ລິ້ງ ສຳຫລັບເຂົ້າຫາ

ຈີນສົ່ງເສີມ ເສັ້ນທາງສາຍໄໝ ທາງທະເລ ເພື່ອຍົກ​ລະດັບ ​ການເຊື່​ອມຕໍ່ ທາງການ​ຄ້າຂອງ​ຕົນ (ວີດີໂອ ພາສາລາວ)


ໃນ​ກາງ​ເດືອນ​ກັນຍາ ປະ​ທານ​ປະ​ເທດ​ຈີນ ທ່ານ Xi Jinping
ໄດ້ເດີນທາງ​ໄປຢ້ຽມ​ຢາມ ຄັ້ງ​ປະຫວັດສາດ ທີ່​ປະ​ເທດ ອິນ​ເດຍ
ສ​ຣີ​ ລັງ​ກາ ແລະ ມອລ​ດີວ ອັນ​ເປັນ​ພາກ​ສ່ວນຂອງ​ການ​ປຸກລະ
ດົມ​ ​ເພື່ອ​ສົ່ງ​ເສີມ​ເສ້ນ​ທາງ​ສາຍ​ໄໝ ເສັ້ນໃໝ່ໃນ​ເອ​ເຊຍ ກໍ​ຄື
“​ເສ້ນ​ທາງສາຍ​ໄໝ​ທາງ​ທະ​ເລ”. ຄວາມ​ພະ​ຍາ​ຍາມ​ສົ່ງ​ເສີມ
​ເສ້ນ​ທາງ​ດັ່ງກ່າວ ​ຂອງລັດ​ຖະ​ບານ​ຈີນ ​ແມ່ນອີງໃສ່​ປະຫວັດ
ສາດ​ຂອງນັກ​ເດີ​ນ​ເຮືອ ​ທີ່​ມີ​ຊື່​ສຽງຂອງ​ປະ​ເທດ ໃນສັດ​ຕະວັດ
​ທີ່ 15 ທີ່​ເປັນ​ຂັນ​ທີ​ຊື່​ວ່າ​ເຈິ້ງ ​ເຫີ (Zheng He). ຜູ້​ສື່​ຂ່າວ​ວີໂອ​
ເອ Bill Ide ມີລາຍ​ງານ​ຈາກ​ບ້ານ​ເກີດຂອງນັກ​ເດີນເຮືອຄົນ​ນີ້
ທີ່​ແຂວງຢຸນ​ນານ ກ່ຽວ​ກັບຄວາມ​ພະ​ຍາ​ຍາມເພື່ອ​ສົ່ງ​ເສີມອະ
ນາ​ຄົດ​ຂອງ​ຈີນ ໂດຍ​ການ​ຮື້​ຟືນ​ອະດີດຄືນ​ມາຊຶ່ງ​ ກິ່ງ​ສ​ະ​ຫ​ວັນ
ຈະ​ນຳ​ມາ​ສະ​ເໜີ​ທ່ານ.

ເບິ່ງວີດີໂອ ພາສາລາວ ກ່ຽວກັບລາຍງານນີ້:

ທ່ານ ​ເຈິ້ງ ​ເຫີ (Zheng He) ​ເຕີບ​ໃຫຍ່ຂຶ້ນ​ມາ ຢູ່​ແຄມໜອງ Dianchi ທາງ​ທິດ​ໃຕ້​ຂອງ​
ຄຸນ​ໝີງ ເມືອງ​ຫລວງຂອງ​ແຂວງ ຢຸນ​ນານ ​ໃນສະ​ໄໝ​ໃໝ່ນີ້.

​ການ​ເດີນ​ທາງ​ເຈັດ​ເທື່ອ ຂອງ​ທ່ານ Zheng He ໄດ້ພາທ່ານ​ ຂ້າມ​ເອ​ເຊຍ​ໃຕ້ ພາກຕາ​
ເວັນ​ອອກ​ກາງ ໄປຈົ​ນຮອດ ຝັ່ງ​ທະ​ເລ​ ຕາ​ເວັນ​ອອກຂອງ​ອາ​ຟ​ຣິກາ ຊຶ່ງ​ໄດ້​ເຮັດ​ໃຫ້​ຈີນ
ຕົກ​ຢູ່​ໃນ​ຖານະ​ພິ​ເສດ​ຂອງໂລກ.

​ນັກຄົ້ນ​ຄວ້າ​ກ່ຽວ​ກັບ​ທ່ານ Zheng He ​ຄື ທ່ານ Xu Keming ຊຶ່ງ​ເປັນ​ຜູ້​ດູ​ແລ ອະນຸ
ສອນ​ສະຖານ Zheng He ​ໃນ​ເມືອງ Jinning ບ້ານ​ເກີດ​ຂອງ​ພົນ​ເຮືອ​ຕີ​ຈີນ​ທ່ານ​ນີ້.

