ວັງ ເຄຣັມລິນ ໄດ້ອອກມາເຕືອນໃນວັນຈັນວານນີ້ວ່າ ການຕັດສິນໃຈຂອງປະ ທານາທິບໍດີ ໂຈ ໄບເດັນ ທີ່ອະນຸຍາດໃຫ້ ຢູເຄຣນ ໂຈມຕີເປົ້າໝາຍເຂົ້າໄປໃນ ຣັດເຊຍ ດ້ວຍລູກສອນໄຟໄລຍະໄກທີ່ສະໜອງໃຫ້ໂດຍ ສະຫະລັດ ຈະເປັນ ການເຕີມ “ນໍ້າມັນເຊື້ອໄຟ” ຕໍ່ສົງຄາມ ແລະ ຈະເປັນການເພີ້ມຄວາມເຄັ່ງຕຶງ ລະຫວ່າງປະເທດໃຫ້ສູງຂຶ້ນກວ່າເກົ່າ, ອີງຕາມລາຍງານຂອງອົງການຂ່າວ AP.
ການປ່ຽນແປງນະໂຍບາຍຂອງ ທ່ານ ໄບເດັນ ເປັນການເພີ້ມຄວາມບໍ່ແນ່ນອນ, ແລະ ປັດໃຈໃໝ່ຕໍ່ຄວາມຂັດແຍ້ງໃນຄືນກ່ອນວັນຄົບຮອບ 1,000 ມື້ ນັບຕັ້ງ ແຕ່ ຣັດເຊຍ ເລີ້ມຮຸກຮານຢ່າງເຕັມອັດຕາໃນປີ 2022.
ນອກຈາກນີ້ ຍັງມີເຫດການເກີດຂຶ້ນໃນຂະນະທີ່ລູກສອນໄຟຂີປະນາວຸດຂອງ ຣັດເຊຍ ໄດ້ຍິງໂຈມຕີໃສ່ບໍລິເວນພາກພື້ນ ຊູມີ ທີ່ຕັ້ງຢູ່ທາງພາກເໜືອຂອງ ຢູເຄຣນ ສົ່ງຜົນເຮັດໃຫ້ມີຜູ້ເສຍຊີວິດ 11 ຄົນ ແລະບາດເຈັບອີກ 84 ຄົນ. ກະຊວງພາຍໃນຂອງຢູເຄຣນກ່າວວ່າ ການໂຈມຕີດ້ວຍລູກສອນໄຟອີກແຫ່ງນຶ່ງ ໄດ້ເຮັດໃຫ້ເກີດໄຟໄໝ້ອາພາດທ໌ເມັນໃນເມືອງທ່າກໍາປັ່ນທີ່ຕັ້ງຢູ່ທາງພາກໃຕ້ຂອງປະເທດ ເຮັດໃຫ້ມີຜູ້ເສຍຊີວິດຢ່າງໜ້ອຍ 10 ຄົນ ແລະບາດເຈັບອີກ 43 ຄົນ.
ວໍຊິງຕັນ ກຳລັງຜ່ອນຜັນຂໍ້ຈຳກັດກ່ຽວກັບສິ່ງທີ່ ຢູເຄຣນ ສາມາດໂຈມຕີດ້ວຍ ລະບົບລູກສອນໄຟຍຸດທະວິທີຂອງກອງທັບທີ່ຜະລິດໂດຍອາເມຣິກາ ຫຼື ATACMs, ອີງຕາມການກ່າວຂອງເຈົ້າໜ້າທີ່ສະຫະລັດ ຕໍ່ອົງການຂ່າວ AP ໃນວັນອາທິດແລ້ວນີ້, ລຸນຫຼັງ ສະຫະລັດ ຕັດສິນໃຈບໍ່ດໍາເນີນການດັ່ງກ່າວ ມາເປັນເວລາຫຼາຍເດືອນ ເນື່ອງຈາກມີຄວາມກັງວົນທີ່ບັນຫາຄວາມຂັດແຍ້ງ ຈະເພີ້ມຄວາມຮຸນແຮງຂຶ້ນ ແລະນໍາໄປສູ່ການປະທະກັນໂດຍກົງລະຫວ່າງ ຣັດເຊຍ ແລະ NATO.
