ກິລາໂອລິມປິກລະດູໜາວ ທີ່ເມືອງ Sochi ປະເທດຣັດເຊຍ ຈະ
ເລີ່ມຂຶ້ນ ໃນອີກບໍ່ເທົ່າໃດມື້ ຄືວັນທີ 7 ເດືອນກຸມພານີ້ ແຕ່ໄພຂົ່ມ
ຂູ່ຈາກການກໍ່ການຮ້າຍນັ້ນ ກໍຍັງມີມາຢູ່ບໍ່ເຊົາ. ຄວາມກັງວົນອັນ
ໃຫຍ່ຫຼວງທີ່ສຸດ ກໍຄືເຂດ ພາກເໜືອ Caucasus ທີ່ເປັນເພື່ອນ
ບ້ານທາງທິດຕາເວັນອອກຂອງເມືອງ Sochi. ເຂດດັ່ງກ່າວເປັນ
ຖິ່ນຢູ່ອາໄສຂອງພວກຫົວແບ່ງແຍກດິນແດນ ທີ່ໄດ້ທໍາສົງຄາມຕໍ່
ສູ້ເອົາເອກະລາດ ຈາກຣັດເຊຍ ມາເປັນເວລາຫຼາຍປີ. ເຫດລະ
ເບີດຫຼາຍບັ້ນ ເມື່ອບໍ່ດົນມານີ້ ທີ່ເມືອງ Volgograd ທາງທິດ
ເໜືອຂອງ Sochi ຍັງຜົນໃຫ້ພວກນັກຊ່ຽວຊານທັງຫຼາຍຕ້ອງຢູ່
ໃນທ່າຕຽມລະວັງໄພ ໃນລະດັບສູງ. ຜູ້ສື່ຂ່າວວີໂອເອ Arash
Arabasadi ລາຍງານວ່າ ບາງຄົນຕັ້ງຄໍາຖາມຂຶ້ນມາວ່າ ເປັນ
ຫຍັງຈຶ່ງມາຈັດງານໂອລິມປິກລະດູໜາວ ຢູ່ໃກ້ເຂດຂອງພວກ
ຄົນທີ່ປະຕິຍານຕົນວ່າ ຈະຕໍ່ສູ້ກັບຣັດເຊຍຈົນຕາຍນັ້ນ. ທອງ
ປານ ຈະນໍາເອົາລາຍລະອຽດຂອງເລື່ອງນີ້ມາສະເໜີທ່ານ.
ເຖິງແມ່ນທາງການຣັດເຊຍໄດ້ໃຫ້ຄໍາສັນຍາວ່າ ຈະເພີ່ມການຮັກສາຄວາມ ປອດໄພໜາແໜ້ນຍິ່ງຂື້ນອີກກໍຕາມ ແຕ່ເມື່ອປະມານນຶ່ງເດືອນຜ່ານມາ ກໍ ໄດ້ເກີດເຫດການວາງລະເບີດສະຫຼະຊີບສອງບັ້ນ ທີ່ໄດ້ສັງຫານ 34 ຄົນ ທີ່ເມືອງ Volgograd ທີ່ຕັ້ງຢູ່ຫ່າງຈາກເມືອງ Sochi ໄປທາງທິດເໜືອ ປະມານ 700 ກິໂລແມັດ. ກຸ່ມຫົວອີສລາມໃນເຂດ Caucasus ເໜືອຂອງຣັດເຊຍ ໄດ້ອ້າງເອົາຄວາມຮັບຜິດຊອບຕໍ່ເຫດການໂຈມຕີດັ່ງກ່າວ ໃນວີດີໂອທີ່ເອົາລົງໃນເວັບໄຊ້ອີສລາມແຫ່ງນຶ່ງ.
ທ່ານ Ian Von Gordon ເປັນຜູ້ອໍານວຍການຝ່າຍປະຕິບັດການ ຂອງສະຖາບັນເຝິກອົບລົມວິຊາປົກປ້ອງນັກການທູດ ທີ່ເມືອງ Youngstown ລັດໂອໄຮໂອ.
