ບັນດາຜູ້ຊອກຄົ້ນຫາ ກ່າວວ່າ ເຂົາເຈົ້າຈະໃຊ້ອຸບປະກອນ
ຊອກຄົ້ນຫາໄຕ້ພື້ນນໍ້າ ເພື່ອກູ້ເອົາຊາກສົບ ແລະຊາກຫັກພັງ
ຂອງເຮືອບິນໂດຍສານ ຂອງສາຍການບິນ AirAsia ທີ່ປະ
ສົບອຸບັດຕິເຫດຕົກນັ້ນ ຂຶ້ນມາ ຫຼັງຈາກສະພາບອາກາດດີ
ຂື້ນມາໜ້ອຍນຶ່ງ ໃນວັນສຸກມື້ນີ້.
ບັນດາເຈົ້າໜ້າທີ່ ອິນໂດເນເຊຍ ກ່າວວ່າ 16 ສົບໄດ້ຖືກກູ້
ຂຶ້ນມາແລ້ວ ມາເຖິງ ປັດຈຸບັນນີ້ ຫລັງຈາກໄດ້ພົບເຫັນ
ຫລາຍສົບໃນວັນສຸກມື້ນີ້. ເຮືອບິນລຳນີ້ບັນທຸກຜູ້ໂດຍສານ
ແລະລູກເຮືອ 162 ຄົນ ເວລາເຮືອບິນຫາຍສາບສູນໄປຈາກ
ຈໍເຣດາ ໃນວັນອາທິດທີ່ຜ່ານມາ.
ມອບສົບ ຜູ້ເຄາະຮ້າຍ AsiaAir ໃຫ້ຄອບຄົວ
ສະພາບດິນຟ້າອາກາດປັ່ນປ່ວນ ໄດ້ເປັນອຸບປະສັກຕໍ່ການຊອກຄົ້ນຫາຊາກຫັກ ພັງສ່ວນ
ສຳຄັນຂອງເຮືອບິນ Airbus A320 ໂດຍຂັດຂວາງບໍ່ໃຫ້ພວກມະນຸດກົບມຸດລົງໄປເຖິງ
ພື້ນທະເລໃນລະຫວ່າງ 30 ຫາ 50 ແມັດເພື່ອຊອກຫາວັດຖຸສີດຳ ຂະໜາດໃຫຍ່ ທີ່
ໂຊນ້າຈັບໄດ້ນັ້ນ.
ບັນດານັກພະຍາກອນອາກາດທຳນາຍວ່າ ອາດຈະມີຝົນຕົກໜັກ ແລະລົມແຮງ ໄປຈົນ
ເຖິງວັນອາທິດຈະມານີ້.
ເຈົ້າໜ້າທີ່ອິນໂດເນເຊຍຄົນນຶ່ງໄດ້ເຕືອນວ່າ ມັນອາດຈະໃຊ້ເວລາເຖິງນຶ່ງອາທິດກ່ອນທີ່
ເຮືອບິນ ແລະເຄື່ອງບັນທຶກສຽງທີ່ສຳຄັນຈາກຫ້ອງຄົນຂັບແລະເຄື່ອງບັນ ທຶກຂໍ້ມູນການ
ບິນ ຈະພົບເຫັນ ຢູ່ໃນທະເລ Java ໃກ້ກັບເກາະ Borneo.
ກອງທັບເຮືອທີ 7 ຂອງສະຫະລັດ ໄດ້ປະກາດໃນວັນສຸກມື້ນີ້ວ່າ ຕົນໄດ້ສົ່ງກຳປັ່ນລຳທີສອງ ໄປຍັງຂົງເຂດທີ່ມີການຊອກຄົ້ນຫາ ບ່ອນທີ່ກຳປັ່ນລົບ USS Sampson ພວມປະ
ຕິບັດງານໃຫ້ການຊ່ວຍເຫລືອຢູ່ນັ້ນ. ເຖິງແມ່ນວ່າ ກຳປັ່ນລົບ USS Fort Worth ຍັງບໍ່
ທັນມີໜ້າທີ່ເຂົ້າຮ່ວມໃນຄວາມພະຍາຍາມຊອກຫາ ແຕ່ຈະຢູ່ລໍຖ້າໃນກໍລະນີທີ່ມີຄວາມ
ຕ້ອງການຈາກ ລັດຖບານອິນໂດເນເຊຍ. ກຳປັ່ນລົບ USS Sampson ໄດ້ພົບເຫັນສອງ
ສົບ ໃນວັນພະຫັດວານນີ້.
