ອົງການແພດບໍ່ມີພົມແດນຫຼື MSF ກ່າວໃນວັນພຸດມື້ນີ້ວ່າ ພວກ
ກູ້ໄພ ໄດ້ຊ່ອຍເອົາ 3 ຄົນ ທີ່ໄດ້ຮັບບາດເຈັບ ອອກມາຈາກຊາກ
ຫັກພັງຂອງໂຮງໝໍຢູ່ໃນພາກເໜືອຂອງຊີເຣຍ ທີ່ໄດ້ຖືກທຳລາຍ
ໂດຍການໂຈມຕີທາງອາກາດ.
ອົງການ MSF ໄດ້ສົ່ງຂໍ້ຄວາມຜ່ານທາງ Twitter ວ່າ ການປະຕິ
ບັດງານ ເພື່ອຊອກຄົ້ນຫາ ໃນບໍລິເວນທີ່ເກີດເຫດ ຢູ່ແຂວງ Idlib
ຍັງດຳເນີນຕໍ່ໄປ.
ອົງການ MSF ກ່າວໃນວັນອັງຄານວານນີ້ວ່າ ພະນັກງານຂອງຕົນ
25 ຄົນຢູ່ທີ່ໂຮງໝໍດັ່ງກ່າວໃນເວລາທີ່ເກີດການໂຈມຕີໃນມື້ວັນຈັນ
ແລ້ວ ທີ່ມີການຢືນຢັນວ່າ 11 ຄົນໄດ້ເສຍຊີວິດໄປນັ້ນ. ພວກທີ່ເສຍຊີວິດແມ່ນຮວມທັງພະນັກ ງານ 5 ຄົນ ຄົນເຈັບ 5 ຄົນ ແລະຜູ້ໃຫ້ການປິ່ນປົວອີກນຶ່ງຄົນ.
ໃຜເປັນຜູ້ຮັບຜິດຊອບໃນການໂຈມຕີຄັ້ງນີ້ ຍັງບໍ່ທັນເປັນທີ່ຈະແຈ້ງເທື່ອແລະພາໃຫ້ມີການ
ກ່າວຫາຊຶ່ງກັນແລະກັນ ພ້ອມທັງການກ່າວປະຕິເສດ.
ທ່ານ Peter Cook ໂຄສົກຂອງທຳນຽບຫ້າແຈ ກ່າວຕໍ່ພວກນັກຂ່າວ ໃນວັນອັງຄານວານ
ນີ້ວ່າ ເຮືອບິນຂອງກຳລັງປະສົມ ພາຍໃຕ້ການນຳພາຂອງສະຫະລັດທີ່ຖິ້ມລະເບີດໂຈມຕີ
ໃສ່ກຸ່ມລັດອິສລາມ ຢູ່ໃນຊີເຣຍນັ້ນ ບໍ່ໄດ້ພົວພັນກັບເລື້ອງນີ້.
ທ່ານ Cook ກ່າວວ່າ ມັນຈຳເປັນຈະຕ້ອງໄດ້ມີການຊັ່ງຊາຕີລາຄາຢ່າງລະມັດລະວັງຈາກ
ຜູ້ຄົນທີ່ຢູ່ທາງພາກພື້ນດິນ. ຂ້າພະເຈົ້າຮູ້ດີວ່າ ມັນມີຄຳຖາມກ່ຽວກັບກິດຈະການຂອງຣັດ
ເຊຍຢູ່ໃນຂົງເຂດແຕ່ຂ້າພະເຈົ້າຍັງບໍ່ສາມາດກ່າວໄດ້ຢ່າງສະເພາະເຈາະຈົງວ່າຜູ້ໃດເປັນ
ຜູ້ຮັບຜິດຊອບໂດຍກົງ.
ຣັດເຊຍກໍເຊັ່ນດຽວກັນ ໄດ້ປະຕິເສດວ່າ ກຳລັງຂອງຕົນບໍ່ໄດ້ຢູ່ເບື້ອງຫລັງການ ໂຈມຕີໃນ
ຄັ້ງນີ້.