ທ່ານ ກໍດອນ ເວົ້າວ່າ: “ກຸ່ມກະບົດ Chechen ໄດ້ສະແດງໃຫ້ເຫັນແລ້ວວ່າ
ພວກເຂົາເຈົ້າແນເປົ້າໝາຍໂຈມຕີໃສ່ ລົດໄຟ ເຮືອບິນ ການຂົນສົ່ງ ແລະ
ທາງຫຼວງສາຍຕ່າງໆ.”
ສະຖາບັນເຝິກອົບລົມວິຊາປົກປ້ອງນັກການທູດ ເປັນຜູ້ສະໜອງການຮັກສາຄວາມປອດໄພແກ່ພົນລະເຮືອນ ທີ່ທໍາງານ ຢູ່ໃນສະພາບແວດລ້ອມ ທີ່ມີໄພຂົ່ມຂູ່ ໃນລະດັບສູງ. ທ່ານ Gordon ເປັນຜູ້ຊ່ຽວຊານກ່ຽວກັບກຸ່ມກໍ່ການ ຮ້າຍ ຢູ່ເຂດ Caucasus ເໜືອ.
ທ່ານ ກໍດອນ ເວົ້າວ່າ: “ບໍ່ຕ້ອງສົງໄສເລີຍວ່າ ນັບຕັ້ງແຕ່ມີການປະກາດວ່າ
ເມືອງ Sochi ໄດ້ຖືກເລືອກໃຫ້ເປັນບ່ອນຈັດງານກິລາໂອລິມປິກລະດູໜາວ
ພວກເຂົາກໍໄດ້ສົ່ງໜ່ວຍຂອງພວກເຂົາ ເຂົ້າມາແຊກຊຶມເພື່ອກໍ່ການຮ້າຍຢູ່
ໃນ Sochi ໂດຍທັນທີ ແລະເພື່ອເປົ້າໝາຍດັ່ງກ່າວນັ້ນ ກໍມີທາງເປັນໄປໄດ້
ວ່າ ປະປົນຢູ່ກັບພວກຄົນງານຫຼືເຈົ້າໜ້າທີ່ກິລາໂອລີມປິກ ຕ້ອງມີຄົນທີ່ອາດ
ເປັນສ່ວນນຶ່ງ ຂອງໜ່ວຍກໍ່ການຂອງພວກເຂົາ ກໍໄດ້.”
![ສະຖານທີ່ແຂ່ງຂັນ ກິລາຕ່າງໆ ທີ່ Sochi]()
Photo Gallery:
ທ່ານ Glen Howard ປະຈໍາມູນນິທິ Jamestown ຊຶ່ງເປັນສະຖາບັນ ຄົ້ນຄວ້າແຫ່ງນຶ່ງ ທີ່ວໍຊິງຕັນດີຊີ ເວົ້າວ່າ ນັ້ນອາດໂຮມທັງ ຢູ່ໃນໝູ່ພວກຄົນງານກໍ່ສ້າງສະຖານທີ່ແຂ່ງຂັນກິລານໍາ ກໍໄດ້.
ທ່ານ ຮາວເວີດ ເວົ້າວ່າ: “ມີພວກກໍາມະກອນ ນຶ່ງແສນກວ່າຄົນ ຈາກທົ່ວທຸກຫົນ
ແຫ່ງໃນຣັດເຊຍ ທີ່ພາກັນມາທໍາງານກໍ່ສ້າງສະຖານທີ່ກິລາ ແລະຈາກເຂດເອເຊຍ
ກາງນໍາ. ມັນກໍເປັນໄປບໍ່ໄດ້ ທີ່ຈະພິສູດໄດ້ວ່າ ທຸກຄົນທີ່ເຮັດວຽກຢູ່ໃນເມືອງ Sochi ນັ້ນ ເປັນກໍາມະກອນທັງໝົດ ຫຼືວ່າເປັນອັນ ຕະລາຍດ້ານຄວາມປອດໄພ.”
ທ່ານ Von Gordon ເວົ້າວ່າ ພວກກໍ່ການຮ້າຍອາດຈະບໍ່ມີຮູບລັກສະນະກົງກັນກັບຮູບ ພາບ ທີ່ພວກເຮົາຫຼາຍໆຄົນເຄີຍເຫັນກັນ.
