ຜູ້ຊາຍຄົນນຶ່ງໄດ້ຖືກພົບເຫັນຍັງມີຊີວິດ ດົນກວ່ານຶ່ງອາທິດ
ຫລັງຈາກເຮືອບິນເຮລິຄອບເຕີກູ້ໄພລຳນຶ່ງ ໄດ້ຫາຍສາບສູນ
ໃນຂະນະທີ່ທຳການຊອກຫາ ພວກປີນພູທີ່ຫາຍໄປຢູ່ພາກ
ເໜືອຂອງມຽນມາ.
ຜູ້ຊາຍຄົນນຶ່ງໃນຈຳນວນສາມຄົນ ຈາກເຮືອບິນເຮລິຄອບ
ເຕີລຳນັ້ນ ໄດ້ໄປເຖິງ ໝູ່ບ້ານ Lan Kha ທາງພາກເໜືອ
ຂອງມຽນມາ ໃນວັນອັງຄານວານນີ້ ແລະໄດ້ຮ້ອງຂໍການ
ການປິ່ນປົວ.
ເຖິງຢ່າງໃດກໍດີ ສະມາຊິກສະພາທີ່ເປັນຊາວກະຈິນ ທ່ານ
Ji Phon Sar ກ່່າວວ່າ ຊະຕາກຳຂອງຜູ້ຊາຍອີກສອງຄົນ ຍັງບໍ່ເປັນທີ່ຊາບໄດ້.
ທ່ານ Ji ກ່າວວ່າ :
“ປາກົດວ່າ ເຮືອບິນເຮລິຄອບເຕີໄດ້ຕົກລົງ ເກີດໄຟໄໝ້ແລ້ວລະເບີດຂື້ນ. ນັກບິນ
ຊາວມຽນມາໄດ້ລໍຖ້າຢູ່ທີ່ນັ້ນ ໃກ້ກັບບ່ອນເຮືອບິນຕົກ. ນັກບິນຄົນໄທ ແລະຜູ້ຊາຍ
ອີກຄົນນຶ່ງ ໄດ້ພະຍາຍາມຊອກຫາທາງກັບຄືນໂດຍຍ່າງຜ່ານປ່າດົງ ແຕ່ວ່າ ໃນ
ລະຫວ່າງທາງ ນັກບິນໄທໄດ້ຕັດສິນໃຈຢູ່ລໍຖ້າ. ມີພຽງແຕ່ຄົນດຽວມາເຖິງໝູ່ບ້ານ
Lan Kha ໃນວັນອັງຄານວານນີ້. ທີມຊອກຫາໄດ້ຖືກສົ່ງໄປໃນຕອນກາງຄືນ
ເພື່ອຊ່ວຍສອງຄົນທີ່ລໍຖ້າຢູ່ນຳຫລັງ.”
ມູນນິທິ Htoo ທີ່ເປັນຜູ້ນຳພາໃນຄວາມພະຍາຍາມຊອກຫາ ໄດ້ຂຽນລົງໜ້າ Facebook
ຢືນຢັນວ່າ ຕົນໄດ້ສົ່ງທີມກູ້ໄພ ໄປຊອກຫາພວກຜູ້ຊາຍທີ່ຍັງຫາຍ ສາຍສູນ.
ເຮືອບິນເຮລິຄອບເຕີໄທ ໄດ້ຂາດການຕິດຕໍ່ກັບ ຫໍຄວບຄຸມການບິນຢູ່ທາງພາກພື້ນດິນ
ໃນວັນທີ 27 ເດືອນກັນຍາ ຫລັງຈາກ ບິນຂື້ນໄດ້ໜ້ອຍນຶ່ງ ຈາກເດີ່ນບິນ Putao ໃນລັດ
Kachin ທາງພາກເໜືອຂອງມຽນມາ ເພື່ອໄປຊ່ວຍຊອກຫາ ນັກປີນພູຊາວມຽນມາສອງ
ຄົນ ທີ່ໄດ້ຂາດການຕິດຕໍ່ກັບ ສະມາຊິກຄົນອື່ນໆໃນທິມປີນພູຂອງເຂົາເຈົ້າ ຫລັງຈາກໄດ້
ປິນຂື້ນເຖິງຈອມພູ Hkakaborazi ໃນທ້າຍເດືອນສິງຫາ. ຈົນຮອດດຽວນີ້ ກໍຍັງຊອກຫາ
ເຂົາເຈົ້າ ບໍ່ເຫັນ.
