ນາຍົກລັດຖະມົນຕີຣັດເຊຍ ກ່າວວ່າ ການກ່າວຫາວ່າປະເທດ
ຂອງທ່ານ ຖິ້ມລະເບີດໃສ່ພົນລະເຮືອນຢູ່ໃນຊີເຣຍນັ້ນ ແມ່ນບໍ່
ເປັນຄວາມຈິງ.
ໃນການຖະແຫຼງທີ່ກອງປະຊຸມຄວາມໝັ້ນຄົງຢູ່ນະຄອນມິວນິກ
ໃນວັນເສົາມື້ນີ້ ທ່ານ Dmitry Medvedev ກ່າວວ່າ ບໍ່ມີຫລັກ
ຖານໃດໆສະແດງໃຫ້ເຫັນກ່ຽວກັບການຖິ້ມລະເບີດເລີຍ.
ທ່ານໃຫ້ຄວາມເຫັນດັ່ງກ່າວຫລັງຈາກນາຍົກລັດຖະມົນຕີຝຣັ່ງ
ທ່ານ Manuel Valls ຮຽກຮ້ອງໃຫ້ຣັດເຊຍຢຸດເຊົາການຖິ້ມລະ
ເບີດໃສ່ພົນລະເຮືອນຢູ່ໃນຊີເຣຍໂດຍເວົ້າວ່າມັນເປັນເລື້ອງສຳ
ຄັນເພື່ອໃຫ້ມີການບັນລຸການແກ້ໄຂແບບສັນຕິ.
ນາຍົກລັດຖະມົນຕີຣັດເຊຍ ແລະຝຣັ່ງ ແມ່ນຮວມຢູ່ໃນ ບັນດາຄະນະຜູ້ແທນ ຈາກຢູໂຣບ
ສະຫະລັດແລະຈາກປະເທດອື່ນໆປະຊຸມກັນຕື່ມອີກໃນວັນເສົາມື້ນີ້ໃນຄວາມພະຍາຍາມ
ເພື່ອຫາທາງຍຸຕິຄວາມຮຸນແຮງທີ່ດຳເນີນມາເປັນເວລາເກືອບຫ້າປີ ຢູ່ໃນປະເທດຊີເຣຍ.
ໃນມື້ວານນີ້ ບໍ່ເທົ່າໃດຊົ່ວໂມງຫລັງຈາກພວກຜູ້ນຳຂອງໂລກໄດ້ປະກາດກ່ຽວກັບຂໍ້ຕົກລົງ
ທີ່ກອງປະຊຸມເພື່ອຊຸກຍູ້ໃຫ້ມີການຍຸຕິການເປັນປໍລະປັກກັນຢູ່ໃນຊີເຣຍພາຍໃນເວລານຶ່ງ
ອາທິດຊຶ່ງການຕົກລົງດັ່ງກ່າວນີ້ແມ່ນພວມຈະໄດ້ຮັບການທົດສອບ.
ໃນການໃຫ້ສຳພາດທີ່ພິມເຜີຍແຜ່ໃນວັນສຸກວານນີ້ ປະທານາທິບໍດີຊີເຣຍ ທ່ານ Bashar
al-Assad ກ່າວຕໍ່ອົງການຂ່າວຝຣັ່ງວ່າ ກຳລັງຂອງທ່ານ ມີແຜນການ ທີ່ຈະເຂົ້າຍຶດເອົາ
ເຂດຕ່າງໆ ໃນທົ່ວປະເທດຄືນ ຊຶ່ງໄດ້ພາໃຫ້ ມີຄວາມສົງໄສເພີ້ມຕື່ມ ກ່ຽວກັບຄວາມໝັ້ນ ໝາຍຂອງພັກຝ່າຍຕ່າງໆ ທີ່ຈະຍຸຕິບັນຫາຂັດແຍ້ງນີ້.
ທ່ານ Assad ເວົ້າວ່າ ການເຂົ້າຍຶດເອົາເຂດຕ່າງໆ ໃນທົ່ວປະເທດຄືນ ອາດຈະໃຊ້ເວລາ
ດົນນານ. ປະທານາທິບໍດີຊີເຣຍກ່າວວ່າ ທ່ານສະໜັບສະໜຸນການດຳເນີນຄວາມພະຍາ ຍາມເພື່ອສ້າງສັນຕິພາບແຕ່ກໍເຕືອນວ່າ ການເຈລະຈາບໍ່ໄດ້ໝາຍຄວາມວ່າ ພວກເຮົາຈະ
ຢຸດເຊົາການປາບປາມພວກກໍ່ການຮ້າຍ.