ທ່ານ ວອນ ກໍດອນ ເວົ້າຕື່ມວ່າ: “ເວລານີ້ ພວກເຮົາຊອກຫາແມ່ຍິງຄົນນຶ່ງ ທີ່ມີ
ຮູບຮ່າງສູງ ຜົມສີທອງ ຕາສີຟ້າ. ຕາມປະເພນີແລ້ວ ກຸ່ມກະບົດ Chechen
ໄດ້ໃຊ້ພວກແມ່ຍິງໜຸ່ມ ສ່ວນຫຼາຍຈະແມ່ນພວກແມ່ໝ້າຍທີ່ເປັນເມຍທະຫານ
ແຕ່ກໍຈະບໍ່ແມ່ນລັກສະນະແບບທີ່ກ່າວມານີ້ ສະເໝີໄປ.”
ທ່ານ ກໍດອນ ໝາຍເຖິງ ພວກທີ່ເອີ້ນກັນວ່າ ພວກແມ່ໝ້າຍສີດໍາ ຄື ແມ່ໝ້າຍຂອງພວກນັກລົບກະບົດ ທີ່ຖືກຂ້າຕາຍໄປແລ້ວນັ້ນ.
ວີດີໂອ: ພວກກໍ່ການຮ້າຍຈະສາມາດຜ່ານ ການຮັກສາຄວາມປອດໄພ ຢ່າງໜາແໜ້ນ ທີ່ໂຊຈິ ເຂົ້າໄປໄດ້ບໍ່?
ແຕ່ພວກຫົວຕໍ່ສູ້ເ ພື່ອແບ່ງແຍກດິນແດນ ຍັງໃຊ້ວິທີການ ໂຈມຕີແບບທົ່ວໄປຫຼາຍຂຶ້ນ ເຊັ່ນ ການຍຶດໂຮງຮຽນແຫ່ງນຶ່ງໃນປີ 2004 ທີ່ເມືອງ Beslan ທີ່ຍັງຜົນໃຫ້ພວກຕົວປະ ກັນເສຍຊີວິດໄປ 334 ຄົນ ຊຶ່ງຫຼາຍກວ່າເຄິ່ງນື່ງແມ່ນເດັກນ້ອຍ.
ທ່ານ ກໍດອນ ເວົ້າວ່າ: “ປະທານາທິບໍດີພູຕິນ ໄດ້ຕັ້ງສະຖານທີ່ແຂ່ງຂັນກິລາ ຢູ່ໃກ້ໆກັບເຂດ Caucasus ຊຶ່ງມັນເທົ່າກັບວ່າ ທ່ານພູຕິນ ທ້າຄົນ ພວກນັ້ນ ແລະນັ້ນກໍ
ກໍ່ໃຫ້ເກີດສະຖານະການທີ່ເປັນອັນຕະລາຍ ຍ້ອນວ່າບັດນີ້ເຂົາເຈົ້າມີໂອກາດ ມີແຮງຈູງໃຈ ມີສະຖານະການແບບທີ່ບໍ່ເຄີຍມີມາ ກ່ອນ ຄືບ່ອນທີ່ມີຄົນມາຈາກ
ທົ່ວທຸກມຸມໂລກ ຊຶ່ງເປັນພົນລະເຮືອນ ທີ່ມາເຂົ້າຮ່ວມໃນງານແຂ່ງຂັນ ທີ່ເປັນເຫດການທີ່ມີການປະຊາສໍາພັນ ໂຄສະນາເຜີຍແຜ່ກັນຢ່າງສູງ ງານນຶ່ງນັ້ນ.”
Juan Zarate ປະຈໍາສູນກາງສຶກສາດ້ານຍຸທະສາດ ແລະລະຫວ່າງຊາດ ເວົ້າວ່າ ທ່ານໄດ້ຫວັງວ່າ ຈະເຫັນມີການຮ່ວມໄມ້ຮ່ວມມືຈາກປະຊາຄົມນານາຊາດເປັນຢ່າງດີ ແຕ່ກໍປະກົດວ່າ ມັນກົງກັນຂ້າມ.
