ລິ້ງ ສຳຫລັບເຂົ້າຫາ

logo-print

ອົງ​ການ FBI ຊອກ​ຫາ ​ຜູ້​ທີ່​ພະ​ຍາ​ຍາມ​ ຈະໃສ່​ຮ້າຍ ​ໄອ​ຍະ​ການ​ພິ​ເສດ ມອ​ລ​ເລີ


ອະ​ດີດ​ຜູ້​ອຳ​ນວຍ​ການ​ອົງ​ການ FBI ທ່ານ ໂຣ​ເບີດ ມອ​ລ​ເລີ ໃຫ້​ປາກ​ຄຳ​ຢູ່​ລັດ​ຖະ​ສະ​ພາ ແຄັບ​ປິ​ຕອ​ລ ຮິ​ລ, 13 ມິ​ຖຸ​ນາ, 2013.

ອົງ​ການ​ສັນ​ຕິ​ບານ​ກາງ ຫຼື FBI ແມ່ນ​ກຳ​ລັງ​ສືບ​ສວນ​ສອບ​ສວນ​ການ​ກ່າວ​ອ້າງ​ຂອງ
ແມ່ຍິງຜູ້ທີ່ບໍ່ປະສົງອອກຊື່ຄົນນຶ່ງ ທີ່ວ່າລາວໄດ້ຮັບເງິນ 20,000 ໂດລາ ເພື່ອກ່າວຫາ
ໄອຍະການພິເສດ ທ່ານ ໂຣເບີດ ມອລເລີ ໄດ້ລວນລາມລາວ.

ທ່ານ ມອ​ລ​ເລີ ແມ່ນ​ກຳ​ລັງ​ສືບ​ສວນ​ສອບ​ສວນ​ການ​ກ່າວ​ຫາ​ທີ່​ວ່າ ການ​ໂຄ​ສະ​ນາ​ຫາງ
ສຽງຂອງປະທານາທິບໍດີ ທຣຳ ໄດ້ສົມຮູ້ຮ່ວມຄິດກັບ ຣັດເຊຍ ເພື່ອແຊກແຊງການ
ເລືອກຕັ້ງໃນປີ 2016. ທ່ານກໍກຳລັງຊອກຫາວ່າ ທ່ານ ທຣຳ ໄດ້ພະຍາຍາມທີ່ຈະຂັດ
ຂວາງການສອບສວນດັ່ງກ່າວນັ້ນຫຼືບໍ່ເຊັ່ນກັນ.

ໃນ​ຖະ​ແຫຼງ​ການ​ເປີດ​ເຜີຍ​ຕໍ່​ສາ​ທາ​ລະ​ນະ​ທີ່ບໍ່​ຄ່ອຍ​ມີ​ຂຶ້ນ​ນັ້ນ, ໂຄງ​ສົກ​ຂອງ​ທ່ານ ມອ​ລ
ເລີ, ທ່ານ ປີເຕີ ຄາ ໄດ້ກ່າວໃນວັນອັງຄານວານນີ້ວ່າ “ເມື່ອພວກເຮົາຮູ້ວ່າ ການກ່າວ
ຫາຂອງແມ່ຍິງຄົນນຶ່ງໃນສັບປະດາແລ້ວນີ້ທີ່ວ່າ ລາວໄດ້ຮັບເງິນເພື່ອທຳການກ່າວ
ອ້າງທີ່ຜິດ ກ່ຽວກັບ ທ່ານໄອຍະການພິເສດນັ້ນ, ພວກເຮົາໄດ້ສົ່ງບັນຫາດັ່ງກ່າວ ໄປ
ໃຫ້ອົງການ FBI ໃນທັນທີແລ້ວ ເພື່ອທຳການສືບສວນສອບສວນ.

ທ່ານ ຄາ ບໍ່​ໄດ້​ໃຫ້​ຂໍ້​ມູນ​ເພີ່ມ​ເຕີມ ກ່ຽວ​ກັບ ກໍ​ລະ​ນີ​ດັ່ງ​ກ່າວ ເຊິ່ງ​ອາດ​ເປັນ​ຄວາມ​ພະ​ຍາ​
ຍາມທີ່ຈະສ້າງຄວາມເສື່ອມເສຍໃຫ້ທ່ານ ມອລເລີ ໃນຂະນະທີ່ການສືບສວນສອບ
ສວນຍັງດຳເນີນຕໍ່ໄປຢູ່.

ສື່ມວນ​ຊົນ​ຕ່າງໆ​ເວົ້າ​ວ່າ ແມ່​ຍິງ​ທີ່ບໍ່​ມີ​ໃຜ​ຮູ້​ຈັກ​ຄົນ​ນັ້ນ ​ໄດ້​ຕິດ​ຕໍ່​ເຂົາ​ເຈົ້າ​ທາງ ອີ​ເມ​ລ,
ອ້າງວ່າມີຄົນໄດ້ສະເໜີເງິນສົດໃຫ້ລາວ ເພື່ອເວົ້າວ່າ ທ່ານ ມອລເລີ ໄດ້ລວນລາມລາວ
ໃນຊຸມປີ 1970 ໃນເວລາທີ່ເຂົາເຈົ້າໄດ້ເຮັດວຽກນຳກັນຢູ່ອົງການ FBI.

ແມ່​ຍິງ​ຄົນ​ດັ່ງ​ກ່າວ​ເວົ້າ​ວ່າ ຄົນ​ຜູ້​ທີ່​ໄດ້​ຕິດ​ຕໍ່​ລາວ​ໄດ້​ອ້າງວ່າ ລ​າວ​ເຮັດ​ວຽກ​ໃຫ້​ນັກ​ເຄື່ອນ​
ໄຫວພັກຣີພັບບລີກັນ ແລະ ຜູ້ຈັດລາຍການວິທະຍຸອະນຸລັກນິຍົມ ທ່ານ ແຈັກ ເບີກແມັນ.

ທ່ານ ເບີກ​ແມັນ ໄດ້​ເອີ້ນ​ຕົນ​ເອງວ່າ “ເປັນ​ຜູ້​ເຄາະ​ຮ້າຍ​ຂອງ​ຂ່າວ​ຫຼອກ​ລວງ” ແລະ ວ່າ​
ລາວບໍ່ໄດ້ຈ້າງໃຜ.

ແຕ່​ລາວ​ໄດ້​ເວົ້າ​ໃນ​ເຟ​ສ​ບຸກ​ເມື່ອ​ສັບ​ປະ​ດາ​ແລ້ວນີ້ ແລະ ໄດ້​ຂຽນ​ໃນ​ທວິດ​ເຕີ​ວ່າ ລາວ​
ຈະ “ເປີດເຜີຍຜູ້ເຄາະຮ້າຍຈາກການຖືກລວນລາມໂດຍໄອຍະການພິເສດ ທ່ານ ໂຣ
ເບີດ ມອລເລີ ຄົນທຳອິດ. ຂ້າພະເຈົ້າຊົມເຊີຍຄວາມກ້າຫານ, ກຽດສັກສີ, ຄວາມດີ
ແລະ ຄວາມແຂງແກ່ນຂອງລູກຄ້າຂ້າພະເຈົ້າ.”

ອ່ານ​ຂ່າວນີ້​ຕື່ມ​ເປັນ​ພາ​ສາ​ອັງ​ກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG