ນາງ Paulina Vega ນາງງາມແຫ່ງ Columbia ໄດ້ຖືກເລືອກເປັນນາງສາວຈັກກະວານຄົນໃໝ່ ໃນການປະກວດ
ນາງງາມຈັກກະວານໃນຄ່ຳຄືນວັນອາທິດວານນີ້ ຢູ່ນອກ
ນະຄອນ Miami ລັດຟລໍຣິດາ ໃນພາກຕາເວັນອອກສຽງໃຕ້
ຂອງສະຫະລັດ.
ນາງ Vega ໄວ 22 ປີ ໄດ້ຊະນະນາງ Nia Sanchez ຈາກ
ສະຫະລັດ ເປັນລອງນາງສາວຈັກກະວານ ແລະຕໍ່ມາຜູ້ທີ 3
ແມ່ນໄດ້ແກ່ນາງ Diana Harkusha ຈາກປະເທດຢູເຄຣນ.
ທັງໝົດມີຜູ້ມາເຂົ້າແຂ່ງຂັນ 88 ຄົນ ຊຶ່ງເປີດໂອກາດໃຫ້ພວກ
ແມ່ຍິງ ອາຍຸລະຫວ່າງ 18 ຫາ 27 ປີ ທີ່ບໍ່ເຄີຍແຕ່ງງານ ຫຼື ບໍ່ເຄີຍມີລູກມາກ່ອນ.
ນາງ Vega ທີ່ຮຽນວິຊາດ້ານການປົກຄອງທຸລະກິດ ທີ່ມະຫາວິທະຍາໄລ Bogota ແລະ
ເປັນຜູ້ແຂ່ງຂັນ ຄົນທຳອິດ ທີ່ມາຈາກປະເທດ Columbia ທີ່ໄດ້ຊະນະການປະກວດນັບ
ແຕ່ປີ 1958 ເປັນຕົ້ນມາ.
