ລິ້ງ ສຳຫລັບເຂົ້າຫາ

ວັນຈັນ, ໒໗ ພຶດສະພາ ໒໐໒໔

ວັນຈັນມື້ນີ້ ເປັນວັນທີ່ຍັງເລືອກບໍ່​ໄດ້​ໃນ ສະຫະລັດ: ເຊິ່ງ​ແມ່ນວັນ​ສັນ​ລະ​ເສີນທ່ານ ໂຄລຳບັສ ຫລືຄົນພື້ນເມືອງ?


ຊາວເຜົ່າອິນເດຍ ນໍາພາຜູ້ເຂົ້າຮ່ວມຟ້ອນ ລະຫວ່າງການເຕົ້າໂຮມວັນຄົນພື້ນເມືອງ ຢູ່ສວນອຸດທະຍານ Penn Treaty Park ໃນນະຄອນ ຟີລາແດນເຟຍ, ວັນຈັນ ທີ 11 ຕຸລາ 2021
ຊາວເຜົ່າອິນເດຍ ນໍາພາຜູ້ເຂົ້າຮ່ວມຟ້ອນ ລະຫວ່າງການເຕົ້າໂຮມວັນຄົນພື້ນເມືອງ ຢູ່ສວນອຸດທະຍານ Penn Treaty Park ໃນນະຄອນ ຟີລາແດນເຟຍ, ວັນຈັນ ທີ 11 ຕຸລາ 2021

ວັນຈັນມື້ນີ້ແມ່ນວັນໂຄລຳບັສ ຢູ່ໃນສະຫະລັດ. ມັນຍັງເປັນວັນ​ທີ່ຫລາຍໆຄົນ ໃນ​ປັດ​ຈຸ​ບັນ​ນີ້​ສະ​ເຫຼີມສະຫລອງດັ່ງ​ກັບວັນຄົນພື້ນເມືອງ.

ວັນໂຄລຳບັສ ໄດ້ເປັນວັນພັກລັດ​ຖະບານ​ກາງມາຕັ້ງແຕ່ປີ 1937, ເພື່ອໃຫ້ກຽດແກ່ທ່ານ ຄຣິສໂຕເຟີ ໂຄລຳບັສ, ຜູ້​ທີ່​ຖືກ​ເອີ້ນ​ວ່າໄດ້ຄົ້ນພົບອາເມຣິກາ.

ຫລາຍໆຄົນໂດຍສະເພາະຄົນພື້ນເມືອງອາເມຣິກັນ ໄດ້ຖືເປັນການດູໝິີ່ນທີ່ວ່າ ທ່ານ ໂຄລຳບັສ ໄດ້ຄົ້ນພົບອາເມຣິກາ, ໃນ​ເມື່ອ​ມັນ​ໄດ້ຖືກສ້າງຕັ້ງຂຶ້ນແລ້ວ ແລະ ມີ​ປະ​ຊາ​ຊົນ​ທີ່​ຈະ​ເລີນ​ຮຸ່ງ​ເຮືອງ ແລະ ສີ​ວິ​ໄລ​ຢູ່​ໃນ​ທະ​ວີບ​ອາ​ເມ​ຣິ​ການີ້.

ທ່ານ ລີ​ໂອ ຄິວສແບັກ ສາສະດາ ກ່ຽວ​ກັບ ການສຶກ​ສາ​ຊົນ​ເຜົ່າ ອິນເດຍອາເມຣິກັນ ຢູ່ມະຫາວິທະຍາໄລລັດອາຣີິໂຊນາ ກ່າວ​ວ່າ “ວັນໂຄລຳບັສ ບໍ່ພຽງແຕ່ເປັນວັນພັກ, ມັນສະແດງເຖິງປະຫວັດສາດ ກ່ຽວ​ກັບ ການ​ຕັ້ງ​ອາ​ນາ​ນິ​ຄົມ​ທີ່​ຮຸນ​ແຮງໃນ​ຊີ​ກໂລກຕາເວັນຕົກ” ຊຶ່ງຮວມມີທັງການເປັນຂ້າທາດ ແລະ ບັງຄັບຄົນພື້ນເມືອງໃຫ້ປ່່ຽນມານັບຖືສາສະໜາຄຣິສຕຽນ.

ອ່ານຂ່າວນີ້ເປັນພາສາອັງກິດ

XS
SM
MD
LG