ປະເທດ ໄທ ກຳລັງກາຍມາເປັນນຶ່ງໃນແຫຼ່ງສະໜອງຊິ້ນສ່ວນເຄື່ອງຈັກ ແລະ ອຸປະກອນຄອມພິວເຕີຫຼັກໃຫ້ແກ່ ຣັດເຊຍ ທີ່ມີຄວາມເປັນໄປໄດ້ສຳລັບການນຳໄປໃຊ້ໃນການທະຫານ ໂດຍມີບໍລິສັດໃນປະເທດຈຳນວນຫຼາຍຂຶ້ນທີ່ຖືກກ່າວຫາວ່າ ຊ່ວຍໃຫ້ມົສກູ ຫຼີກລ່ຽງການຄວບຄຸມການສົ່ງອອກຂອງປະເທດຕາເວັນຕົກ ຊຶ່ງມີຈຸດມຸ່ງໝາຍເພື່ອທຳລາຍສົງຄາມຂອງຕົນກັບ ຢູເຄຣນ ນັ້ນ.
ນັບຕັ້ງແຕ່ການບຸກລຸກ ຢູເຄຣນ ເຕັມອັດຕາຂອງ ຣັດເຊຍ ໃນເດືອນກຸມພາ 2022, ສະຫະລັດ ໄດ້ວາງມາດຕະການລົງໂທດຕໍ່ 7 ບໍລິສັດໃນ ໄທ ສຳລັບການສົ່ງອອກ “ວັດຖຸບູລິມະສິດສູງ” ໄປ ຣັດເຊຍ, ໂດຍຄັ້ງຫຼ້າສຸດເກີດຂຶ້ນໃນເດືອນທັນວາ ທີ່ຜ່ານມາ.
ຂໍ້ມູນການຄ້າທີ່ຖືກເປີດເຜີຍໂດຍ ບໍລິສັດ S&P Global, ເຊິ່ງແມ່ນບໍລິສັດການວິເຄາະ ແລະ ການບໍລິການດ້ານການເງິນ ທີ່ມີຫ້ອງການຕັ້ງຢູ່ລັດ ນິວຢອກ, ຍັງໄດ້ສະແດງໃຫ້ເຫັນການເພີ່ມຂຶ້ນໃນການສົ່ງອອກທີ່ວ່ານີ້ຢ່າງຫຼວງຫຼາຍຈາກ ໄທ ນັບຕັ້ງແຕ່ປີ 2022.
ປະເທດ ໄທ ໄດ້ຫຼີກລ່ຽງການກ່າວເຖິງ ເມື່ອກະຊວງການເງິນ ແລະ ການຄ້າຂອງ ສະຫະລັດ ເລີ່ມເຕືອນໃນໄລຍະກາງປີ 2023 ວ່າ ມີປະເທດທີສາມຖືກໃຊ້ເພື່ອສົ່ງສິນຄ້າທີ່ມີຄວາມສຳຄັນສູງໄປຍັງ ຣັດເຊຍ ເພື່ອເປັນວິທີການຫຼີກລ່ຽງການຄວບຄຸມການສົ່ງອອກຂອງປະເທດຕາເວັນຕົກ.
ທ່ານ ບາຍຣອນ ແມັກຄິນນີ, ຜູ້ຊ່ຽວຊານດ້ານຄວາມສ່ຽງຂອງມາດຕະການລົງໂທດ ແລະ ຕ່ອງໂສການສະໜອງສິນຄ້າຢູ່ພະແນກຂໍ້ມູນລັບຕະຫຼາດໂລກ S&P ໄດ້ກ່າວຕໍ່ວີໂອເອ ກ່ຽວກັບ ການຄົ້ນຄວ້າຂອງທີມທ່ານວ່າ “ສະນັ້ນ, ມັນໜ້າປະຫຼາດໃຈທີ່ໄດ້ເຫັນເຂົາເຈົ້າ, ດັ່ງກັບປະເທດໃໝ່ ຫຼື ສະຖານທີ່ໃໝ່ເຊິ່ງໄດ້ມີສ່ວນຮ່ວມໃນການນຳສົ່ງສິນຄ້າປະເພດນີ້.”