ທ່ານ Juan Zarate ເວົ້າວ່າ: “ເວລານີ້ ພວກເຈົ້າໜ້າທີ່ຣັດເຊຍເປັນຫ່ວງ ເລຶ່ອງ
ໄພຂົ່ມຂູ່ນີ້ ຫຼາຍຂຶ້ນນັບມື້ ແລະກໍເປັນຫ່ວງ ຢ້ານວ່າ ຜູ້ຄົນຈະຄິດວ່າ ມັນບໍ່ມີ
ຄວາມປອດໄພ ແລະເພາະສະນັ້ນເຂົາເຈົ້າຈຶ່ງບໍ່ຢາກປ່ອຍໃຫ້ໜ່ວຍບໍລິການ
ຄວາມປອດໄພ ຂອງສະຫະລັດແລະປະເທດອື່ນໆ ເຂົ້າມາຊ່ວຍ ໃນງານນີ້.”
ໃນຂະນະທີ່ຣັດເຊຍຕໍ່ສູ້ກັບການກໍ່ກະບົດຢ່າງນອງເລືອດ ຢູ່ບໍ່ໄກຈາກບ່ອນ ແຂ່ງຂັນໂອ
ລິມປິກເທົ່າໃດນັ້ນ ກໍເບິ່ງຄືວ່າ ທັງໂລກຈະຄອຍເບິ່ງວ່າ ແມ່ນຫຍັງຈະເກີດຂຶ້ນຢູ່ຕາມຖະໜົນຫົນທາງຂອງເມືອງ Sochi ນັ້ນ.
ທາງສະຫະລັດນັ້ນ ກໍໄດ້ໄດ້ສົ່ງເຮືອລົບ ໄປຍັງເຂດທະເລດໍາ ກຽມພ້ອມເພື່ອຊ່ວຍເຫຼືອ ໃນການອົບພະຍົບນັກກິລາແລະພົນລະເມືອງສະຫະລັດ ແລະປິ່ນປົວພວກໄດ້ຮັບບາດ ເຈັບ ໃນກໍລະນີທີ່ເກີດມີການໂຈມຕີຂຶ້ນ ເຖິງແມ່ນຣັດເຊຍບໍ່ຍອມອອກປາກຮ້ອງຂໍການ ຊ່ວຍເຫຼືອ ຢ່າງເປັນທາງການກໍຕາມ.
ເບິ່ງວີດີໂອ ສະຫະລັດກຽມຊ່ວຍເຫຼືອ ໃນກໍລະນີເກີດເຫດສຸກເສີນ ຢູ່ໂຊຈິ:
ເລີ່ມຂຶ້ນ ໃນອີກບໍ່ເທົ່າໃດມື້ ຄືວັນທີ 7 ເດືອນກຸມພານີ້ ແຕ່ໄພຂົ່ມ
ຂູ່ຈາກການກໍ່ການຮ້າຍນັ້ນ ກໍຍັງມີມາຢູ່ບໍ່ເຊົາ. ຄວາມກັງວົນອັນ
ໃຫຍ່ຫຼວງທີ່ສຸດ ກໍຄືເຂດ ພາກເໜືອ Caucasus ທີ່ເປັນເພື່ອນ
ບ້ານທາງທິດຕາເວັນອອກຂອງເມືອງ Sochi. ເຂດດັ່ງກ່າວເປັນ
ຖິ່ນຢູ່ອາໄສຂອງພວກຫົວແບ່ງແຍກດິນແດນ ທີ່ໄດ້ທໍາສົງຄາມຕໍ່
ສູ້ເອົາເອກະລາດ ຈາກຣັດເຊຍ ມາເປັນເວລາຫຼາຍປີ. ເຫດລະ
ເບີດຫຼາຍບັ້ນ ເມື່ອບໍ່ດົນມານີ້ ທີ່ເມືອງ Volgograd ທາງທິດ
ເໜືອຂອງ Sochi ຍັງຜົນໃຫ້ພວກນັກຊ່ຽວຊານທັງຫຼາຍຕ້ອງຢູ່
ໃນທ່າຕຽມລະວັງໄພ ໃນລະດັບສູງ. ຜູ້ສື່ຂ່າວວີໂອເອ Arash
Arabasadi ລາຍງານວ່າ ບາງຄົນຕັ້ງຄໍາຖາມຂຶ້ນມາວ່າ ເປັນ
ຫຍັງຈຶ່ງມາຈັດງານໂອລິມປິກລະດູໜາວ ຢູ່ໃກ້ເຂດຂອງພວກ
ຄົນທີ່ປະຕິຍານຕົນວ່າ ຈະຕໍ່ສູ້ກັບຣັດເຊຍຈົນຕາຍນັ້ນ. ທອງ
ປານ ຈະນໍາເອົາລາຍລະອຽດຂອງເລື່ອງນີ້ມາສະເໜີທ່ານ.