ທ່ານ Xu Keming ກ່າ​ວ​ວ່າ:

ແຕ່ລະເທື່ອທີ່ທ່ານ Zheng He ອອກເຮືອ​ໄປ ​ແມ່ນ​ຈະມີຂະບວນເຮືອ
ຕິດຕາມໄປນຳ ປະມານ 200 ລຳ ທີ່ຍາວຢຽດອອກໄປຮອດສີ່ກິໂລແມດ
ຢູ່
ໃນທະເລ. ​ພວກເຮືອບັນທຸກ​ຊັບສົມບັດ ຈະມີຄວາມຍາວຢູ່ 44 ແມັດ.
ໃນເວລານັ້ນ ເປັນທີ່ກ່າວກັນວ່າເວລາ​ໃດ​ທີ່ຈີນຄອບງຳມະຫາສະມຸດອິນ
ເດຍ ​ແມ່ນບໍ່ມີເທດໃດ ທີ່​ຈະ​ກ້າລ່ວງ​ລ້ຳ ​ເຂົ້າ​ໄປ​ໃນດິນແດນຂອງຈີນ.

ນັກວາງແຜນ ແລະຄົ້ນຄວ້າ ທ່ານ Jin Feibao ຢືນຢູ່ ທ່າມກາງພວກເຮືອຈຳລອງ ຂອງ ພົນເຮືອຕີ ເຈີ້ງ ເຫີີ.
ນັກວາງແຜນ ແລະຄົ້ນຄວ້າ ທ່ານ Jin Feibao ຢືນຢູ່ ທ່າມກາງພວກເຮືອຈຳລອງ ຂອງ ພົນເຮືອຕີ ເຈີ້ງ ເຫີີ.

ຖານະທີ່​ສຳ​ຄັນດັ່ງກ່າວ ບໍ່​ໄດ້​ຍືນ​ຍົງຢູ່​ນານ ຍ້ອນ​ວ່າຈີນ​ໄດ້ຫັນ​ໜ້າເຂົ້າ​ຫາ​ຕົນ​ເອງ
ຫລັງ​ຈາກທ່ານ Zheng He ​ເສຍ​ຊີ​ວິດ. ​ແຕ່​ເຖິງ​ຢ່າງ​ໃດ​ກໍ​ຕາມ ບັນ​ດາ​ຜູ້ນຳ​ຈີນຢຸກ
ໃໝ່ ເຊັ່ນ ທ່ານ ​ເຕິ້ງ ສຽວ​ຜິ​ງ (Deng Xaioping) ໄດ້​ພົບຄວາມ​ໝາຍຢູ່​ໃນປະຫວັດ
ສາດຂອງ​ທ່ານ Zheng ແລະຮູ້​ສຶກ​ເຖິງ​ພາລະກິດທີ່​ຈະ​ຕ້ອງ​ໄດ້​ເຮັດ. ​ທ່ານ ເຕິ້ງໄດ້
ເປັນ​ຜູ້​ລິເລີ້ມ ​ແລະນຳ​ພາ ການເປີດ​ກວ້າງທາງເສດ​ຖະ​ກິ​ດ​ຂອງຈີນ ໃນ​ປີ 1980.

ທ່ານ Xu Keming ນັກຄົ້ນ​ຄວ້າ​ກ່ຽວ​ກັບ​ທ່ານ Zheng He ​ເວົ້າ​ວ່າ:

ທ່ານ Deng ກ່າວວ່າ ໃນປະຫວັດສາດ 2000 ປີຂອງຕົນ​ນັ້ນ ຈີນບໍ່ເຄີຍໄດ້
ເປີດກວ້າງສູ່​ໂລກ ຄື​ກັນ​ກັບເວລາທີ່ທ່ານ Zheng He ເດີນທາງ​ໄປ​ທົ່ວ​ໂລກ
ແລະ
ຫລັງຈາກນັ້ນຈີ​ນກໍ​ໄດ້​ຕົກ​ຕ່ຳລົງ​ ​ແລະ​ຕົກ​ຕ່ຳລົງເລື້ອຍ​ໆ ຈົນຮອດລາດ
ຊະວົງ ໝິງ (Ming)ແລະລາດ​ຊະ​ວົງ ຈິງ (Qing). ​ດ້ວຍ​ເຫດນັ້ນ​ເອງ ທ່ານ
Deng ຈຶ່ງ​ໄດ້​ກ່າວວ່າ ຈີນຈະປິດຕົນເອງຕໍ່ໂລກພາຍນອກບໍ່​ໄດ້ແລະອ້າງ​
ເຖິງໂຕ
ທ່ານເອງວ່າ ເປັນ Zheng He ຜູ້ທີ່ສອງ.”