ທ່ານ ແມັກຄິນນີ ກ່າວວ່າ ຕ່ອງໂສການສະໜອງສິນຄ້າທີ່ຖືກມາດຕະການລົງໂທດແມ່ນ “ໜ້ອຍດຽວຄືກັບນ້ຳໃນກະແສນ້ຳ, ຖ້າເຈົ້າພະຍາຍາມເຮັດເຂື່ອນຢູ່ບ່ອນນຶ່ງ, ມັນຈະພະຍາຍາມ ແລະ ເຄື່ອນໄປມາ. ສະນັ້ນ, ປະເທດ ໄທ ແມ່ນຂ້ອນຂ້າງປະກົດເປັນແນວນີ້, ດັ່ງກັບປະເທດເຊິ່ງບໍ່ແມ່ນຢູ່ຫັ້ນໂດຍດັ້ງເດີມສຳລັບການຂົນສົ່ງຂ້າມ ຫຼື ຂົນສົ່ງສິນຄ້າພວກນີ້ ແຕ່ໄດ້ປະກົດຕົວໃນເວລາຕໍ່ມາ.”
ພາຍໃນບໍ່ເທົ່າໃດວັນຂອງການບຸກລຸກໃນປີ 2022, ກະຊວງການຄ້າ ສະຫະລັດ ໄດ້ກຳນົດການຄວບຄຸມການສົ່ງອອກຕໍ່ວັດຖຸທີ່ເປັນບູລິມະສິດຫຼາຍສິບຢ່າງທີ່ເຂົາເຈົ້າກ່າວວ່າ ຣັດເຊຍ ຕ້ອງການທີ່ສຸດ “ເພື່ອຮັກສາການໂຈມຕີທີ່ໂຫດຮ້າຍໃສ່ ຢູເຄຣນ,” ນັບຈາກລູກປືນເຖິງໄມໂຄຣຊິບ. ສິ່ງດັ່ງກ່າວນີ້ເປັນທີ່ຮູ້ຈັກໂດຍທົ່ວໄປດັ່ງກັບສິນຄ້າທີ່ຖືກໃຊ້ສອງຢ່າງ ສຳລັບຄວາມເປັນໄປໄດ້ຂອງມັນທີ່ຈະຖືກໃຊ້ຕໍ່ທັງພົນລະເຮືອນ ແລະ ການທະຫານ.
ອ່ານຂ່າວນີ້ເປັນພາສາອັງກິດ
Thailand is emerging as one of Russia’s main pipelines for machine and computer parts with the potential for military use, with a growing number of local companies accused of helping Moscow evade Western export controls meant to cripple its war on Ukraine.
Since Russia’s full-scale invasion of Ukraine in February 2022, the United States has imposed sanctions on seven companies in Thailand for exporting these “high priority items” to Russia, the last of them in December.
Trade data published last year by S&P Global, a financial analytics and services firm based in New York, also show a huge spike in these exports out of Thailand since 2022.
Thailand eluded mention when the U.S. Treasury and Commerce departments started warning in mid-2023 of third countries being used to funnel high priority items to Russia as a way of skirting the West’s export controls.
“So, it was a surprise to see them … as a new country or a new location which had been involved in this type of goods transaction,” Byron McKinney, a sanctions risk and supply chain expert at S&P Global Market Intelligence, told VOA of his team’s research.
Supply chains hit by sanctions, McKinney said, are “a little like water in a stream — if you try damming in one place, it will try and move around. So, Thailand kind of appeared in this way, as a country which wasn’t there originally for the transshipment or transit of these goods but has appeared later on.”
Within days of the 2022 invasion, the U.S. Commerce Department placed export controls on dozens of high priority items it said Russia needed most “to sustain its brutal attack on Ukraine,” from ball bearings to microchips. These are commonly known as dual-use goods for their potential to be put to both civilian and military use.
ຟໍຣັມສະແດງຄວາມຄິດເຫັນ