ເຖິງແມ່ນທາງການຣັດເຊຍໄດ້ໃຫ້ຄໍາສັນຍາວ່າ ຈະເພີ່ມການຮັກສາຄວາມ ປອດໄພໜາແໜ້ນຍິ່ງຂື້ນອີກກໍຕາມ ແຕ່ເມື່ອປະມານນຶ່ງເດືອນຜ່ານມາ ກໍ ໄດ້ເກີດເຫດການວາງລະເບີດສະຫຼະຊີບສອງບັ້ນ ທີ່ໄດ້ສັງຫານ 34 ຄົນ ທີ່ເມືອງ Volgograd ທີ່ຕັ້ງຢູ່ຫ່າງຈາກເມືອງ Sochi ໄປທາງທິດເໜືອ ປະມານ 700 ກິໂລແມັດ. ກຸ່ມຫົວອີສລາມໃນເຂດ Caucasus ເໜືອຂອງຣັດເຊຍ ໄດ້ອ້າງເອົາຄວາມຮັບຜິດຊອບຕໍ່ເຫດການໂຈມຕີດັ່ງກ່າວ ໃນວີດີໂອທີ່ເອົາລົງໃນເວັບໄຊ້ອີສລາມແຫ່ງນຶ່ງ.
ທ່ານ Ian Von Gordon ເປັນຜູ້ອໍານວຍການຝ່າຍປະຕິບັດການ ຂອງສະຖາບັນເຝິກອົບລົມວິຊາປົກປ້ອງນັກການທູດ ທີ່ເມືອງ Youngstown ລັດໂອໄຮໂອ.
ທ່ານ ກໍດອນ ເວົ້າວ່າ: “ກຸ່ມກະບົດ Chechen ໄດ້ສະແດງໃຫ້ເຫັນແລ້ວວ່າ
ພວກເຂົາເຈົ້າແນເປົ້າໝາຍໂຈມຕີໃສ່ ລົດໄຟ ເຮືອບິນ ການຂົນສົ່ງ ແລະ
ທາງຫຼວງສາຍຕ່າງໆ.”
ສະຖາບັນເຝິກອົບລົມວິຊາປົກປ້ອງນັກການທູດ ເປັນຜູ້ສະໜອງການຮັກສາຄວາມປອດໄພແກ່ພົນລະເຮືອນ ທີ່ທໍາງານ ຢູ່ໃນສະພາບແວດລ້ອມ ທີ່ມີໄພຂົ່ມຂູ່ ໃນລະດັບສູງ. ທ່ານ Gordon ເປັນຜູ້ຊ່ຽວຊານກ່ຽວກັບກຸ່ມກໍ່ການ ຮ້າຍ ຢູ່ເຂດ Caucasus ເໜືອ.
ທ່ານ ກໍດອນ ເວົ້າວ່າ: “ບໍ່ຕ້ອງສົງໄສເລີຍວ່າ ນັບຕັ້ງແຕ່ມີການປະກາດວ່າ
ເມືອງ Sochi ໄດ້ຖືກເລືອກໃຫ້ເປັນບ່ອນຈັດງານກິລາໂອລິມປິກລະດູໜາວ
ພວກເຂົາກໍໄດ້ສົ່ງໜ່ວຍຂອງພວກເຂົາ ເຂົ້າມາແຊກຊຶມເພື່ອກໍ່ການຮ້າຍຢູ່
ໃນ Sochi ໂດຍທັນທີ ແລະເພື່ອເປົ້າໝາຍດັ່ງກ່າວນັ້ນ ກໍມີທາງເປັນໄປໄດ້
ວ່າ ປະປົນຢູ່ກັບພວກຄົນງານຫຼືເຈົ້າໜ້າທີ່ກິລາໂອລີມປິກ ຕ້ອງມີຄົນທີ່ອາດ
ເປັນສ່ວນນຶ່ງ ຂອງໜ່ວຍກໍ່ການຂອງພວກເຂົາ ກໍໄດ້.”
