສນາທິການຮ່ວມຂອງກອງທັບສະຫະລັດ ລົມກັນກັບນາຍພົນ James D. Thurman ຜູ້ບັນຊາການກຳລັງສະຫະລັດຄົນໃໝ່ ໃນແຫຼມເກົາຫຼີ ໃນລະຫວ່າງພິທີເຂົ້າຮັບຕຳແໜ່ງຂອງ ນາຍພົນ Thurman (14 ກໍລະກົດ 2011)

ນາຍທະຫານຊັ້ນສູງສຸດຂອງສະຫະລັດ ກຳລັງຢູ່ໃນລະຫວ່າງການຢ້ຽມຢາມເກົາຫຼີໃຕ້ເພື່ອ
ເຂົ້າຮ່ວມພິທີເຂົ້າຮັບຕຳແໜ່ງຜູ້ບັນຊາການຄົນໃໝ່ຂອງກຳລັງສະຫະລັດຢູ່ໃນເກົາຫຼີໃຕ້.

ປະທານເສນາທິການຮ່ວມຂອງກອງທັບສະຫະລັດພົນເຮືອເອກ Mike Mullen ເດີນທາງ
ໄປຍັງເກົາຫຼີໃຕ້ລຸນຫຼັງການຢ້ຽມຢາມປະເທດຈີນ ເປັນເວລາ 4 ມື້ ຊຶ່ງທ່ານໄດ້ມີການໂອ
ກາດໄປຢ້ຽມຢາມ ແບບທີ່ບໍ່ເຄີຍມີມາ​ກ່ອນ ຖານທັບລູກສອນໄຟນິວເຄລຍແລະກຳປັ່ນດຳ
ນໍ້າຂອງຈີນ.

ຢູ່ທີ່ເກົາຫຼີໃຕ້ໃນວັນພະຫັດມື້ນີ້ ພົນເຮືອເອກ Mullen ໄດ້ເປັນສັກຂີພະຍານ ຂະນະທີ່ນາຍ
ພົນ James Thurman ເຂົ້າຮັບຕຳແໜ່ງເປັນຜູ້ບັນຊາການກຳລັງທະຫານສະຫະລັດຫຼາຍ
ກວ່າ 28,000 ຄົນຢູ່ໃນເກົາຫຼີໃຕ້ນັ້ນ. ນາຍພົນ Thurman ທີ່ເຂົ້າຮັບຕຳແໜ່ງຕໍ່ຈາກນາຍ
ພົນ Walter Sharp ກ່າວວ່າພັນທະມິດສະຫະລັດກັບເກົາຫຼີໃຕ້ແມ່ນພ້ອມແລ້ວທີ່ຈະຮັບມື
ກັບການທ້າທາຍເກາະຜິດໃດໆກໍຕາມທີ່ແນໃສ່ເພື່ອສ້າງຄວາມບໍ່ທຸ່ນທ່ຽງຢູ່ໃນແຫຼມເກົາຫຼີ.

ພົນເຮືອເອກ Mullen ມ້ວນທ້າຍການຢ້ຽມຢາມປະເທດຈີນໃນມື້ວານນີ້ ດ້ວຍການໄປຢ້ຽມ
ຢາມຖານທັບກຳປັ່ນດຳນໍ້າທີ່ແຂວງ Shandong ທີ່ຕັ້ງຢູ່ທາງກໍ້າຕາເວັນອອກຂອງນະຄອນ
ຫຼວງປັກກິ່ງ. ກ່ອນນັ້ນ ທ່ານກໍໄດ້ຮັບອະນຸຍາດໃຫ້ໄປຢ້ຽມຖານທັບອາກາດແຫ່ງນຶ່ງທີ່ມີເຮືອ
ບິນລົບທີ່ກ້າວໜ້າທັນສະໄໝ SU-27 ປະຈຳການຢູ່ ແລະໄປຢ້ຽມກຳລັງປືນໃຫຍ່ທີ 2 ຊຶ່ງ
ເປັນກອງບັນຊາການຄັງອາວຸດນິວເຄລຍຂອງຈີນນັ້ນ.

XS
SM
MD
LG