ນາຍົກລັດຖະມົນຕີອິນເດຍ ທ່ານນາເຣັນດາ ໂມດີ ກ່າວຕໍ່ບັນດາສະມາຊິກສະ ພາສະຫະລັດໃນວັນພະຫັດວານນີ້ວ່າ ການເປັນພາຄີລະຫວ່າງສະຫະລັດແລະ ອິິນເດຍ ແມ່ນຢູ່ໃນຂອບເຂດ ຂອງການມີຫຼັກຄຸນຄ່າຮ່ວມ ໃນການອະພິປາຍດ້ວຍການໃຫ້ຄວາມນັບຖືຊຶ່ງກັນແລະກັນ ແລະປະຊາທິປະໄຕທີ່ເທົ່າທຽມກັນ.
“ສະຫະລັດແມ່ນເກົ່າແກ່ທີ່ສຸດ ແລະອິນເດຍ ແມ່ນປະຊາທິປະໄຕທີ່ໃຫຍ່ທີ່ສຸດ” ທີ່ທ່ານໂມດີ ໄດ້ກ່າວຄຳປາໄສຕໍ່ກອງປະຊຸມຢູ່ລັດຖະສະພາສະຫະລັດຄົບຄະນະ. “ການເປັນພາຄີຂອງພວກເຮົາເປັນໂອກາດທີ່ດີຕໍ່ອະນາຄົດຂອງປະຊາທິ ປະໄຕ.”
ບັນດາສະມາຊິກສະພາໄດ້ສັນລະເສີນຄຳປາໄສຂອງທ່ານໂມດີ ເປັນໂອກາດອັນສຳຄັນໄປສູ່ການສ້າງຕັ້ງຄວາມສຳພັນອັນໃກ້ຊິດກວ່າເກົ່າ ລະຫວ່າງສະຫະລັດ ແລະອິນເດຍ ເຖິງແມ່ນຍັງມີຄວາມເປັນຫ່ວງກ່ຽວກັບປະຫວັດສິດທິມະນຸດຂອງທ່ານໂມດີ.
“ພາຄີຂອງພວກເຮົາ ຊຶ່ງຂະຫຍາຍການຄ້າ ນະວັດຕະກຳ ເທັກໂນໂລຈີ ແລະຄວາມໝັ້ນຄົງບໍ່ເຄີຍໃກ້ຊິດກັນມາກ່ອນ ມີຄວາມເຂັ້ມແຂງມາກ່ອນຫລືມີຄວາມສຳຄັນຫລາຍຂຶ້ນ. ຈາກພື້ນຖານທີ່ເຂັ້ມແຂງນີ ທຸກສິ່ງຢ່າງແມ່ນເປັນໄປໄດ້. ຂ້າພະເຈົ້າເບິ່ງໄປໜ້າເພື່ອເພີ້ມທະວີຄວາມສຳພັນທາງດ້ານເສດຖະກິດ ແລະຄວາມໝັ້ນຄົງແຫ່ງຊາດ ລະຫວ່າງສອງປະເທດ ທີ່ຍິ່ງໃຫຍ່ຂອງພວກເຮົາ” ປະທານສະພາຕໍ່າ ທ່ານແຄວິນ ແມັກຄາທີ ກ່າວຫລັງຈາກທ່ານໂມດີ ກ່າວຄຳປາໄສ.
ທ່ານໂມດີກ່າວຕໍ່່ບັນດາສະມາຊິກສະພາວ່າ ການເຕີບໂຕເສດຖະກີດຢ່າງວ່ອງ ໄວຂອງອິນເດຍ ທີ່ຜັກດັນໂດຍພວກແມ່ຍິງ ໄດ້ນຳພາການພັດທະນາ ແລະນະວັດຕະກຳທາງເທັກໂນໂລຈີ ຂອງພວກຄົນລຸ້ນໃໝ່ທີ່ໜຸ່ມນ້ອຍກ່ອນ. ທ່ານຍັງໄດ້ກ່າວວ່າ ການນອງເລືອດ ແລະຄວາມທຸກທໍລະມານຢູ່ໃນຢູເຄຣນ ຕ້ອງໄດ້
ຍຸຕິລົງ ແລະເນັ້ນໜັກເຖິງຄວາມສຳຄັນຂອງ “ເຂດອິນໂດປາຊີຟິກ ທີ່ເສລີແລະ
ເປີດກວ້າງ ທີ່ເຊື່ອມໂຍງໂດຍທາງທະເລທີ່ປອດໄພ.”
ຜູ້ນຳສຽງສ່ວນນ້ອຍໃນສະພາສູງ ທ່ານມິດ ແມັກຄໍແນລ ກ່າວຢູ່ໃນຖະແຫລງ ການ ຫລັງຈາກກອງປະຊຸມກັບທ່ານໂມດີວ່າ “ອິນເດຍແລະສະຫະລັດແບ່ງປັນ ຫລາຍກວ່າໄປກວ່າການຄ້າທີ່ເຂັ້ມແຂງ ແລະພື້ນຖານຫຼັກຄຸນຄ່າ. ພວກເຮົາມີຜົນປະໂຫຍດຮ່ວມ ໃນການປົກປັກຮັກສາ ໃຫ້ເຂດອິນໂດປາຊິຟິກ ມີເສລີແລະເປີດກວ້າງ ແລະພວກເຮົາປະເຊີນໜ້າການທ້າຍທ້າຍອັນດຽວກັນ. ອິນເດຍເຂົ້າ ໃຈໃນການປະພຶດທີ່ມັກເກາະຜິດຂອງຈີນດ້ວຍຕົນເອງ.”
ທ່ານໂມດີ ຢຸດເຊົາ ໃນລະຫວ່າງທີ່ທ່ານກ່າວຄຳປາໄສ ຊຶ່ງໄດ້ຖືກຕ້ອນຮັບໂດຍສຽງຮ້ອງໂຮສະໜັບສະໜູນ “ໂມດີ ໂມດີ ໂມດີ ຈາກບັນດາຜູ້ຢ້ຽມຢາມທີ່ເຕັມ