ວັງ ເຄຣັມລິນ (Kremlin) ກໍໄດ້ອອກມາກ່າວປະນາມຢ່າງໄວວາ.
ໂຄສົກ ທ່ານ ດີມີທຣີ ເປສກອຟ (Dmitry Peskov) ກ່າວວ່າ “ມັນເປັນທີ່ແຈ່ມແຈ້ງວ່າ ລັດຖະບານທີ່ກໍາລັງພົ້ນຈາກຕໍາແໜ່ງໃນວໍຊິງຕັນ ຕັ້ງໃຈທີ່ຈະດໍາເນີນບາດກ້າວຕ່າງໆ, ແລະພວກເຂົາເຈົ້າກໍໄດ້ເວົ້າກ່ຽວກັບ ເລື່ອງນີ້ ເພື່ອສືບຕໍ່ເພີ້ມນໍ້າມັນໃສ່ໄຟ ແລະເຮັດໃຫ້ເກີດຄວາມເຄັ່ງຕຶງ ກ່ຽວກັບ ບັນຫາຄວາມຂັດແຍ້ງນີ້ຕື່ມອີກ.”
ທ່ານ ວາສຊີລີ ເນເບັນເຊຍ (Vassily Nebenzia) ເອກອັກຄະລັດຖະທູດ ຣັດເຊຍ ປະຈໍາອົງການສະຫະປະຊາຊາດ ກ່າວເພີ້ມເຕີມໃນກອງປະຊຸມ ສະພາຄວາມໝັ້ນຄົງສະຫະປະຊາຊາດ ໃນໂອການຄົບຮອບ 1,000 ວັນ ແຫ່ງສົງຄາມວ່າ ມົສກູ “ປະຫຼາດໃຈ” ທີ່ຜູ້ນຳຂອງ ອັງກິດ ແລະ ຝຣັ່ງ “ມີຄວາມກະຕືລືລົ້ນທີ່ຈະເຂົ້າຂ້າງຝ່າຍລັດຖະບານທີ່ກໍາລັງພົ້ນຈາກຕຳແໜ່ງ ແລະບໍ່ພຽງແຕ່ຈະດຶງປະເທດຂອງພວກເຂົາເທົ່ານັ້ນ, ແຕ່ລວມທັງບັນດາປະ ເທດຕ່າງໆທງໝົດໃນ ຢູໂຣບ ເຂົ້າສູ່ສະຖານະການທີ່ເຄັ່ງຕຶງ ອັນຈະສົ່ງຜົນ ຕາມມາທີ່ຮ້າຍແຮງອີກດ້ວຍ.
ອ່ານຂ່າວດ້ານລຸ່ມນີ້ເປັນພາສາອັງກິດ
The Kremlin warned Monday that President Joe Biden’s decision to let Ukraine strike targets inside Russia with U.S.-supplied longer-range missiles adds “fuel to the fire” of the war and would escalate international tensions even higher.
Biden’s shift in policy added an uncertain, new factor to the conflict on the eve of the 1,000-day milestone since Russia began its full-scale invasion in 2022.
It also came as a Russian ballistic missile with cluster munitions struck a residential area of Sumy in northern Ukraine, killing 11 people and injuring 84 others. Another missile barrage sparked apartment fires in the southern port of Odesa, killing at least 10 people and injuring 43, Ukraine’s Interior Ministry said.
Washington is easing limits on what Ukraine can strike with its American-made Army Tactical Missile System, or ATACMs, U.S. officials told The Associated Press on Sunday, after months of ruling out such a move over fears of escalating the conflict and bringing about a direct confrontation between Russia and NATO.
The Kremlin was swift in its condemnation.
“It is obvious that the outgoing administration in Washington intends to take steps, and they have been talking about this, to continue adding fuel to the fire and provoking further escalation of tensions around this conflict,” spokesman Dmitry Peskov said.
Russia's U.N. Ambassador Vassily Nebenzia went further at a U.N. Security Council meeting marking 1,000 days of war, saying Moscow is “astounded” that the leaders of Britain and France "are eager to play into the hands of the exiting administration and are dragging not just their countries but the entire Europe into large-scale escalation with drastic consequences."
ຟໍຣັມສະແດງຄວາມຄິດເຫັນ