ຣັດເຊຍ ປາກິສຖານ ແລະຈີນຈະສົນທະນາກັນຮອບທີສາມ ກ່ຽວກັບການປະເຊີນ
ໜ້າກັບການກໍ່ການຮ້າຍ ທີ່ນະຄອນມົສກູໃນວັນທີ 27 ທັນວ່າຈະມາເຖິງນີ້ ໂດຍ
ສະເພາະ ເນັ້ນໜັກໃສ່ຄວາມວຸ້ນວາຍທີ່ເກີດຂຶ້ນໃນອັຟການິສຖານ.
ເອກອັກຄະລັດຖະທູດຣັດເຊຍທີ່ນະຄອນ Islamabad ທ່ານ Alexey Dedov ໄດ້
ເປີດເຜີຍລາຍລະອຽດຢູ່ໃນການສຳພາດທາງວິທະຍຸ ຂອງລັດຖະບານປາກິສຖານ.
ທ່ານກ່າວວ່າ ນີ້ຈະເປັນການປະຊຸມເທື່ອທີສາມຂອງ “ການປະຕິບັດງານສາມຝ່າຍ
ກ່ຽວກັບອັຟການິສຖານ” ຫລັງຈາກການປະຊຸມທີ່ນະຄອນປັກກິ່ງ ແລະ Islamabad.
ທ່ານ Dedov ໄດ້ໃຫ້ຂໍ້ສັງເກດວ່າ “ອັນທີ່ພວກເຮົາເຫັນຢູ່ໃນອັຟການິສຖານ ໂຊກບໍ່ດີ
ທີ່ມີຄວາມເປັນຫ່ວງເພາະວ່າ ບໍ່ໄດ້ນຳມາຕໍ່ຄວາມເປັນໄປໄດ້ແກ່ພວກເຮົາ. ມີການຂາດສ່ວນປະກອບທີ່ສຳຄັນສາມຢ່າງກໍຄື ຄວາມຖຸ່ນທ່ຽງກູ້ມຕົນເອງທາງເສດຖະກິດ ການປົກຄອງທີ່ດີ ແລະກຳລັງທະຫານທີ່ເຂັ້ມແຂງ.”
ບັນດາເຈົ້າໜ້າທີ່ ປາກິສຖານ ຣັດເຊຍ ແລະຈີນເນັ້ນໜັກວ່າ ຄວາມລົ້ມແຫລວດ້ານ
ຄວາມປອດໄພ ແລະການໂພໂຕຂຶ້ນມາທີ່ພົວພັນກັບລັດອິສລາມຢູ່ຂົງເຂດຊາຍແດນ
ຂອງອັຟການິສຖານ ໄດ້ຮຽກຮ້ອງໃຫ້ມີການປຶກສາຫາລືສາມຝ່າຍ ດ້ວຍແບບແຜນ
ທີ່ແນໃສ່ “ການຕ້ານຮ່າງການຈັດຕັ້ງກໍ່ການຮ້າຍຢູ່ໃນຂົງເຂດ” ເພື່ອປະເຊີນໜ້າ
“ຜົນກະທົບຂອງການລົ້ນເຂົ້າມາ” ຂອງການກໍ່ການຮ້າຍ.
ພວກຫົວຮຸນແຮງ Taliban ໃນປີທີ່ຜ່ານມາໄດ້ເປີດສົງຄາມແນວໜ້າໃໝ່ຕ້ານ ກຳລັງຮັກ
ສາຄວາມປອດໄພອັຟການິສຖານຢູ່ໃນຫລາຍແຂວງທາງພາກເໜືອ ທີ່ຕິດກັບອະດີດໂຊຫວຽດເອເຊຍກາງ.
ມົສກູມີຄວາມເປັນຫ່ວງວ່າ ການເພີ້ິມບໍ່ມີຄວາມປອດໄພຢູ່ພາກເໜືອຂອງອັຟການິສຖານຈະຊັກຊວນໃຫ້ IS ສົ່ງອອກການກໍ່ການຮ້າຍມາສູ່ຣັດເຊຍ ແລະຈີນ ຜ່ານທາງຂົງເຂດເອເຊຍກາງ.