Ville Suave ທ່ານເຄີຍໄດ້ຍິນກ່ຽວກັບເມືອງດັ່ງກ່າວນີ້ ມາ
ກ່ອນບໍ? ອາດຈະບໍ່ໄດ້ຍິນ ເພາະວ່າ ມັນເປັນເມືອງໂຕຢ່າງ
ນ້ອຍໆ ທີ່ຫາກໍຊະນະໃນການປະກວດແຂ່ງຂັນ ເມືອງ STEM
ໃນອະນາຄົດປະຈຳປີ. STEM ໝາຍຄວາມວ່າ ວິທະຍາສາດ
ເທັກໂນໂລຈີ ວິສະວະກຳ ແລະ ຄະນິດສາດ ຊຶ່ງເປັນແນວທາງ
ວິຊາອາຊີບທີ່ການແຂ່ງຂັນຫວັງວ່າ ຈະຊຸກຍູ້ໃຫ້ບັນດາຊາວ
ໜຸ່ມພາກັນດຳເນີນຕໍ່ໄປ. ກະຊວງສຶກສາສະຫະລັດ ກ່າວວ່າມີຊາວອາເມຣິກັນບໍ່ຫລາຍ
ທີ່ພາກັນຕັດສິນໃຈຮຽນວິຊາ STEM ນີ້. ແຕ່່ດັ່ງທີ່ Alberto Pimienta ລາຍງານມາ ການແຂ່ງຂັນດັ່ງກ່າວ ແມ່ນໄດ້ພົວພັນ ຫລາຍໄປກວ່າ ຄະນິດສາດ ແລະວິທະຍາສາດ
ຊຶ່ງ ກິ່ງສະຫວັນ ຈະນຳເອົາລາຍລະອຽດມາສະເໜີທ່ານ.
ບັນດາເມືອງນ້ອຍໆ ພວກເມືອງນ້ອຍໆໃນອະນາຄົດເຫລົ່ານີ້ແມ່ນອອກແບບໂດຍບັນ
ດານັກຮຽນມັດທະຍົມຕົ້ນ.
ນີ້ແມ່ນການແຂ່ງຂັນກ່ຽວກັບ ເມືອງໃນອະນາຄົດ.
ບັນດານັກຮຽນ ຈາກໂຮງຮຽນຕ່າງໆພັນສາມຮ້ອຍແຫ່ງ ໄດ້ພາກັນສ້າງພວກເມືອງຕົວ
ຢ່າງເຫຼົ່ານີ້ຂຶ້ນມາ. ມີພຽງແຕ່ 37 ໂຮງຮຽນເທົ່ານັ້ນ ໄດ້ເຂົ້າຮອບສຸດທ້າຍ ທີ່ໄດ້ຈັດຂື້ນ ຢູ່ນະຄອນຫລວງວໍຊິງຕັນ ໃນອາທິດທີ່ຜ່ານມາ.
ການແຂ່ງຂັນເມືອງໃນອະນາຄົດປະຈຳປີ ທ້າທາຍຕໍ່ພວກນັກຮຽນ ໃຫ້ເຂົາເຈົ້າອອກແບບ
ເມືອງໆໜຶ່ງແລະຊອກຫາທາງແກ້ໄຂບັນຫາທີ່ຍືນຍົງ. ປີນີ້ແມ່ນກ່ຽວ ກັບ ການຄຸ້ມຄອງສິ່ງ
ເສດເຫຼືອທີ່ໃຊ້ການບໍ່ໄດ້ຕ່າງໆ.
ການແຂ່ງຂັນດັ່ງກ່າວມີຄວາມຫວັງທີ່ຈະເຮັດໃຫ້ພວກນັກຮຽນພາກັນຕື່ນຕົວ ສົນໃຈໃນ
ວິຊາອາຊີບ STEM.
ແຕ່ສຳລັບບັນດານາຍຄູ ແລະຜູ້ໃຫ້ຄຳປຶກສາ ແມ່ນມີຫລາຍໄປກວ່ານັ້ນ.