ສະຖານທີ່ແຂ່ງຂັນ ກິລາຕ່າງໆ ທີ່ Sochi
ທ່ານ Glen Howard ປະຈໍາມູນນິທິ Jamestown ຊຶ່ງເປັນສະຖາບັນ ຄົ້ນຄວ້າແຫ່ງນຶ່ງ ທີ່ວໍຊິງຕັນດີຊີ ເວົ້າວ່າ ນັ້ນອາດໂຮມທັງ ຢູ່ໃນໝູ່ພວກຄົນງານກໍ່ສ້າງສະຖານທີ່ແຂ່ງຂັນກິລານໍາ ກໍໄດ້.
ທ່ານ ຮາວເວີດ ເວົ້າວ່າ: “ມີພວກກໍາມະກອນ ນຶ່ງແສນກວ່າຄົນ ຈາກທົ່ວທຸກຫົນ
ແຫ່ງໃນຣັດເຊຍ ທີ່ພາກັນມາທໍາງານກໍ່ສ້າງສະຖານທີ່ກິລາ ແລະຈາກເຂດເອເຊຍ
ກາງນໍາ. ມັນກໍເປັນໄປບໍ່ໄດ້ ທີ່ຈະພິສູດໄດ້ວ່າ ທຸກຄົນທີ່ເຮັດວຽກຢູ່ໃນເມືອງ Sochi ນັ້ນ ເປັນກໍາມະກອນທັງໝົດ ຫຼືວ່າເປັນອັນ ຕະລາຍດ້ານຄວາມປອດໄພ.”
ທ່ານ Von Gordon ເວົ້າວ່າ ພວກກໍ່ການຮ້າຍອາດຈະບໍ່ມີຮູບລັກສະນະກົງກັນກັບຮູບ ພາບ ທີ່ພວກເຮົາຫຼາຍໆຄົນເຄີຍເຫັນກັນ.
ທ່ານ ວອນ ກໍດອນ ເວົ້າຕື່ມວ່າ: “ເວລານີ້ ພວກເຮົາຊອກຫາແມ່ຍິງຄົນນຶ່ງ ທີ່ມີ
ຮູບຮ່າງສູງ ຜົມສີທອງ ຕາສີຟ້າ. ຕາມປະເພນີແລ້ວ ກຸ່ມກະບົດ Chechen
ໄດ້ໃຊ້ພວກແມ່ຍິງໜຸ່ມ ສ່ວນຫຼາຍຈະແມ່ນພວກແມ່ໝ້າຍທີ່ເປັນເມຍທະຫານ
ແຕ່ກໍຈະບໍ່ແມ່ນລັກສະນະແບບທີ່ກ່າວມານີ້ ສະເໝີໄປ.”
ທ່ານ ກໍດອນ ໝາຍເຖິງ ພວກທີ່ເອີ້ນກັນວ່າ ພວກແມ່ໝ້າຍສີດໍາ ຄື ແມ່ໝ້າຍຂອງພວກນັກລົບກະບົດ ທີ່ຖືກຂ້າຕາຍໄປແລ້ວນັ້ນ.
ວີດີໂອ: ພວກກໍ່ການຮ້າຍຈະສາມາດຜ່ານ ການຮັກສາຄວາມປອດໄພ ຢ່າງໜາແໜ້ນ ທີ່ໂຊຈິ ເຂົ້າໄປໄດ້ບໍ່?
ແຕ່ພວກຫົວຕໍ່ສູ້ເ ພື່ອແບ່ງແຍກດິນແດນ ຍັງໃຊ້ວິທີການ ໂຈມຕີແບບທົ່ວໄປຫຼາຍຂຶ້ນ ເຊັ່ນ ການຍຶດໂຮງຮຽນແຫ່ງນຶ່ງໃນປີ 2004 ທີ່ເມືອງ Beslan ທີ່ຍັງຜົນໃຫ້ພວກຕົວປະ ກັນເສຍຊີວິດໄປ 334 ຄົນ ຊຶ່ງຫຼາຍກວ່າເຄິ່ງນື່ງແມ່ນເດັກນ້ອຍ.
