ປະທານາທິບໍດີສະຫະລັດ ທ່ານ Barrack Obama ໄດ້ກ່າວ
ຂໍຂະມາ ຕໍ່ອົງການແພດບໍ່ມີພົມແດນ ໃນການທີ່ສະຫະລັດ ໄດ້ຖິ້ມລະເບີດໃສ່ໂຮງພະຍາບານຂອງອົງການດັ່ງກ່າວ ທີ່ໄດ້
ສັງຫານ 22 ຄົນ ໃນສັບປະດາແລ້ວນີ້ ທີ່ເມືອງ Kunduz
ໃນອັຟການິສຖານ.
ໂຄສົກທຳນຽບຂາວ ທ່ານ Josh Earnest ໄດ້ກ່າວວ່າ ທ່ານໂອ
ບາມາ ໄດ້ໂທລະສັບໄປຫາ ດຣ. Joanne Liu ປະທານຂອງ
ອົງການແພດບໍ່ມີພົມແດນ ເພື່ອ “ຂໍອະໄພໂທດ ແລະສະແດງ
ຄວາມເສົ້າສະລົດໃຈ”
ທ່ານ Earnest ໄດ້ກ່າວວ່າ: “ໃນກໍລະນີນີ້ ມັນແມ່ນຄວາມຜິດພາດ ແລະມັນເປັນນຶ່ງ
ໃນສິ່ງທີ່ສະຫະລັດຈະໃຫ້ຄວາມກະຈ່າງແຈ້ງ ແລະເວົ້າວ່າ ທ່ານໂອບາມາ ມີຄວາມກະຕື
ລືລົ້ນ ຢາກສືບສວນ ເພື່ອທີ່ໃຫ້ຮູ້ເຖິງເລື້ອງທີ່ເກີດຂຶ້ນທັງໝົດ.”
ການຖິ້ມລະເບີດ ໃສ່ໂຮງໝໍ ມ. Kunduz
ໃນຖະແຫຼງການທີ່ໄດ້ນຳອອກເຜີຍແຜ່ ໃນຕອນບ່າຍວັນພຸດວານນີ້ ທ່ານນາງ Liu ຍອມ
ຮັບວ່າ ໄດ້ຮັບໂທລະສັບຈາກທ່ານໂອບາມາ ແຕ່ໄດ້ກ່າວຍ້ຳເຖິງການຮຽກຮ້ອງກ່ອນໜ້ານີ້
ທີ່ຢາກໃຫ້ຄະນະສືບສວນທີ່ເປັນອິດສະຫລະ ທຳການສືບສວນ ພາຍໃຕ້ກົດລະບຽບ ຂອງ
ສົນທິສັນຍາເຈນີວາ, ຊຶ່ງທ່ານນາງກ່າວວ່າ“ເພື່ອໃຫ້ຮູ້ວ່າແມ່ນຫຍັງໄດ້ເກີດຂຶ້ນ ທີ່ເມືອງ Kunduz ໃນອັຟການິສຖານ ແມ່ນເກີດຂຶ້ນໄດ້ແນວໃດ ແລະເປັນຫຍັງຈຶ່ງເກີດຂຶ້ນ.”
ສົນທິສັນຍຍາເຈນີວາ ແມ່ນສົນທິສັນຍາແລະລະບຽບການທູດສາກົນ ທີ່ຄຸ້ມຄອງໃນການປະຕິບັດງານຢູ່ໃນເຂດທີ່ມີການຂັດແຍ້ງດ້ານອາວຸດ ແລະແນໃສ່ເພື່ອປົກປ້ອງປະຊາຊົນ
ທີ່ບໍ່ໄດ້ເຂົ້າຮ່ວມໃນບັນຫາຂັດແຍ້ງ ແລະພວກທີ່ໄດ້ຢຸດເຊົາການເຂົ້າຮ່ວມແລ້ວນັ້ນ ຕົກຢູ່
ໃນອັນຕະລາຍ.
ບໍ່ເທົ່າໃດຊົ່ວໂມງກ່ອນ ທ່ານນາງ ສົນທະນາກັບ ປະທານາທິບໍດີ Obama ທ່ານນາງ
Liu ກ່າວວ່າ ອົງການທີ່ມີຊື່ຫຍໍ້ໃນພາສາຝຣັ່ງ MSF ບໍ່ສາມາດກາງຕໍ່ອາໄສໃນການສືບ ສວນພາຍໃນ ທີ່ດຳເນີນການໂດຍສະຫະລັດ ອັຟການິສຖານ ແລະອົງການ NATO.
ອົງການ MSF ໄດ້ສະເໜີແນະວ່າ ການຖີ້ມລະເບີດໂຈມຕີນີ້ ອາດພິຈາລະນາວ່າ ເປັນອາດຊະຍາກຳສົງຄາມ ແຕ່ໂຄສົກທຳນຽບຂາວ ທ່ານ Earnest ກ່າວວ່າ “ບໍ່ມີຜູ້ໃດສະເໜີຫລັກ
ຖານໃດໆວ່າ ມັນບໍ່ແມ່ນຫຍັງຫລາຍໄປກວ່ານັ້ນ ແຕ່ເປັນຄວາມຜິດພາດທີ່ຮ້າຍແຮງແລະ
ໜ້າເສົ້າສະຫລົດໃຈ.”
