ລິ້ງ ສຳຫລັບເຂົ້າຫາ

ກຸ່ມຫົວຮຸນແຮງ ຂູ່ຂວັນ ຈະກີດກັ້ນ ການສັກຢາ ກັນໂປລິໂອ ໃນປາກິສຖານ


ພວກເດັກນ້ອຍປະມານ 250.000 ໃນພາກຕາເວັນຕົກສຽງເໜືອ ຂອງ ປາກິສຖານຄົງຈະບໍ່ໄດ້ຮັບການສັກຢາວັກຊິນ ປ້ອງກັນໂປລິໂອ.

ບັນດາ​ເຈົ້າ​ໜ້າ​ທີ່ປາ​ກິ​ສຖານກ່າວ​ວ່າ ພວກ​ເດັກນ້ອຍປະມານ 250.000 ຄົນ ຢູ່ໃນພາກ​ຕາ​ເວັນ​ຕົກ​ສຽງເໜືອ​ຂອງປະ​ເທດຄົງ​ຈະ​ບໍ່​ໄດ້​ຮັບ​ການ​ສັກ​ຢາ​ວັກ​ຊີ​ນ ປ້ອງ​ກັນ​ໂປລິ​ໂອ ​ເນື່ອງ​ຈາກ​ການ​ຂົ່ມຂູ່​ຂອງ​ພວກ​ຫົວ​ຮຸນ​ແຮງ.

ທ່ານ Aftab Akbar Durrani ລັດຖະມົນຕີ​ກິດຈະການ​ສັງຄົມ​ໃນ​ເຂດ​ຊົນ​ເຜົ່າຂອງ​ລັດຖະບາ​ນ
ກາງປາ​ກິ​ສຖານກ່າວ​ຕໍ່ວີ​ໂອ​ເອພະແນ​ກພາສາ Urdu ​ໃນ​ວັນ​ສຸກ​ນີ້​ວ່າ ​ເດັກ​ນ້ອຍປະມານ 150
ພັນຄົນ​ ໃນ​ເຂດ​ ​Waziristan ເໜືອ ແລະ​ອີກ 100.000 ​ໃນ​ເຂດ Waziristan ​ໃຕ້ກໍາລັງ​ພາ
ກັນ​ສ່ຽງ​ຕໍ່​ການ​ບໍ່​ໄດ້ສັກ​ຢາ ​ໃນ​ລະຫວ່າງ​ການ​ປຸກລະດົມ​ເປັນ​ເວລາ 3 ມື້​ຕໍ່ຕ້ານ​ພະຍາດ​ໂປ​ລິ​ໂອ
ຊຶ່ງ​ຈະ​ເລີ້ມ​ໃນ​ວັນ​ຈັນ​ນີ້.

​ເຂດ​ຊົນ​ເຜົ່າທີ່ຢູ່​ຕິດ​ກັບ​ຊາຍ​ແດນອັ​ຟກາ​ນິສຖານ​ເຫຼົ່ານີ້ ແມ່ນຮູ້​ກັນ​ດີວ່າ​ເປັນ​ບ່ອນ​ຫຼົບລີ້​ຂອງ
ພວກ Taliban​ ແລະພວກ​ຫົວ​ຮຸນ​ແຮງ​ທີ່ເປັນ​ເຄືອ​ຂ່າຍ​ຂອງກຸ່ມ​ກໍ່​ການ​ຮ້າຍ al-Quaida.

​ໃນ​ເດືອນ​ແລ້ວ​ນີ້ ກຸ່​ມຫົວ​ຮຸນ​ແຮງ​ທີ່ມີຖານປະຕິບັດ​ງານ​ຢູ່​ Waziristan ​ເໜືອ​ໂດຍ​ການ​ນໍາພາ​ຂອງ​ນາຍ Hafiz Gul Bahadur ​ໄດ້​ເຕືອນ​ໜ່ວຍ​ສັກ​ຢາ​ຕໍ່ ຕ້ານໂປ​ລິ​ໂອວ່າ ​ບໍ່​ໃຫ້​ເຂົ້າ​ໄປ​ສັກ​ຢາ​ໃຫ້​ພວກ​ເດັກນ້ອຍ​ໃນ​ເຂດ​ຊົນ​ເຜົ່າ ຖ້າບໍ່​ດັ່ງນັ້ນ “ຈະ​ປະ​ເຊີນ​ໜ້າກັບຜົນ​ທີ່​ຕິດຕາມ​ມາ.” ພວກ​ຫົວຮຸນ​ແຮງ​ ກ່າວ​ຫາວ່າ ການ​ພະ​ຍາ​ຍາມ​ສັກ​ຢາ​ວັກ​ຊີ​ນປ້ອງ​ກັນນີ້ ​ແມ່ນເພື່ອ​ນຳ​ໃຊ້​ໃນ​ການ​ເກັບ​ກຳ​ຂໍ້​ມູນ​ສຳ​ຫຼັບການ​ໂຈມຕີຈາກ​ເຮືອບິນ​ທີ່​ບໍ່​ມີ​ຄົນ​ຂັບຂອງສະຫະລັດຢູ່​ໃນ​ຂົງ​ເຂດຕາມ​ທີ່ ມີ​ການ​ສົງ​ໄສ​ກັນນັ້ນ.

ກູ່​ມຫົວ​ຮຸນ​ແຮງ​ໄດ້​ອ້າງເອົາ​ກໍ​ລະ​ນີຂອງທ່ານໝໍ​ປາ​ກິ​ສຖານ ທີ່​ຖື​ກຄຸກຢູ່​ໃນ​ເວລາ ນີ້ ​ທີ່ຖືກ​ກ່າວ​ຫາ​ວ່າ ຈັດການສັກ​ຢາ​ຂີ້​ຕົ້ວ​ະຂຶ້ນ ​ເພື່ອຊ່ວຍ​ອົງການ CIA ​ເກັບ ກຳຕົວຢ່າງ DNA ​ເພື່ອໃຫ້ການ​ຢືນຢັນ​ວ່າ ນາຍ Osama Bin Laden ​ຢູ່ໃນ​ເຮື​ອນຫຼັງນຶ່ງ ທີ່​ເມືອງ Avvottabad​ ​ໃນ​ປາກິ​ສຖານ​ແທ້.

ກໍາລັງ​ພິ​ເສດ ຂອງສ​ະຫະລັດ​ໄດ້​ສັງຫານ​ຜູ້​ນໍາກຸ່ມ al-Qaida ​ໃນ​ການ​ບຸກ​ເຂົ້າ​ໄປໂຈມ​ຕີໃນ​ເດືອນພຶດສະພາ ປີ 2011. ​ໃນ​ຕົ້ນ​ປີ​ນີ້ ສານ​ປາ​ກິ​ສຖານໄດ້​ຕັດ ສິນ​ລົງ​ໂທດ​ ທ່່ານໝໍ Afridi ​ໃນ​ຖານ​ໃຫ້ການ​ຊ່ວຍ​ເຫລືອ​ແກ່ກຸ່ມ​ຫົວຮຸນ​ແຮງ ຊຶ່ງ​ເປັນ​ການ​ເຄື່ອນ​ໄຫວ​ທີ່ຖືກ​ຕິຕຽນ​ຢ່າງ​ໜັກຈາກສະຫະລັດອາເມ​ຣິ​ກາ.

XS
SM
MD
LG