ປະທານ​ປະ​ເທດຈີນ ທ່ານ ສີ ຈິນຜິ​ງ (Xi Jingping) ​ໄດ້​ເລີ້ມ​ເວົ້າ​ຂື້ນ​ມາ​ໃໝ່ ​ເຖິງ
“​ເສ້ນທາງ​ສາຍ​ໄໝທາງ​ທະ​ເລ” ຢູ່​ໃນ​ຄຳ​ປາ​ໄສຕໍ່ ​ສະພາ​ແຫ່ງຊາດ​ອິນ​ໂອ​ເນ​ເຊຍ ປີ
​ກາຍ​ນີ້ ​ແລະ​ໄດ້​ເນ້ນ​ໜັກ​ໃສ່ການ​ພົວພັນກັບອິນ​ໂດ​ເນ​ເຊຍ ຂອງທ່ານ Zheng He
ທີ່​ໄດ້​ຢຸດ​ແວ່​ປະ​ເທດ​ດັ່ງກ່າວ ​ໃນ​ການ​ເດີນ​ທະ​ເລ​ທັງ​ເຈັດ​ເທື່ອ​ຂອງ​ທ່ານ.

ນະໂຍບາຍ​ຂອງ​ເສ້ນທາງ​ສາຍ​ໄໝ ​ເນັ້ນ​ໜັກ​ໃສ່​ການ​ຍົກ​ລະດັບ ​ການເຊື່​ອມຕໍ່ທາງ
ການ​ຄ້າຂອງ​ຈີນ ​ແຕ່​ກໍ​ມີ​ຫລາຍໆ​ຢ່າງ​ທີ່​ຍັງ​ບໍ່​ເປັນ​ທີ່​ແຈ້ງ​ຂາວ ກ່ຽວ​ກັບ​ຈຸດປະ​ສົງໃນ​ວົງ
ກວ້າງຂອງ​ນະ​ໂຍບາຍ​ດັ່ງກ່າວ ຊຶ່ງ​ເຮັດ​ໃຫ້​ບາງປະ​ເທດເພື່ອນ​ບ້ານ​ຂອງ​ຈີນ ​ມີຄວາມ​
ເປັນ​ຫ່ວງໂດຍ​ສະ​ເພາະຢ່າງ​ຍິ່ງ ຍ້ອນ​ວ່າປັກ​ກິ່ງ​ໄດ້​ອ້າງ​ເອົາ​ກຳມະສິດ ​ໃນທະ​ເລ​ຈີນ​ໃຕ້
ເກືອບ​ທັງ​ໝົດ.

ນັກ​ເສດຖະ​ສາດ ​ເຈຍ ຈິງ​ຈິງ (Jia Jinjing) ຈາກສະ​ຖາ​ບັນສຶກສາການ​ເງິນ Chaoyang
ຂອງມະຫາວິທະຍາ​ໄລ Renmin ກ່າວ​ວ່່າ ຈຸດປະສົງນຶ່ງ​ຂອງຍຸດ​ທະ​ສາດ “​ເສ້ນທາງ​
ສາຍໄໝ” ແມ່ນ​ເພື່ອ​ເສີມ​ສ້າງຕໍ່​ ຈາກ​ເສ້ນທາງ​ເຊື່ອມ​ຕໍ່​ການ​ຄ້າ​ໃນປະຫວັດ​ສາດ ​ແລະ​
ເລັ່ງລັດຊຸກ​ຍູ້ ​ໃຫ້​ມີ​ການ​ຮັບ​ເອົາ​ເງິນຕາ​ຂອງ​ຈີນ ​ໃນ​ຂອບ​ເຂດ​ທີ່​ກ້ວາງ​ຂວາງ​.

ທ່ານ Jia Jinjing ກ່າວ​ວ່າ :

“ດັ່ງ​ໂຕ​ຢ່າງ ທ່ານ Xi ​ໄດ້​ເວົ້າເຖິງ​ການ​ເຮັດ​ໃຫ້ການແລກປ່ຽນ​ທາງ​ດ້ານການ​ເງິນ​ ມີຄວາມເຂ້​ມແຂງ​ຂື້ນ ​ຕອນ​ທີ່ທ່ານ​ຢ້ຽມຢາມສຣີ ລັງກາ ​ແລະ​ເຖິງ​ແມ່ນ ສຣີ ລັງກາ
ບໍ່ແມ່ນຜູ້ ​ຫລີ້ນບົດບາດ​ທີ່ສຳຄັນຢູ່​ໃນ​ລະ​ບົບການ​ເງິນ​ຂອງ​ໂລກກໍ​ຕາມ ຈຸດທີ່​ຕັ້ງ
ຂອງ​ ສຣີລັງກາ ​ໃນ​ແງ່​ຂອງ​ການ​ຄ້າ​ແລະແນວໂນ້ມ​ແລ້ວ ​ແມ່ນ​ດີ​ຫລາຍ ສຳລັບ​
ການ​ທຳ​ທຸລະ​ກຳ​ທາງ​ການ​ເງິນ ແລະ​ການ​ບໍລິການ.”

ປະທານາທິບໍດີ ສຣີ ລັງກາ ທ່ານ Mahinda Rajapaksa, ຂວາ, ຈັບມືກັບ ປະທານປະເທດຈີນ ທ່ານ Xi Jinping ໃນລະຫວ່າງການພົບປະກັນ ຢູ່ ໂຄລົມໂບ.
ປະທານາທິບໍດີ ສຣີ ລັງກາ ທ່ານ Mahinda Rajapaksa, ຂວາ, ຈັບມືກັບ ປະທານປະເທດຈີນ ທ່ານ Xi Jinping ໃນລະຫວ່າງການພົບປະກັນ ຢູ່ ໂຄລົມໂບ.

ນັກ​ເສດຖະ​ສາດ ​ເຈຍ ຈິງ​ຈິງ (Jia Jinjing) ຈາກສະ​ຖາ​ບັນສຶກສາການ​ເງິນ Chaoyang
ຂອງມະຫາວິທະຍາ​ໄລ Renmin ກ່າວ​ວ່່າ ຈຸດປະສົງນຶ່ງ​ຂອງຍຸດ​ທະ​ສາດ “​ເສ້ນທາງ​ສາຍ
​ໄໝ” ແມ່ນ​ເພື່ອ​ເສີມ​ສ້າງຕໍ່​ ຈາກ​ເສ້ນທາງ​ເຊື່ອມ​ຕໍ່​ການ​ຄ້າ​ໃນປະຫວັດ​ສາດ ​ແລະເລັ່ງລັດ
​ຊຸກ​ຍູ້ ​ໃຫ້​ມີ​ການ​ຮັບ​ເອົາ​ເງິນຕາ​ຂອງ​ຈີນ ​ໃນ​ຂອບ​ເຂດ​ທີ່​ກ້ວາງ​ຂວາງ​.

ທ່ານ Jia Jinjing ກ່າວ​ວ່າ :

“ດັ່ງ​ໂຕ​ຢ່າງ ທ່ານ Xi ​ໄດ້​ເວົ້າເຖິງ​ການ​ເຮັດ​ໃຫ້ ການແລກປ່ຽນ​ທາງ​ດ້ານການ​
ເງິນ​ ມີຄວາມເຂ້​ມແຂງ​ຂື້ນ ​ຕອນ​ທີ່ທ່ານ​ຢ້ຽມຢາມສຣີ ລັງກາ ​ແລະ​ເຖິງ​ແມ່ນ ສຣີ
ລັງກາ ບໍ່ແມ່ນຜູ້ຫລີ້ນບົດບາດ​ທີ່ສຳຄັນຢູ່​ໃນ​ລະ​ບົບການ​ເງິນ​ຂອງ​ໂລກກໍ​ຕາມ
ຈຸດທີ່​ຕັ້ງຂອງ​ ສຣີລັງກາ ​ໃນ​ແງ່​ຂອງ​ການ​ຄ້າ​ແລະແນວໂນ້ມ​ແລ້ວ ​ແມ່ນ​ດີ​ຫລາຍ ສຳລັບ​ການ​ທຳ​ທຸລະ​ກຳ​ທາງ​ການ​ເງິນ ແລະ​ການ​ບໍລິການ.”

ໃນ​ລະຫວ່າງ​ທີ່​ຢ້ຽມຢາມ ສຣີ ລັງກາ ທ່ານ Xi ​ໄດ້​ເຂົ້າ​ຮ່ວມ​ພິທີວາງ​ສິລາ​ລຶກ ສຳລັບ​ທ່າເຮືອ
ມູນ​ຄ່າ 1 ພັນ 4 ຮ້ອຍ​ລ້ານ​ໂດ​ລາ ທີ່​ກຳລັງ​ກໍ່ສ້າງ ດ້ວຍ​ທຶນ​ຂອງ​ຈີນ.

XS
SM
MD
LG