ຍານາງ Angela Traylor ນາຍຄູສອນວິທະຍາສາດແກ່ທິມທີ່ຊະນະ ກ່າວວ່າ “ເວລາ
ໃດທີ່ເຂົາເຈົ້າໄດ້ຮຽນຮູ້ຂັ້ນຕອນການແກ້ໄຂບັນຫາແລ້ວ ເຂົາເຈົ້າສາມາດ ໃຊ້ມັນຕະ
ຫລອດຊີວິດຂອງເຂົາເຈົ້າ ແລະມັນຈະເປັນຜົນກຳໄລແກ່ເຂົາເຈົ້າ ບໍ່ວ່າເຂົາເຈົ້າຈະຢູ່ແຫ່ງຫົນໃດ ໃນວິຊາອາຊີບຂອງເຂົາເຈົ້າ.”
ການແຂ່ງຂັນບັ້ນສຸດທ້າຍ ໄດ້ດຳເນີນໄປຢ່າງຂຸ້ນຂ້ຽວ ແຕ່ວ່າ ພວກນັກຮຽນມີໃບໜ້າຍິ້ມ
ແຍ້ມແຈ່ມໃສຢູ່ເລື້ອຍໆ.
ນາງ Isabel Waring ເປັນຜູ້ຊະນະເລີດ ການປະກວດເມືອງໃນອະນາຄົດ ກ່າວວ່າ
“ຂ້າພະເຈົ້າຄິດວ່າມັນມ່ວນຊື່ນ ແຕ່ບໍ່ແມ່ນມ່ວນຊື່ນແບບນີ້. ຂ້າພະເຈົ້າຕ້ອງເຮັດໃຫ້
ມ່ວນຊື່ນກັບການແຂ່ງຂັນທັງໝົດນີ້."
ໂຮງຮຽນຂອງນາງ Isabel Waring ໃນເມືອງ Huntsville ລັດ Alabama ໄດ້ລາງວັນ
ທີໜຶ່ງ ພ້ອມດ້ວຍເມືອງຂອງເຂົາເຈົ້າ ທີ່ມີຊື່ວ່າ Ville Suave.
ເຫື່ອແຮງຂອງພວກນັກຮຽນ ແກ່ທີມທັງໝົດທີ່ໄດ້ເຂົ້າຮ່ວມ ສະແດງໃຫ້ເຫັນວ່າ ຄວາມ
ພະຍາຍາມນັ້ນໄດ້ຜົນ.
ທ່ານ Dan Koval ຜູ້ໃຫ້ຄຳປຶກສາຈາກ ນະຄອນ Philadelphia ກ່າວວ່າ “ຂ້າພະເຈົ້າ
ຄິດວ່າ ໃນທັດສະນະການແຂ່ງຂັນ ແລະພວກເຮົາມີກຳນົດວັນ ເວລາ ພວກເຮົາໄດ້
ເສັດສີ້ນ ຂ້າພະເຈົ້າ ເພິ່ງພາພວກເຈົ້າເພື່ອໃຫ້ທຸກສິ່ງຢ່າງເປັນທີ່ຮຽບຮ້ອຍດີ ມັນ
ແມ່ນສິ່ງເຫລົ່ານັ້ນ ທີ່ນຳພາພວກເຂົາເຈົ້າເຂົ້າຫາກັນ.”
ເມືອງໃນອະນາຄົດ ບໍ່ພໍພຽງແຕ່ກ່ຽວກັບການໃຊ້ວິທະຍາສາດເທົ່ານັ້ນ ໃນການແກ້ໄຂ
ບັນຫາຂອງໂລກ. ບັນດາໂຮງຮຽນມັດທະຍົມຕົ້ນເຫຼົ້ານີ້ ກ່າວວ່າ ເປັນການເຮັດວຽກ
ກ່ຽວກັບໝູ່ຄະນະ ເຮັດວຽກຢ່າງໜັກແລະກາຍມາເປັນບຸກຄົນທີ່ດີ.