ທ່ານ ກໍດອນ ເວົ້າວ່າ: “ປະທານາທິບໍດີພູຕິນ ໄດ້ຕັ້ງສະຖານທີ່ແຂ່ງຂັນກິລາ ຢູ່ໃກ້ໆກັບເຂດ Caucasus ຊຶ່ງມັນເທົ່າກັບວ່າ ທ່ານພູຕິນ ທ້າຄົນ ພວກນັ້ນ ແລະນັ້ນກໍ
ກໍ່ໃຫ້ເກີດສະຖານະການທີ່ເປັນອັນຕະລາຍ ຍ້ອນວ່າບັດນີ້ເຂົາເຈົ້າມີໂອກາດ ມີແຮງຈູງໃຈ ມີສະຖານະການແບບທີ່ບໍ່ເຄີຍມີມາ ກ່ອນ ຄືບ່ອນທີ່ມີຄົນມາຈາກ
ທົ່ວທຸກມຸມໂລກ ຊຶ່ງເປັນພົນລະເຮືອນ ທີ່ມາເຂົ້າຮ່ວມໃນງານແຂ່ງຂັນ ທີ່ເປັນເຫດການທີ່ມີການປະຊາສໍາພັນ ໂຄສະນາເຜີຍແຜ່ກັນຢ່າງສູງ ງານນຶ່ງນັ້ນ.”
Juan Zarate ປະຈໍາສູນກາງສຶກສາດ້ານຍຸທະສາດ ແລະລະຫວ່າງຊາດ ເວົ້າວ່າ ທ່ານໄດ້ຫວັງວ່າ ຈະເຫັນມີການຮ່ວມໄມ້ຮ່ວມມືຈາກປະຊາຄົມນານາຊາດເປັນຢ່າງດີ ແຕ່ກໍປະກົດວ່າ ມັນກົງກັນຂ້າມ.
ທ່ານ Juan Zarate ເວົ້າວ່າ: “ເວລານີ້ ພວກເຈົ້າໜ້າທີ່ຣັດເຊຍເປັນຫ່ວງ ເລຶ່ອງ
ໄພຂົ່ມຂູ່ນີ້ ຫຼາຍຂຶ້ນນັບມື້ ແລະກໍເປັນຫ່ວງ ຢ້ານວ່າ ຜູ້ຄົນຈະຄິດວ່າ ມັນບໍ່ມີ
ຄວາມປອດໄພ ແລະເພາະສະນັ້ນເຂົາເຈົ້າຈຶ່ງບໍ່ຢາກປ່ອຍໃຫ້ໜ່ວຍບໍລິການ
ຄວາມປອດໄພ ຂອງສະຫະລັດແລະປະເທດອື່ນໆ ເຂົ້າມາຊ່ວຍ ໃນງານນີ້.”
ໃນຂະນະທີ່ຣັດເຊຍຕໍ່ສູ້ກັບການກໍ່ກະບົດຢ່າງນອງເລືອດ ຢູ່ບໍ່ໄກຈາກບ່ອນ ແຂ່ງຂັນໂອ
ລິມປິກເທົ່າໃດນັ້ນ ກໍເບິ່ງຄືວ່າ ທັງໂລກຈະຄອຍເບິ່ງວ່າ ແມ່ນຫຍັງຈະເກີດຂຶ້ນຢູ່ຕາມຖະໜົນຫົນທາງຂອງເມືອງ Sochi ນັ້ນ.
ທາງສະຫະລັດນັ້ນ ກໍໄດ້ໄດ້ສົ່ງເຮືອລົບ ໄປຍັງເຂດທະເລດໍາ ກຽມພ້ອມເພື່ອຊ່ວຍເຫຼືອ ໃນການອົບພະຍົບນັກກິລາແລະພົນລະເມືອງສະຫະລັດ ແລະປິ່ນປົວພວກໄດ້ຮັບບາດ ເຈັບ ໃນກໍລະນີທີ່ເກີດມີການໂຈມຕີຂຶ້ນ ເຖິງແມ່ນຣັດເຊຍບໍ່ຍອມອອກປາກຮ້ອງຂໍການ ຊ່ວຍເຫຼືອ ຢ່າງເປັນທາງການກໍຕາມ.
ເບິ່ງວີດີໂອ ສະຫະລັດກຽມຊ່ວຍເຫຼືອ ໃນກໍລະນີເກີດເຫດສຸກເສີນ ຢູ່ໂຊຈິ:
