ລິ້ງ ສຳຫລັບເຂົ້າຫາ

ສານ ສປຊ ເລີ້ມດໍາເນີນຄະດີ ທ່ານ Mladic (ສະໄລດ໌)

  • ສິງ ບູຣົມມະວົງ

ນາຍພົນ Ratko Mladic ອະດີດຜູ້ບັນຊາການກອງທັບເຊີເບຍ ໃນ ບອສເນຍ. ວັນທີ 16 ພຶດສະພາ 2012.

ການ​ດໍາ​ເນີນ​ຄະດີ​ນາຍ​ພົນ Ratko Mladic ອະດີດ​ຜູ້​ບັນຊາ​ການກອງ ທັບ​ເຊີ​ເບຍ​ໃນ​ບອສ​ເນຍ​ໄດ້​ເລີ້ມ​ຂຶ້ນ​ແລ້ວ ທີ່​ສານ​ອາຍາ​ຂອງສະຫະປະຊາ​ຊາດ​ ​ໃນ​ນະຄອນ Hague 20 ປີ​ຫຼັງ​ຈາກ​ສົງຄາມ​ບອສເນຍ​ເລີ້ມ​ຂຶ້ນ.

ທ່ານ Dermot Groome ​ໄອ​ຍະ​ການ​ສານສະຫະ​ປະຊາ​ຊາດ ກ່າວ​ໃນ​ວັນ​ພຸດ ​ມື້​ນີ້ວ່າ ​ເປົ້າ​ໝາຍ​ຂອງ​ຜູ້​ບັນຊາ​ການທ່ານ​ນີ້​ ແມ່ນ​ທໍາການກວດ​ລ້າງ​ພາກສ່ວນ​ຕ່າງໆ​ຂອງ​ບອສ​ເນຍທີ່​ບໍ່​ແມ່ນ​ຊົນ​ເຜົ່າ​ເຊີ​ເບຍ​ນັ້ນ.

ນາຍ​ພົນ Mladic ກໍາລັງ​ປະ​ເຊີນ​ກັບ​ຂໍ້​ກ່າ​ວຫາ 11 ກະທົງ ຮວມທັງການຂ້າ​ລ້າງ​ເຊື້ອຊາດ​ເຜົ່າ​ພັນ ​ອາ​ຊະ​ຍາ​ກໍາສົງຄາມ ​ແລະ​ອາ​ຊະ​ຍາ​ກໍາຕໍ່ຕ້ານ​ມະນຸດຊາດ.

ອະດີດ​ຜູ້​ບັນຊາ​ການ​ກອງທັບ ​ໄວ 70 ປີ​ທ່ານ​ນີ້​ຖືກ​ກ່າວ​ຫາ​ວ່າ ອອກຄໍາ​ສັ່ງ​ໃຫ້​ທໍາ​ການ
​ສັງຫານພວກ​ຜູ້​ຊາຍທັງໃຫຍ່​ແລະນ້ອຍ​ ປະມານ8000 ຄົນ​ຢູ່​ນອກ​ເມືອງ Srebrenica
ຂອງ​ບອສ​ເນຍ ​ແລະ​ການປິດ​ລ້ອມ​ນະຄອນຫຼວງ​ Sarajevo ຂອງ​ບອສ​ເນຍຢ່າງ​ນອງ
ເລືອດ​ໃນ​ຕົ້ນ​ຊຸມ​ປີ 1990 ນັ້ນ.

ທ່ານ Mladic ຊຶ່ງ​ເປັນທະຫານອາຊີບ ​ໄດ້​ຮັບ​ການ​ເຝິກ​ແອບ​ທີ່​ໂຮງ ຮຽນ​ນາຍຮ້ອຍ​ທະ
ຫານ​ຂອງ​ກອງທັບ​ປະຊາຊົນ Yugoslavia ​ໃນກຸງ Belgrade. ​ເວລາ​ຢູ​ໂກສລາ​ເວ​ຍ​
ເລີ້ມ​ແຕກ​ແຍກ​ກັນ​ໃນ​ຕົ້ນຊຸມ​ປີ 1990 ທ່ານ​ໄດ້​ຖືກ​ເລື່ອນ​ຊັ້ນ ​ແລະ​ຂຶ້ນ​ເປັນ​ຜູ້​ບັນຊາ​ການ​
ກໍາລັງທະຫານເຊີ​ເບຍ​ໃນ​ບອສ​ເນຍ​ທັງ​ໝົດ ​ເວລາ​ພວກ​ເຂົາ​ເຈົ້າ​ເລີ້ມ​ທໍາການ​ຕໍ່ສູ້​ເພື່ອ​
ແຍກ​ລັດເຊີ​ເບຍ​ອອກ​ເປັນ​ປະ​ເທດ​ນຶ່ງ​ຕ່າງຫາກ​ນັ້ນ.

ການ​ສັງຫານ​ໝູ່​ທີ່​ເມືອງ Srebrenica ​ເກີດ​ຂຶ້ນ​ໃນ​ປີ 1995 ຫຼັງ​ຈາກ​ພວກ​ພົນລະ​ເຮືອນ
​ຫຼາຍ​ພັນ​ຄົນ​ໄປເຕົ້າ​ໂຮມ​ກັນ​ຢູ່​ໃນ​ເຂດ​ນຶ່ງ​ທີ່​ອົງການ​ສະຫະ​ປະຊາ​ຊາດ​ຈັດ​ຕັ້ງຂຶ້ນເປັນ
​ບ່ອນ​ທີ່​ປອດ​ໄພ​ນັ້ນ. ​ໃນ​ການ​ບໍ່​ເອົາ​ຫົວຊາ​ນໍາ​ເຂດ​ປອດ​ໄພ ທີ່​ສະຫະ​ປະຊາ​ຊາດ​ຈັດ​ຕັ້ງ​
ຂຶ້ນ​ນັ້ນ ພວກ​ທະຫານ​ເຊີ​ເບຍ​ໃນ​ບອສ​ເນຍ​ໄດ້​ຈັບ​ພວກ​ຜູ້​ຊາຍ​ທັງໃຫຍ່​ແລະ​ນ້ອຍ​ຈໍາ
ນວນຫຼາຍ​ເຖິງ 8 ພັນ​ຄົນ ແລະ​ທໍາ​ການ​ສັງຫານ​ພວກ​ຄົນ​ເຫຼົ່າ​ນີ້​ເປັນ​ເວລາ​ຫຼາຍ​ມື້. ຕໍ່​ມາ​
ໄດ້​ມີ​ການ​ພົບ​ເຫັນ​ຂຸມ​ຝັງ​ສົບ​ໝູ່ໃນ​ເຂດ​ອ້ອມ​ແອ້ມ​ກັນ​ນັ້ນ.

ຫຼັງ​ຈາກ​ສົງຄາມ​ຍຸດຕິ​ລົງ ທ່ານ Mladic ​ໄດ້​ກັບ​ຄືນ​ໄປ​ຍັງ​ກຸງ Belgrade ບ່ອນ​ທີ່​ພວກ
​ນັກ​ຊ່ຽວຊານ​ບາງ​ຄົນ​ເຊື່ອ​ວ່າ ທ່ານ​ໄດ້ຮັບ​ການ​ສະໜັບສະໜຸນ​ແລະ​ປົກ​ປ້ອງ​ໂດຍ​ປະທາ
ນາທິບໍດີ Slobodan Milosevic ຊຶ່ງ​ເປັນ​ປະທານາທິບໍດີ​ຂອງ​ເຊີ​ເບຍ​ຢູ່​ໃນ​ເວລານັ້ນ. ​
ແຕ່​ຫຼັງຈາກ​ທ່ານ Milosevic ຖືກ​ຈັບ​ກຸມ​ໃນ​ປີ 2001 ​ແລະຖືກ​ຍົກຍ້າຍ​ໄປ​ຍັງ​ສານ​ອາ
ຍາ​ໃນ​ນະຄອນ Hague ​ແລະ​ທ່ານ Mladic ກໍ​ໄດ້​ເອົາ​ໂຕ​ຫຼົບໜີ​ໄປ​ລີ້​ຊ່ອນ.

ຕໍ່​ມາ​ຜູ້ກ່ຽວ​ຖືກ​ຈັບ​ກຸມ​ໃນ​ເດືອນ​ພຶດສະພາ​ປີ​ແລ້ວ​ນີ້ ຊຶ່ງ​ເປັນ​ເວລາເກືອບ 3 ປີ​ຕໍ່​ມາ​ຫຼັງ
​ຈາກ​ທ່ານ Radovan Karadzic ອະດີດ​ຜູ້​ນໍາ​ການ​ເມືອງ​ໃນ​ປາງ​ສົງຄາມ​ບອສ​ເນຍ
ຖືກ​ຈັບ​ກຸມ​ນັ້ນ. ບັນດາ​ນັກ​ຊ່ຽວຊານ​ກ່າວ​ວ່າ ທ່ານ Mladic ຈະ​ຕ້ອງ​ໄດ້​ຮັບ​ການ​ສະໜັບ
ສະໜຸນຈາກ​ທະຫານແລະ​ພະ​ແນ​ກສືບ​ລັບ​ຕ່າງໆຂອງ​ເຊີ​ເບຍ ​ເພື່ອ​ຫຼີກລ້ຽງ​ຈາກ​ການ
​ຖືກ​ຈັບ​ກຸມ ມາ​ເປັນ​ເວລາ​ຫຼາຍ​ປີ​ນັ້ນ.

ສານ​ອາຍາ​ສະຫະ​ປະຊາ​ຊາດ​ໄດ້​ຟ້ອງ​ຮ້ອງ​ທ່ານ Mladic ຢ່າງ​ເປັນ​ທາງ​ການ​ໃນ​ປີ 1995 ພ້ອມ​ທັງ​ທ່ານ Karadzic ອະດີດ​ພັນທະ​ມິດຂອງ​ທ່ານ.

XS
SM
MD
LG